Ɛsira 4:24 - ALLALA KUMƐ

²⁴ Bato-Bon-sɔɛ danta Yerusalɛm soe burɔ tumɛ min, anu ma wɔli-wo-wɔli kɛ ha Dariyasita mansayɛ san fila nyɔgɛ ma Pasiya nyamanɛ rɔ.

Ɛsira 4:24 ပူးပေါင်းရင်းမြစ်များ

Ɛsira 3:8

Isirɛla mɔgɛnu ke Yerusalɛm wo san kelen karɛ kelen tenbinɛ, a karɛ fila nyɔgɛ ma, anu ya Bato-Bon-sɔɛ dabira. Silatiyɛlila den Sarababulu wo, Yɛhosadakila den Yasowa wo, saraka-masɔlɛnu wo, Lifayinu wo, anubɛ mɔgɔ-birani-kɔrɔ-toe minnu nara Yerusalɛm soe burɔ, anu dama ya wɔlɛ dabira. Lifayi kei min bɛɛsi sɔrɔn ara ke san mogan rɔ ka tenbi wo la, anu ya wonu ma Mari Bato-Bon-kumafɛlɛnnɛnu na.

Ɛsira 4:23

Mansa Atasakasita kɛdi kɛ karanta Rihum anubɛ Simisayi anubɛ anuna kun-tiginu ye tumɛ min, tiriyante wo rɔ, anu tara Yerusalɛm soe burɔ ka anu fɔrɔsɛ ko Yahudiyanu ni fara soe wo sɔɛ la.

Ɛsira 4:5

Wo kɔma, anu ya dogonta-fan di Pasiya mɔgɔ-banu ma anuna ko la. Anu tora wo kun na ka a dabira Sairasila mansaya-wati ma ha Dariyasila mansaya-wati.

Ɛsira 5:1

Mansa Dariyasita san fila nyɔgɛ kɛ ma, nɛbi mɔgɔ fila donta wɔlɔyiya-kuma-fɔɛ rɔ Isirɛlata Alla tɔgɛ rɔ. Anu tɔgɛ le Hegayi anubɛ Idɔla den Sakaraya. Anu tora kumala Yahudiyanuna ko rɔ minnu siginɛ Yuda nyamanɛ anubɛ Yerusalɛm soe burɔ.

Ɛsira 5:5

Kɔnɔ kɛ bɛɛ rɔ, Alla kolan ye Yahudiyanuna kun-tiginu kumafɛlɛnna. Pasiya mɔgɔ-banu ya a latɛgɛ ko anu kana ko-wo-ko ma fɔ anu ni kɛdi sɛbɛ anuna Mansa Dariyasi ma fɔlɔn. Anu ni a miriya-fɔlɔn lɔn.

Ɛsira 6:1

Woletɔ Mansa Dariyasi ya a fɔ ko anu ni ko-kɔrɔta-karan-buku wonu tafɛlɛn minnu namaranɛ anu bolo Babilɔn nyamanɛ rɔ.

Ɛsira 6:14

Yahudiya mɔgɔ-banu tora tala yarɔ Bato-Bɔn sɔ tinɛ. Nɛbi Hegayi anubɛ Sakaraya tora anu yisi-kima-kumɛ fɔla. Anu ya Bato-Bon-wɔlɛ wo kundon iko Isirɛlata Alla anubɛ Pasiya mansa kɛnu ya a fɔ anu ye nya min, Mansa Sairasi wo, Mansa Dariyasi wo, anubɛ Mansa Atasakasi.

Ɛsira 6:15

Mansa Dariyasila mansayɛ san wɔrɔ nyɔgɛ ma, karɛ min tɔgɛ Adari wo tele sawa nyɔgɛ ma, anu ya Bato-Bɔn wo laban.

Nihɛmaya 6:3

Nde fanan ya n sara anu bara. N ko, “N bi sɛbɛna-wɔlɛ le la yan. N ti ke tala wo wara kaka. N ti sɔn wɔlɛ ni tinya nyɔ-ta-koe la kaka.”

Nihɛmaya 6:9

N ya a yen ko anu bi ma rakilan-koe le tɔ alako ma kana na wɔlɛ kɛ kɛ. N ya Alla matara ko, “Alamɛ n sɛnbɛ makofura.”

Yobu 20:5

ado wati-kundu-ni de karagbɛlɛta sewɛ la.

Daniyɛli 11:2

Nba, melika min sɔnɛ n dafɛ, wo ko fanan, “Min sɛbɛnɛ Allata Tonya-Buku rɔ, n bi nala wo fɔla i ye, ado tonyɛ le wo la. Mansa-nani-gbɛrɛ si na mansayɛ kɛ Pasiya nyamanɛ kun na kelen-kelenyɛ ma kɔnɔ a nani-nyɔgɛ si ma nɔnfulu-tigi la ka tenbi a to sawɛ kɛnu na. Ala nɔnfulu-tigiyɛ wo si a ma, a ni wuli Kirisi mansɛ kan ma.

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Hegayi 2:15

Mari ko, “Ha bi, wo ma a nya-yen bɛ, wa? Yanni wo ni don Mari Bato-Bɔn kɛ sɔɛ rɔ,

Hegayi 2:18

Wo ara ban Marita Bato-Bɔn kurunna bi. Ka a dabira bi karɛ kɔnɔntɛ tele mogan-ni-nanɛ kɛ ma, wo si a dan-nafarɛ yen. Wo ni wo miri bi tele ma.

Sakaraya 1:1

Pasiya Mansa Dariyasila mansayɛ san fila nyɔgɛ, karɛ segin nyɔgɛ ma, Mari ya sarakanɛ kɛ don Bɛrɛkayala dan, nde, Nɛbi Sakaraya bolo, Idɔ mamanɛ, kɔni.

1 Tɛsalonaika 2:18

Wo sɔgɛ ya ma bira kati! Nde, Pɔli ya n taya sɛgi-koe ma wo wara. A ma dan kinyama kelen ma kɔnɔ Setanɛ ya kilɛ tɛgɛ ma ma.