Bɔ-Koe-Iyipiti 8:26 - ALLALA KUMƐ

²⁶ Musa ko, “Wo ti bɛn kamasɔrɔn ma si Iyipiti kɛnu tanɛ do ma sarakɛ la kɔrɛ mata Mari Alla ye. Ni ma ya Iyipiti kɛnu tanɛ do ma sarakɛ la anu yala, anu ti ma mabon kuri la, wa?

Bɔ-Koe-Iyipiti 8:26 ပူးပေါင်းရင်းမြစ်များ

Ko-Dabirɛnu 43:32

Anu ya Yusufuta dɔn-fan sigi a dan na ka a yɛ lamunun a na-kelen-nyɔgɛnu na. Yusufu ya a kɔrɔnu sigi tala anu dan na iko anu kina tala anu nyɔgɔn ko nya min. A kɔrɔnu ya wo yen min kɛ, anu kawara. Iyipiti kɛnu fanan sigira anu dan na. Ni i ya a yen anu sigira anu dan na bawo Iyipiti kɛnu ti sɔn anubɛ Hiburunu ni anu bolo layigi miran kelen tɔ fen dɔn tinɛ.

Ko-Dabirɛnu 46:34

wo ni a fɔ a ye ko ka a bi wo benbanu ma ha ka a sigi kaka la, kolo-fen-makandannɛ le wole la. Woletɔ mansɛ si sɔn wo sigi-koe ma Kosɛn sigisɔn rɔ kamasɔrɔn kolo-fen-makandannɛnu ma di Iyipiti kɛnu ye mumɛ!”

2 Mansɛnu 23:13

Yuda mɔgɛnu kɛnɛna Saidon kɛnuna bɛsɛ do kɔla nyɔ min tɔgɛ Asitɔra. Anu kɛnɛna Mohabu kɛnuna bɛsɛ do kɔla nyɔ rɔ min tɔgɛ Kimasi. Anu kɛnɛna Amon kɛnuna bɛsɛ do kɔla nyɔ rɔ min tɔgɛ Molɛki. Isirɛla Mansa Silamɛni ya bɛsi-kɔ-tina-mayɛlɛnɛ minnu nadan Yerusalɛm tele-bɔɛ wara la, Kasara kɔnkɛ dugula wara la, ale Mansa Yosaya ya wo damasi latinya.

Ɛsira 9:1

Kɛ dama kanɛ a la, Isirɛla mɔgɔ-ba donu nara a fɔ n ye ko, “A saraka-masɔla wo, a Lifayi wo, a Isirɛla mɔgɔ wo, anu do-wo-do ma sɔn sibolo-gbɛrɛnu masangbala minnu bi mala foolɛ rɔ. Anu taranta basanna Amon kɛnu anubɛ Mohabu kɛnu anubɛ Iyipiti kɛnu na. Kenannu wo, Hɛtinu wo, Perasanu wo, Yɛbusinu wo, anubɛ Amoranu, anu taranta basanni wonu na, ado anu bi kisimiriya-koenu mala iko mɔgɛ wonu bi a mala nya min.

Bɔ-Koe-Iyipiti 3:18

Alla ya a fɔ tun ko, “Isirɛla mɔgɔ-banu si i kuman-kan bira yɔ! Wobɛ wonu ni ta ke Iyipiti mansɛ ma. Wo ni a fɔ a ye ko nde, Hiburunuta Mari Alla ko n nara n nyɛrɛ yira wo la. Wo ni a madiya ko a ni wo boloka alako wo ni tele sawa tagama kɛ wulɛ rɔ woletɔ wo si ke ka sarakɛnu bɔ nde, Mari ye.

Bɔ-Koe-Iyipiti 8:8

Mansɛ ya Musa anubɛ Aruna kele. A ko, “Wo ni wota Mari madiya ko a ni turukɔɔkɔ kɛnu bɔ ma tɛma. N si ata mɔgɛnu boloka worɔ ko anu ni ta sarakɛnu bɔ wola Mari ye.”

Aiseya 44:19

Kun-takolɔn wo min ya bɛsɛ ladan, wo ti a fɔ ko, “N bara n gbala do la ka biredi mintan do la ka soge mintan do la. N ya a kɔlɔma-toe ma kisimiriya-fan la. N bi n nyɛnkinna kɔlɔma le dɔrɔn ye.”