Bɔ-Koe-Iyipiti 9:15 - ALLALA KUMƐ

¹⁵ A fɔ ale mansɛ ye ko n si ke n bole rasaganna le ale anubɛ ala mɔgɛnu kan ma ka kiraya-fitinɛ lagbɛlɛya anu kuma. Anu na ni to dogbe!

Bɔ-Koe-Iyipiti 9:15 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

1 Mansɛnu 13:34

Yɛrabowami ya hakɛ min kɛ kɛ la, wo le ya fɛɛ sa ala mansayɛ la. Mansayɛ bɔra a bolo. Mansayɛ ma sɛgi ala bɔn la tun.

2 Mansɛnu 17:36

Nde min ya wo kunyɛ bɔ yɔɔnyɛ rɔ Iyipiti nyamanɛ rɔ nta fanka-belebele la, wo ni nde le kelen pe bato. Wo si wo nyɛnkin nde le kɔrɔ ka sarakɛ bɔ nde ye.

2 Mansɛnu 19:35

Wulɔn-suyi-nyɛrɛ rɔ, Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli (185,000) faga Asiriyanu tɔ. Bandɛ kanɛ, wonu furi taranta nyɔ.

Bɔ-Koe-Iyipiti 14:28

Iyipiti mɔgɛ minnu bɛɛsi tara Isirɛla mɔgɛnu sagaran tinɛ, wo bɛɛsi kunyɛ tora-a-rɔ dogbe! Hali mɔgɔ-den-kelen ma to.

Bɔ-Koe-Iyipiti 3:20

N si nta ko-makilannɛnu yira Iyipiti mɔgɛnu na ka anu tɔrɔ. Wo kɔma, ale mansɛ si wo boloka.

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Bɔ-Koe-Iyipiti 9:3

wola kolo-fan minnu bi wo bolo, nde, Mari si kiraya-fitinɛ lana wonu kan ma, hali a soee wo, a sofɛlɛ wo, anubɛ a nyomɛnu.

Bɔ-Koe-Iyipiti 9:6

Banda kara tumɛ min, Mari ya wo ma iko a ya a fɔ nya min. Iyipiti kɛnuna kolo-fan bɛɛsi fagara kɔnɔ hali Isirɛla mɔgɔ-den-kelenta kolo-fan ma faga.

Hɛnkilimaya-Kumɛnu 2:22

Kɔnɔ minnu karagbɛlɛ, Alla si wonu wurun burutu, iko mɔgɛ si binyɛ wurun nya min sɛnɛ rɔ.