Bɔ-Koe-Iyipiti 7:20 - ALLALA KUMƐ

²⁰ Mari ya a fɔ Musa anubɛ Aruna ye nya min, wo banda kɛ, anu ya a ma wo nya na le. Aruna ya sewuri wo bi ka bɛ wo gbesi a la mansɛ ani ala mɔgɔ-banu yala. Nayɛli bɛ wo yɛlɛmanta yele la.

Bɔ-Koe-Iyipiti 7:20 ပူးပေါင်းရင်းမြစ်များ

2 Mansɛnu 4:29

Nɛbi Ilaisa ya a tintan ala wɔli-kɛla Kɛhasi la ka a fɔ a ye ko, “I buri tala nna sewuri kɛ la. I kana kuma mɔgɔ-wo-mɔgɔ la kilɛ la. Ni mɔgɛ do kumara i la, i kana a yabi. Ta sekeke! I wa ke bɔn la, i ni nna sewuri kɛ sa furi wo yakɔrɛ kuma.”

Yaburi 105:29

A ya anuna bɛnu yɛlɛma yele la alako anuna yɛgɛnu ni faga.

Yaburi 78:44

A ya ba-yinu yɛlɛma yele la ha Iyipiti kɛnu ma ke anu min-kɛ-yi sɔrɔnna.

Bɔ-Koe-Iyipiti 4:9

Ni anu ma la tamasere fila nyɔgɛ kɛ la ka ila kumɛ to a gbɛ rɔ, i ni yi do bi Nayɛli bɛ rɔ ka a labɔn dugi ma. Yi wo si yɛlɛma yele la dugi ma.”

Bɔ-Koe-Iyipiti 7:10

Musa anubɛ Aruna sɔra Mansɛ yakɔrɔ ka wo ma iko Mari ya anu sɔ nya min. Aruna ya ala sewuri wo bi ka a lakɛ dugi ma mansɛ anubɛ ala mɔgɔ-banu yakɔrɔ. Sewuri wo mara duguma-fan la anu yala.

Bɔ-Koe-Iyipiti 7:21

Yɛgɛ wonu fagara. Bɛ wo kasara warawara! Yi ye kan tinɛ minnu bɛɛsi rɔ Iyipiti nyamanɛ rɔ, wonu yɛlɛmanta yele la. Iyipiti kɛnu ma ke yi wonu minna kasɛ bolo.

Bɔ-Koe-Iyipiti 7:6

Musa anubɛ Aruna ya Marita kuman-kan latɔnbagaya iko a ya a fɔ anu ye nya min.

Habakuku 3:8

Mari, ila fondo-bɔɛ le ya a ma, i ya yinu gbesi a rɔ ka kɔgɔ-yi fara? I kɔrɔtɔnɛ anu ma, wa? Ade, i nara i mayiginɛ banda-finyɛnu kuma ka nɔlɛ di ila mɔgɛnu ma.

Lankɛnimayɛ 8:8

Wo kɔma, melika fila nyɔgɛ ya ata buri fɛ. Fan min manɛ iko tɛ siginɛ kɔnkɔ-belebele min tɔ, wo lakɛra kɔgɔ-yi rɔ. Kɔgɔ-yi faranɛ sigi tina sawa la, wo sigi tina kelen yɛlɛmanta yele la.