Bɔ-Koe-Iyipiti 9:25 - ALLALA KUMƐ

²⁵ Nima-fan min bɛɛsi tora gbɛ ma nun Iyipiti nyamanɛ rɔ, banda-kole ya wo bɛɛsi faga ka firɛrɔ-kɔlɔma dama rakerikeri.

Bɔ-Koe-Iyipiti 9:25 ပူးပေါင်းရင်းမြစ်များ

Yaburi 78:47

A ya anuna ki-fannu tinya banda-kole la ka anuna toro-kurinu nasorondo.

Yaburi 78:48

A ya anuna ninkinu faga banda-kole wo la ka anuna sagɛnu faga san-sɛran la.

Bɔ-Koe-Iyipiti 9:19

Woletɔ a fɔ ale mansɛ ye ko a ni kilayɛ lata ala nyamanita-mɔgɛnu ma kaka ka a fɔ anu ye ko, mɔgɔ wo, kolo-fen wo, bɛɛ ni ta kan-tina-latankanɛ do rɔ banda-kole ti ke anu ma kan min. Ni fenfen tora gbɛ ma, a ma ta kan-tina-latankanɛ do rɔ, banda-kole si yigi wonu kuma ka anu faga.”

Bɔ-Koe-Iyipiti 9:24

Woletɔ banda-kole anubɛ sangbalamɛ tora yigila ka yogoya. Kebi Iyipiti ko dabirara, wo nyɔgɔn ma ke bɛ nyamanɛ wo rɔ.

Bɔ-Koe-Iyipiti 9:6

Banda kara tumɛ min, Mari ya wo ma iko a ya a fɔ nya min. Iyipiti kɛnuna kolo-fan bɛɛsi fagara kɔnɔ hali Isirɛla mɔgɔ-den-kelenta kolo-fan ma faga.

Isikiyɛli 13:13

“Nde, wo Tigi Mari ko nta yisi-bɔɛ si fɔn-belebele-wɛ latugu tarɛ wo ma. Wo kɔma, n ni banda-belebele-wɛ lana. N si banda-kole fanan nabui tarɛ wo ma. A ni yigi a rɔ biribiri!

Yasowa 10:11

Amora mɔgɛnu bi anu burila tumɛ min ka yigi kɔnkɛ la, Mari ya banda-kolo-wɛ layigi anu kuma ha anu kera Asika soe ma. Banda-kolo-wɛ wonu ya mɔgɔ-siyaman faga. Isirɛla mɔgɛnu ya Amora mɔgɔ-siyaman faga kɔnɔ banda-kole wonu ya Amora mɔgɔ siyaman faga ka tenbi Isirɛlata kɛlɛ-dannutɛ la.