Bɔ-Koe-Iyipiti 9:17 - ALLALA KUMƐ

¹⁷ Kɔnɔ ha bi, ale mansɛ wasinɛ, a sa sɔnna nna mɔgɛnu boloka-koe ma.

Bɔ-Koe-Iyipiti 9:17 ပူးပေါင်းရင်းမြစ်များ

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Bɔ-Koe-Iyipiti 9:18

Woletɔ kɛ nyɔgɔn tumɛ sina, n si banda-kole layigi anu kuma min nyɔgɔn ma ma bɛ Iyipiti nyamanɛ rɔ kebi Iyipiti ko dabirara.

Aiseya 10:15

Kɔnɔ ale Mari ko tɛgɛran si a fɔ ko a sɛnbɛ kolo a lawɔlilɛtɛ ko? Sɛrɛ sɛnbɛ kolo a lawɔlilɛtɛ ko? A ko gbelekɛ ti mɔgɛ kɔrɔbi. Mɔgɛ le si gbelekɛ kɔrɔbi.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 37:29

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ-sɔgɔ-lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

Aiseya 45:9

Bɔnku-dagɛ si sisi a ladannɛ sɔsɔla, wa? Ado nfan, dagɛ wonubɛ doinu takɛn gbɛn! Bɔnkɛ wo nyɛrɛ si a ladannɛ manyinika ni a ye min kun na? Ale dagɛ si a fɔ a sɔlɛ ma ko a ma a bira-fannu to a ma.

Isikiyɛli 28:6

“Nba gbɛ, nde, wo Tigi Mari ko bawo mansɛ mirinɛ ko a hɛnkili ye iko nde, Mari Alla,

Daniyɛli 5:20

Kɔnɔ bawo a wasira ka ma tolo-gbɛlɛ anubɛ wunduyoge la, woletɔ Alla ya a bɔ ata sɔ tinɛ rɔ. A foora ala gbiliyɛ dama la.

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?