Bɔ-Koe-Iyipiti 9:18 - ALLALA KUMƐ

¹⁸ Woletɔ kɛ nyɔgɔn tumɛ sina, n si banda-kole layigi anu kuma min nyɔgɔn ma ma bɛ Iyipiti nyamanɛ rɔ kebi Iyipiti ko dabirara.

Bɔ-Koe-Iyipiti 9:18 ပူးပေါင်းရင်းမြစ်များ

1 Mansɛnu 19:2

Yɛsɛbɛli wo ya a sara Nɛbi Ilaya wara ka a fɔ a ye ko, “Kɛ nyɔgɔn tumɛ sina, ni n ti a ma i la iko i wara a ma nna nɛbinu na nya min, alamɛ nna bɛsɛnu ya n gbesi a rɔ.”

1 Mansɛnu 20:6

Ale Mansa Bɛnhedadi ko kɛ-nyɔgɔn-tumɛ sina, a ye ala mɔgɔ-banu nanala. Wonu si ale mansɛla bolɔn anubɛ ala mɔgɔ-banuna bɔnnu nafɛlɛn. Anu ya fen-koloma fenfen yen, anu si wo bi.”

2 Mansɛnu 7:1

Nɛbi Ilaisa ya a fɔ a ye ko, “Mansɛ, i wɔlɔ matɔlɔ Marita kumɛ la. Mari ko, yanni kɛ nyɔgɔn tumɛ sina, i si ke dɛgɛ-munke pani-kunbɛ-nya sawa sanna wodi-gbɛ-gbu-ni kelen na Samariya soe burɔ, ado, i si fui-fan pani-kunbɛ-nya wɔrɔ san wodi-gbɛ-gbu-ni kelen na.”

Yobu 37:13

Alla si bandɛ lana ka dugu-yi sa. A si a lana mɔgɛnu tɔrɔ-koe la, ni wo ma, a si ala keninteyɛ yira mɔgɛnu na.

Yobu 38:22

Banda-kolenu namaranɛ n bolo kan min, i wara ke nyɔ nun? Yi-kole la si dɛn kan min, i ya nyɔ lɔn?

Yobu 38:23

Wonu namaranɛ n bolo tɔrɔya-watila ko la. Anu tabɛnnɛ kɛlɛ-kɛ-watila ko la.

Yaburi 83:15

i ni anu gben ita tɔnkɔlɔn la wo nya na ita fondo-bɔɛ la ka anu miran bɔ anu ma ita fɔn-belebele la.

Bɔ-Koe-Iyipiti 10:14

Kondɔn wonu tugura Iyipiti kan tinɛ bɛɛ kun na. Kebi fɔlɔ wo nyɔgɔn kondɔn ma na bɛ nun, ado wo nyɔgɔn ti na tun.

Bɔ-Koe-Iyipiti 11:6

Mari ko Iyipiti mɔgɛnu si belenna yirilan tɛgɛla Iyipiti nyamanɛ kan tinɛ bɛɛ rɔ min nyɔgɔn ma ke bɛ fɔlɔ, ado a nyɔgɔn ti ma tun.

Bɔ-Koe-Iyipiti 9:17

Kɔnɔ ha bi, ale mansɛ wasinɛ, a sa sɔnna nna mɔgɛnu boloka-koe ma.

Lankɛnimayɛ 16:21

Banda-kolo-wa-belebelenu bɔra san-kole rɔ ka bui mɔgɛnu ma. Wo kelen-kelennamɛ-bɛɛla gbiliyɛ si ma iko yi kalɔn segan. Mɔgɛ wonu ya Alla danka banda-kolo-fitinɛ wola ko la. Wo gbɛlɛyara anu kuma kati!