Ɛsira 2:63 - ALLALA KUMƐ

⁶³ Yuda nyamani-kun-tigi ma sɔn anu ni saraka-masɔla-niyi dɔn. A ko anu ti ke a dɔnna fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. (Alla-sako-lɔn-fan wonu tɔgɛ Yurim anubɛ Tumin.)

Ɛsira 2:63 ပူးပေါင်းရင်းမြစ်များ

Ɛsira 2:64

Mɔgɔ-biranɛ mumɛ min bɛɛsi sɛgira, wonu yatɛ bɛnta mɔgɔ waga bi-nani, mɔgɔ waga fila, mɔgɔ kɛmɛ sawa ani mɔgɔ bi-wɔrɔ (42,360) ma.

Nihɛmaya 10:1

Mɔgɔ fɔlɔtɛ min ya a bole sa mana kɛ rɔ, wo le mala kun-tigi Nihɛmaya la, Hakalayala dan, kɔni. Wo kɔma, Sɛdɛkaya ya a bole sa mana rɔ.

Nihɛmaya 10:2

Kɛ kɔma, a mɔgɔ kurun fɔlɔtɛ min ya anu bole sa mana rɔ saraka-masɔlɛnu tɔ, wonu tɔgɛ le kɛnu na. Sɛraya wo, Asaraya wo, Yɛrɛmaya wo, Pasura wo, Amaraya wo, Malakiya wo, Hatusi wo, Sɛbanaya wo, Maluku wo, Harim wo, Mɛrɛmoti wo, Hɔbadaya wo, Daniyɛli wo, Kenɛtɔn wo, Baruki wo, Mɛsulam wo, Abaya wo, Mayamin wo, Meyaseya wo, Beligeyayi wo, anubɛ Sɛmaya.

Nihɛmaya 7:65

Yahudiyanuna kun-tigi ma sɔn anu ni saraka-masɔ-niyi dɔn. Anu ti a sɔrɔn fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. Fen filɛ wonu tɔgɛ Yurim anubɛ Tumin.

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.

Bɔ-Koe-Iyipiti 28:30

Wo si nde, Alla sako-lɔn-fen filɛ minnu fɛ minnu tɔgɛ Yurim anubɛ Tumin, i ni wonu sa kɔgɔ-dala-kurɛ wo yifɛ rɔ. Aruna wa don nde, Marita Fani-Bɔn la tumɛ min, wonu ni to a kɔgɔ dɛ rɔ ka nde sako lɔn Isirɛla mɔgɛnuna ko la.”

Saraka-Masɔlɛnuta Tɔnnu 2:10

A toe wonu si to saraka-masɔlɛnu bolo. A si sɛninya bawo anu ya a di Mari ma.

Saraka-Masɔlɛnuta Tɔnnu 2:3

A toe wo si to saraka-masɔlɛnu ye. A sɛninyanɛ si to bawo anu ya a di Mari ma.

Saraka-Masɔlɛnuta Tɔnnu 22:10

“Fɔ minnu bi saraka-masɔlɛnu bɔnsɔnnu tɔ yɛ, wonu denu dɔrɔn si ke sarakɛnu dɔnna. Sundan minnu bi saraka-masɔlɛ warɛ anubɛ wɔli-kɛlɛ minnu bi saraka-masɔlɛ bolo, wonu do-wo-do ti sarakɛ wo dɔn.

Saraka-Masɔlɛnuta Tɔnnu 22:13

Kɔnɔ ni ala den-sunkurɔn wola kei ara a ban a la, ka, ni a mara kɛɛ-nyaganɛ la, a ni a taran fanan, a ma den sɔrɔn, ala dunɛ sa kei-gbɛrɛkɛ kuma fɔ a fa, a si ke le worɔ ka sarakɛ wo do dɔn. Fɔ saraka-masɔlɛnuta denbayɛnu yɛ, wonu denu dɔrɔn si ke sarakɛnu dɔnna.

Saraka-Masɔlɛnuta Tɔnnu 6:17

Mari ya wo toe di anu denu denu ma ka wo ma anu beli-fan la. Kɛ fanan sɛninyanɛ de iko hakɛ-sarakɛ anubɛ yiliki-sarakɛ ye nya min.

Saraka-Masɔlɛnuta Tɔnnu 6:29

Saraka-masɔlɛnu kebila-mɔgɔ-keimɛnu si kɛ dɔn, laa-wo-laa sa anu na. Saraka-sɛnimɛ le.

Saraka-Masɔlɛnuta Tɔnnu 7:16

“Ni kei do nara yisi-kima-sarakɛ la Mari ye bawo a sewanɛ, ka, ni a ye nala a la bawo a ara a dakan bɔ, ni saraka-masɔlɛ ya sarakɛ wo faga, anu si a soge dɔn. Ni anu ma ke a banna tele wo rɔ, anu si a toe lamara ha wo banda-ke sɔgɔma.

Saraka-Masɔlɛnuta Tɔnnu 8:8

A ya kɔgɔ-dala-kurɛ bila a kan na anubɛ fen filɛ min bi wo ma, anu si Alla sako lɔn min fɛ.

Yilan-Yilan Koe 18:19

“Isirɛla mɔgɛnu si kɔ-fan minnu di n ma, n bara wonu bɛɛ ma ile anubɛ ila denbayɛnutɛ la. Habadan-lanyiri le kɛ la min ti tinya mumɛ!”

Yilan-Yilan Koe 18:32

Ni Isirɛla mɔgɛnu ya yaka-hakikɛ bɔ ka a di wole ma kɔnɔ wole ma sɔn ka wota yaka bɔ wo rɔ, ni wole ya yaka wo dɔn, wo si yiliki sɔrɔn Mari bolo. Wo ara yaka-sɛnimɛ wonu latinya Mari yala. Ni wo ya wo ma, wo si faga yati!”

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Tɔn-Fɔɛ-Fila-Nyɔgɛ 33:8

Musa duwara Lifayi bɔnsɔn-mɔgɛnu fanan ye ka le ko, “Kuru filɛ min tɔgɛ Yurim anubɛ Tumin min bi saraka-masɔla-kun-tigi kɔgɔ-dala-kurɛ ma, ma si Mari sako lɔn wonu fɛ tuma-wo-tuma bawo i ya male Lifayi mɔgɛnu yabɔ i nyɛrɛ ye ila wɔlɛla ko la. I ya Lifayi mɔgɛnu nakɔrɔsi nde, Musa rɔ Kɔrɔbɔ Tinɛ rɔ. Lifayi mɔgɛnu ya yakɔrɔ-mamɔɛ sɔrɔn nde, Musala ko la Sɔnkɔ-Sɔnkɔ Tenke dafɛ.

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.