Bɔ-Koe-Iyipiti 6:3 - ALLALA KUMƐ

³ Nde, Alla Sɛnbɛ-Bɛɛ-Tigi ara n nyɛrɛ yira Iburayima anubɛ Isiyaka anubɛ Yakoba la kɔnɔ n ma n nyɛrɛ tɔgɛ ratɛgɛ anu ye ka a fɔ ‘MARI,’ n habadan-tɔgɛ wo, kɔni.

Bɔ-Koe-Iyipiti 6:3 ပူးပေါင်းရင်းမြစ်များ

Ko-Dabirɛnu 13:18

Burama ya ala dagɛ wayan ka ta a daga makɛ Mamirela kɔlɔma-kuru-latankanɛ donu kɔrɔ minnu bi Hiburɔn soe dafɛ. A ya saraka-mintan-tinɛ do sɔ Mari ye nyɔ.

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Ko-Dabirɛnu 22:14

Iburayima ya kan-tinɛ wo tɔgɔ sa “Mɔgɔ Mako-Nyinya-Tinɛ Mari Bolo,” ado ha bi, mɔgɛnu bi a fɔla kɔnkɛ wo ma ko, “Mari si mɔgɛ makoe nyinya ata kɔnkɛ kɛ le kuma.”

Ko-Dabirɛnu 28:3

Alamɛ Alla Sɛnbɛ-Bɛɛ-Tigita duwɛ tora i kuma alako i ni yiri boi! Alamɛ i mara bɔnsɔn-kunyɛ la.

Ko-Dabirɛnu 35:11

Alla ya a fɔ a ye tun ko, “Alla Sɛnbɛ-Bɛɛ-Tigi le nde la. I ni yiri ka siyaya. Bɔnsɔn siyaman si bɔ ile rɔ. Mansɛnu si bɔ i bɔnsɔn wonu tɔ.

Ko-Dabirɛnu 48:3

Yakoba ya a fɔ ala den Yusufu ye ko, “Lunyɛ do, Alla Sɛnbɛ-Bɛɛ-Tigi bɔra gbɛ rɔ n ye Lusi soe dafɛ Kenan nyamanɛ rɔ. Ata duwɛ yigira n kuma nyɔ.

Yaburi 68:4

Wo ni sigi sa Alla ye ka a tɔgɛ tanto. Wo ni kilɛ laka a ye, ale min siginɛ banda-fin-gbɛ rɔ. A bɛnnɛ, wo ni sewa a yala bawo Mari le ale la.

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Bɔ-Koe-Iyipiti 15:3

Mata kɛlɛ-kurugbɛ le ale la. A tɔgɛ le Mari.

Bɔ-Koe-Iyipiti 23:21

Wo ni wo tolo masɔ melika wo la ka a kuman-kan bira. Wo kana murutiya a ma. Ni wo ya wo ma, a ti wo makoto muk, bawo a ye tala nde le gbɛ rɔ.

Bɔ-Koe-Iyipiti 3:14

Alla ya a fɔ Musa ye ko,

Aiseya 42:8

A ko ale le dɔrɔn bi mata Mari Allayɛ la. A ti sɔn dogbɛrɛ ni ata gbiliyɛ sɔrɔn, ado a ti sɔn bɛsɛnu ni ata matɔgɛ do sɔrɔn.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Yɛrɛmaya 16:21

Mari ko a si sibolenu karan ata sɛnbɛ-makawanɛ la. Anu si a lɔn worɔ ko ale le ye Mariyɛ la.

Yɛrɛmaya 33:2

Mari min ya dugu-kole kɛ dan ka a lamondo ka a sigi a gbɛ rɔ, wo le kumara n ye. Ale min tɔgɛ Mari, a ko

Isikiyɛli 20:5

Nta kumɛnu fɔ anu ye. N ya Isirɛla mɔgɛnu yabɔ n nyɛrɛ ye tumɛ min, n ya anu yili-madiya koe donu tɔ. N ya n nyɛrɛ wara-koe lagbɛ anu ye Iyipiti nyamanɛ rɔ ka a fɔ anu ye ko anuta Mari Alla le nde la.

Isikiyɛli 37:13

N ba anu kanbɛnu naka ka anu nabɔ fɔnyɔ kɛ rɔ tumɛ min, anu si a lɔn worɔ ko Mari le nde la.

Isikiyɛli 37:6

N si anu fasɛ anubɛ anu soge sa anu kole wonu ma tun. N si anu gbole fanan sa anu ma. N si niyi bila anu tɔ tun ka anu ma kɛndɛwagɛnu na. Wo kɔma, anu si a lɔn ko Mari le nde la.”

Yɔni 8:58

Yisa ya anu yabi ko, “N bi tonyɛ fɔla wo ye, yanni Iburayima ni sɔrɔn, nde ye nyɔ nun.”

Lankɛnimayɛ 1:4

Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.

Ruti 1:20

Neyomi ya a fɔ ko, “Wo ka a fɔ n ma tun, ‘Neyomi’ min kɔrɛ le ‘kun-nadiyɛ.’ Wo ni a fɔ n ma le gbɛ ko, ‘Mara’ min kɔrɛ le ‘kun-nagboyɛ.’ Bawo Allatala ara kun-nagboyɛ di nde ma.