Bɔ-Koe-Iyipiti 8:15 - ALLALA KUMƐ

¹⁵ Kɔnɔ ale mansɛ ya a yen nkɛkuna, tɔrɔyɛ ara bɔ a kuma, a ya a yisi gbɛlɛya tun gbon! Mari kuman-kan bɔra-a-la iko a ya a fɔ nya min. A ma sɔn anuna kumɛ birala. (3) Muruntu-mɛrɛntɛnu Bara-Koe

Bɔ-Koe-Iyipiti 8:15 ပူးပေါင်းရင်းမြစ်များ

Bɔ-Koe-Iyipiti 14:5

A lamɔɛn ale Iyipiti mansɛ bolo ko Isirɛla mɔgɛnu bara ban tala, ale mansɛ anubɛ ala mɔgɔ-banu ya anu miriya yɛlɛma anuna ko la. Anu ko, “Ma ara nfen ma kɛ? Ma ara nfen yuwaya-ko ladan kɛ la ka Isirɛla mɔgɛ kɛnu boloka. Ma ara foo mala yɔɔnnu na filili!”

Bɔ-Koe-Iyipiti 4:21

Mari ya a fɔ Musa ye ko, “I wa sɛgi Iyipiti nyamanɛ rɔ tumɛ min, n bara i labila ko-makawanɛ minnu na kɛ la, i ni wonu nadan mansɛ yala. Hali wo, n si ale mansɛ yisi gbɛlɛya. A ti sɔn ka nta mɔgɛnu boloka.

Bɔ-Koe-Iyipiti 7:4

Kɔnɔ ale mansɛ ti a tole masɔ wola kumɛ la. N si n bole fara Iyipiti nyamanɛ la. N si nna mɔgɛnu nabɔ Iyipiti nyamanɛ rɔ kabana-koenu fɛ.

Bɔ-Koe-Iyipiti 8:14

Iyipiti kɛnu ya turukɔɔkɔ suyi wonu nadɛn belenna. Wonu tuli sumɛ ratiira anu kun na pu!

Bɔ-Koe-Iyipiti 8:16

Mari ya a fɔ Musa ye ko, “A fɔ Aruna ye ko a ni ala sewuri wo bi ka dugi gbesi a la. Dugu-gbangban bɛɛ si yɛlɛma muruntu-mɛrɛntɛnu na Iyipiti nyamanɛ kan tinɛ bɛɛ rɔ.”

Bɔ-Koe-Iyipiti 8:28

Mansɛ ko, “N si wo boloka alako wo ni sarakɛ bɔ wota Mari Alla ye wulɛ rɔ kɔnɔ wo kana ta wula-yan la. Nba, wo ni madiyali kɛ n ye.”

Bɔ-Koe-Iyipiti 8:29

Musa ko, “N ba bɔ yan tumɛ min, n si Mari madiya ko yɔlɛ kɛnu ni bɔ ile mansɛ anubɛ ila mɔgɔ-banu anubɛ ila nyamanita-mɔgɛnu fɛ sina. Kɔnɔ i kana yanfɛ sigi ma la ka mala mɔgɛnu baya tun ka a fɔ ko i ti sɔn ka mala mɔgɛnu boloka alako anu ni ta saraka-bɔ-tinɛ Mari ye.”

Bɔ-Koe-Iyipiti 8:32

Hali wo, mansɛ ya a yisi gbɛlɛya tun. A ma sɔn mɔgɛ wonu boloka-koe ma.

Bɔ-Koe-Iyipiti 8:8

Mansɛ ya Musa anubɛ Aruna kele. A ko, “Wo ni wota Mari madiya ko a ni turukɔɔkɔ kɛnu bɔ ma tɛma. N si ata mɔgɛnu boloka worɔ ko anu ni ta sarakɛnu bɔ wola Mari ye.”

Hɛnkilimaya-Kumɛnu 26:11

Iko wuli si sɛgi ala teseri dɔn tinɛ nya min, kun-takolɔn fanan si to sɛgila ata kun-takolonyɛ ma wo nya na le.

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Aiseya 26:10

Hali i ye ko-nyimɛ kɛla karagbɛlɛnu ye, anu ti anu degen ko-telenni-kɛ ma. Hali mɔgɔ-telennɛnu taranta nyamanɛ kɛ rɔ, anu bi karagbɛlɛyɛ kɛla. Anu ma ila kabana-koe lɔn fenfen na.

Hoseya 6:4

Kɔnɔ Mari ko, “N si nfen ma wole, Isirɛla mɔgɛnu na? Wola keninteyɛ ti mɛ bɔla wo burɔ iko duri ti mɛ tɛgɛla nya min sɔgɔma.

Hiburunu 3:15

A sɛbɛnɛ Allata kitabu rɔ ko, “Ni wo ya Alla kuman-kan lamɔɛn bi, wo kana ma tengberannu na iko wo benbanu murutiyara Alla ma nya min.”

Hiburunu 3:8

wo kana ma tengberannu na iko wo benbanu murutiyara n ma nya min. Anu ya n kɔrɔbɔ wulɛ rɔ nya min, wo kana wo yisi gbɛlɛya wo nya na tun.

Lankɛnimayɛ 16:9

Tele-wuyan wo ya mɔgɛnu mintan. Sarati ye Alla min bolo fitinɛ kɛnu kuma, mɔgɛ kɛnu ya ale Alla tɔgɛ rasɛ. Kɔnɔ anu ma anu kɛ-nyanu yɛlɛma ka Alla tanto ala gbiliyɛla ko la.

1 Samuwɛli 6:12

Anu ya ninki-yuwan wonu nawuli tumɛ min, wonu dimatoe tara Bɛti-Simɛsi kilɛ la gbonkan! Filisitinuna mansa loli wonu bilara ninki wonu fɛ ha Bɛti-Simɛsi dan la.

1 Samuwɛli 6:3

Wonu ya a fɔ anu ye ko, “Ni wo ye Isirɛla mɔgɛnuta Allata tɔn-kenkirɛ lasɛgila anu ma, wo kana a lata wo nya na, ni wo ma fenfen sa a kuma min si ma wola yiliki-sarakɛ la. Ni wo ya wo ma, wo si kɛndɛya. Wo si a lɔn worɔ min bi a tola wo ye tola tɔrɔyala Alla bolo.”

1 Samuwɛli 6:6

Nfenna wo ye wo yisi gbɛlɛyala iko Iyipiti kɛnu anubɛ anuna mansɛ ya a ma nya min fɔlɔ nun? Iko wo ya a lɔn nya min, Alla ya anu bolo labira ha Isirɛla mɔgɛnu ya anu sɔrɔn anu na.

1 Samuwɛli 6:9

Wo ni wo yɛ bɛn anu ma. Ni anu ya anu kun telen Bɛti-Simɛsi soe wara la, wo ni a lɔn worɔ ko Isirɛla mɔgɛnuta Alla, wo le ya kirayɛ kɛ sigi ma ma. Kɔnɔ ni anu ma anu kun telen nyɔ la, ma ni a lɔn worɔ ko ale ma kirayɛ kɛ sigi ma ma. Kirayɛ le dɔrɔn nara ma ma.”