Bɔ-Koe-Iyipiti 9:23 - ALLALA KUMƐ

²³ Musa ya ala sewuri rasagan san ma. San tora sɛrɛnna. Banda-kole anubɛ sangbalamɛ tora yigila dugi ma Iyipiti nyamanɛ kan tinɛ bɛɛ rɔ.

Bɔ-Koe-Iyipiti 9:23 ပူးပေါင်းရင်းမြစ်များ

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

Yobu 37:13

Alla si bandɛ lana ka dugu-yi sa. A si a lana mɔgɛnu tɔrɔ-koe la, ni wo ma, a si ala keninteyɛ yira mɔgɛnu na.

Yaburi 147:17

A si banda-kole layigi iko mɔgɔ wa wasakɔrɛ fui. A ye kimɛ min nanala, wo ti kun mɔgɔ rɔ.

Yaburi 148:8

A banda-nyin-masɔgɔ wo, a banda-kolo wo, a banda wo, a duru wo, a fɔn-digidigi-wa wo, wo bɛɛ ye Mari kuman-kan birala ka a tanto.

Yaburi 18:13

Mari min bi Fan Bɛɛ Kun na, wo kan ye bɔla san-kole rɔ iko san-gbalamɛ.

Yaburi 29:3

Mari kuman-kan ye bɔla kɔgɔ-yi kuma. A tenbi kumala, a mani de iko fɔnyɔ anubɛ san-gbalamɛ.

Yaburi 77:18

Ila san-sɛrɛn-kan ye bɔla iko mɔgɛ tenbi durɔmu-takolɔn makuru-kurunna. Ila banda-nyin-masɔgɛ ye malanna duninya kuma. Dugi nyɛrɛ ye yɛrɛyɛrɛnna.

Bɔ-Koe-Iyipiti 19:16

A tele sawa nyɔgɛ wo sɔgɔma, anu ya banda-nyin-masɔgɛ yen ka sangbalamɛ anubɛ buru-fɛ-kan-belebele-wɛ lamɔɛn banda-fin-digidigi-wɛ rɔ kɔnkɛ wo kuma. Minnu bi dagɛ wo rɔ, wonu yɛrɛyɛrɛnta kilan bolo.

Bɔ-Koe-Iyipiti 20:18

Mɔgɛnu ya banda-nyin-masɔgɛ yen ka san-sɛran anubɛ buru-fɛ-kan lamɔɛn ta-sisi-fin-bɛ rɔ kɔnkɛ kuma tumɛ min, anu yɛrɛyɛrɛnta ka anu masɛgi anu kɔma.

Bɔ-Koe-Iyipiti 9:18

Woletɔ kɛ nyɔgɔn tumɛ sina, n si banda-kole layigi anu kuma min nyɔgɔn ma ma bɛ Iyipiti nyamanɛ rɔ kebi Iyipiti ko dabirara.

Bɔ-Koe-Iyipiti 9:24

Woletɔ banda-kole anubɛ sangbalamɛ tora yigila ka yogoya. Kebi Iyipiti ko dabirara, wo nyɔgɔn ma ke bɛ nyamanɛ wo rɔ.

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Yasowa 10:11

Amora mɔgɛnu bi anu burila tumɛ min ka yigi kɔnkɛ la, Mari ya banda-kolo-wɛ layigi anu kuma ha anu kera Asika soe ma. Banda-kolo-wɛ wonu ya mɔgɔ-siyaman faga. Isirɛla mɔgɛnu ya Amora mɔgɔ-siyaman faga kɔnɔ banda-kole wonu ya Amora mɔgɔ siyaman faga ka tenbi Isirɛlata kɛlɛ-dannutɛ la.

Lankɛnimayɛ 16:18

Bandɛ ya a nyin masɔgɔ. A tugura. San serenta. Dugu-yɛrɛyɛrɛn-ba kɛra min yogo dugu-yɛrɛyɛran bɛɛ ko! Kebi mɔgɔ danta, wo nyɔgɔn dugu-yɛrɛyɛrɛn ma kɛ bɛ mumɛ!

Lankɛnimayɛ 16:21

Banda-kolo-wa-belebelenu bɔra san-kole rɔ ka bui mɔgɛnu ma. Wo kelen-kelennamɛ-bɛɛla gbiliyɛ si ma iko yi kalɔn segan. Mɔgɛ wonu ya Alla danka banda-kolo-fitinɛ wola ko la. Wo gbɛlɛyara anu kuma kati!

Lankɛnimayɛ 8:7

Melika fɔlɔtɛ ya ata buri fɛ. Banda-kole anubɛ tɛ min yabasannɛ yele la, wonu nara dugu-kole kuma. Duninya faranɛ sigi tina sawa la, wo sigi tina kelan mintanta gburr! Duninya kɔlɔma bɛɛ faranɛ sigi tina sawa la, wo sigi tina kelan mumɛ mintanta. Bin-kurannu bɛɛ mintanta fanan.