Bɔ-Koe-Iyipiti 8:20 - ALLALA KUMƐ

²⁰ Mari ya a fɔ Musa ye ko, “Mansɛ tenbi tala yi dɛ la tumɛ min sinan subaga ma, i ni suri ka ta a taran kilɛ la. I ni a fɔ a ye ko nde, Mari kan le kɛ la ko a ni nta mɔgɛnu boloka alako anu ni ta n bato tinɛ.”

Bɔ-Koe-Iyipiti 8:20 ပူးပေါင်းရင်းမြစ်များ

Yaburi 105:31

Alla kumara nya min wo, yɔlɛ anubɛ muruntu-mɛrɛntɛnu tugura nyamanɛ wo mumɛ kun na.

Yaburi 78:45

A ya yɔlɛnu nana anu yakɔrɔ-mamɔ tinɛ. A ya turukɔɔkɔnu natuntun anu ma min ya a ma, anuna nyamanɛ tinyanta.

Bɔ-Koe-Iyipiti 2:5

Mansɛla dunmusi tara ba-worɔn wo la a ku tinɛ. Sunkurɔn minnu bi a fɛ, wonu tora anu matagamana bɛ dala. Mansɛla dunmusi ya digi wo yen sɔnfɔn-kurinu tɔ tumɛ min, a ya ala yɔɔn-musi sɔ ka ta a bi.

Bɔ-Koe-Iyipiti 3:18

Alla ya a fɔ tun ko, “Isirɛla mɔgɔ-banu si i kuman-kan bira yɔ! Wobɛ wonu ni ta ke Iyipiti mansɛ ma. Wo ni a fɔ a ye ko nde, Hiburunuta Mari Alla ko n nara n nyɛrɛ yira wo la. Wo ni a madiya ko a ni wo boloka alako wo ni tele sawa tagama kɛ wulɛ rɔ woletɔ wo si ke ka sarakɛnu bɔ nde, Mari ye.

Bɔ-Koe-Iyipiti 4:23

Ale mansɛ ni anu boloka alako anu ni n bato kɔnɔ a wa a ban anu boloka-koe ma tumɛ min, n si ala den-kei fɔlɔtɛ faga.”

Bɔ-Koe-Iyipiti 5:1

Wo kɔma, Musa anubɛ Aruna tara ka Isirɛlata Mari Alla kan latenbi ale Iyipiti mansɛ ma ko, “I ni ale Marita mɔgɛnu boloka alako anu ni ta a bato tinɛ wulɛ rɔ ka ladiyɛ kɛ a ye.”

Bɔ-Koe-Iyipiti 5:3

Musa anubɛ Aruna ko, “Male Hiburunta Mari Alla ara a nyɛrɛ yira ma la. Ma ye i madiyala, i ni ma boloka. Ma ni tele sawa tagama kɛ wulɛ rɔ ka sarakɛnu bɔ mata Mari Alla ye. Ni wo ma, a si ma kunyɛ to kɛlɛ anubɛ kiraya-fitinɛ rɔ.”

Bɔ-Koe-Iyipiti 7:15

Sɔgɔma wo ni ta mansɛ taran Nayɛli bɛ dala. I ni ta sewuri wo la i bolo min yɛlɛmanta duguma-fan la nun.

Bɔ-Koe-Iyipiti 8:1

Mari ya a fɔ Musa ye ko, “Ta a fɔ mansɛ ye ko a ni nna mɔgɛnu boloka. Anu ni ta n bato tinɛ wulɛ rɔ.

Bɔ-Koe-Iyipiti 8:21

Mari ya a fɔ tun ko, “Ni a ma sɔn nna mɔgɛnu boloka-koe ma, n si yɔlɛnu nana ale mansɛ kan ma anubɛ ala mɔgɔ-banu anubɛ ala nyamanita-mɔgɛnu. Yɔlɛ wonu si tagbaya anu ma ka anuna bɔnnu nafa. Anu si siyaya ka dugi kumafin.

Bɔ-Koe-Iyipiti 9:13

Mari ya a fɔ Musa ye ko, “I ni suri tala a fɔla mansɛ ye ko nde, Hiburunuta Mari Alla le ya a fɔ ko a ni nna mɔgɛnu boloka alako anu ni ta n bato tinɛ.