Ɛsira 4:9 - ALLALA KUMƐ

^9-10 “Minnu bi kɛdi kɛ sɛbɛla, wo le nde, Rihum wo, nna kɛdi-sɛbɛla Simisayi wo, ma makawandilɛnu wo, kiti-tɛgɛlɛnu wo, anubɛ a mɔgɔ-ba-toe minnu siginɛ Samariya soe kɛ burɔ. Mɔgɔ-ba donu kofura ma ma ka bɔ nyamani-gbɛrɛkɛnu tɔ Yufereti bɛ tele-yigi wara la. Fɔlɔ nun, ma dama siginɛ Ɛreki anubɛ Babilɔn anubɛ Susa soenu tɔ nun Ilam nyamanɛ rɔ anubɛ nyamani-gbɛrɛkɛnu tɔ. Mansa-makawanɛ Asibanipuli ya ma labɔ mala soenu tɔ ka ma sigi Samariya soe kɛ burɔ anubɛ nyamani-gbɛrɛkɛnu tɔ Yufereti bɛ tele-yigi wara la.

Ɛsira 4:9 ပူးပေါင်းရင်းမြစ်များ

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

Ɛsira 4:8

Wo kɔma, Rihum min bi kun-tigiyɛ la Yufereti bɛ tele-yigi wara la anubɛ ala kɛdi-sɛbɛlɛ Simisayi, wonu ya kɛdi sɛbɛ Mansa Atasakasi ma Yerusalɛm so-burɔ-mɔgɛnu kan ma. Min sɛbɛnɛ kɛdi wo rɔ, wo le kɛ la ko,

Ɛsira 5:3

A ma mɛ, Tatenayi min bi Yufereti bɛ tele-yigi wara la kun-tigiyɛ la wo, anubɛ ala kandɛ Setari-Bɔsɛnayi wo, anubɛ mɔgɔ-ba doinu, anu tara Yerusalɛm soe burɔ. Wonu ya a fɔ Yahudiyanu ye ko, “Yon ya a fɔ wo ye ko wo ni Bato-Bɔn kɛ sɔ ka a rabɛn a kilɛ fɛ?”

Ɛsira 5:6

Mɔgɔ-ba minnu bi Yufereti bɛ tele-yigi waralɛ kun na, wonu ya kɛdi min sɛbɛ Mansa Dariyasi ma, wo le kɛ la.

Ɛsira 6:6

Mansa Dariyasi ya kala sɔrɔn kɛ ma min kɛ, a ya mɔgɔ-ba wonuna kɛdi kɔfili. A ko, “Ile Tatenayi min bi Yufereti bɛ tele-yigi waralɛ kun na wo, ila kandɛ Setari-Bɔsɛnayi wo, anubɛ nyɔ-mɔgɔ-banu, n bara wo dama kɔndɔn. “Wo ni wo masɛgi Bato-Bɔn wo la.

Nihɛmaya 4:2

A kɛnɛna a fɔla a na-kelen-nyɔgɛnu anubɛ Samariya kɛlɛ-dannu yala ko, “Yahudiya-manyimanɛ kɛnu miri ye nfen ma? Soe kɛ mumɛ ladan-sɔgɛ le ye anu na, wa? Kɛnu miri ko anu si banna soe kɛ mumɛ bɛɛsi ladanna tele kelen kɔrɔ saraka-bɔɛ fɛ? Anu si buriburi-mintantɛ-kɛ yɛlɛma kurinu na ka bɔn sɔ anu na?”

Ɛsita 2:3

I ni mɔgɔ-ba donu yabɔ ila nyamanɛ kan tinɛ bɛɛ rɔ alako wonu ni anu yɛ lakalan ka na sunkurɔn wonu dantɛgɛ ila musu-makandanna Hɛgayi ma Susa soe kɛ burɔ. Hɛgayi min bi ila musinu makandanna, wo ni to sunkurɔn kɛnu fɛ-birala alako anuna kinyɛ si bɔ gbɛ rɔ nya min.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Yɛrɛmaya 25:25

Simiri nyamanɛ wo, Ilam nyamanɛ wo, Midiya nyamanɛ wo, nyɔ-mansɛnu wo,

Yɛrɛmaya 49:34

Sɛdɛkaya mɛ mansɛ la Yuda nyamanɛ rɔ, a ma mɛ wo kɔma, Mari kumara nde, Yɛrɛmaya ye Ilam nyamanɛla ko la.

Isikiyɛli 32:24

“Ilam kɛlɛ-dannu fanan bi lakira nyɔ. Alla-lɔnbɛlɛ kɛnu bi anu niyi la tumɛ min, anu bi mɔgɛnu takilanna kɔnɔ anu dama kunyɛ tora kɛlɛ rɔ nun. Kaka, anu faganɛ sanɛ lakira miliyɛ rɔ, ado anuna ban-bole anubɛ kɛlɛ-dannutɛ mara kelen na.

Daniyɛli 8:2

Nna ko-rayen kɛ rɔ, n tara tɛrɛna n nyɛrɛ la Susa soe burɔ tarɛ mininɛ min ma Ilam nyamanɛ rɔ. N bi yi-nɛ do dafɛ min tɔgɛ Wulai.

Kɛwɔlɛnu 2:9

Male donu bɔra Patiya, Midiya, anubɛ Ilam nyamanɛnu tɔ. Donu bɔra Mɛsapotemiya, Yudiya, anubɛ Kapadosiya nyamanɛnu tɔ. Donu bɔra Ponta, anubɛ Esiya nyamanɛnu tɔ.