Bɔ-Koe-Iyipiti 6:25 - ALLALA KUMƐ

²⁵ Arunala den-kei Ɛliyasa ya Putiyɛlila dunmusi do furu. Wo ya Finihasi sɔrɔn a ye. Ma ara minnu madan kɛnu na, bɔnsɔn-kun-tigi le wonu na.

Bɔ-Koe-Iyipiti 6:25 ပူးပေါင်းရင်းမြစ်များ

Ɛsira 7:5

Buki wo fa tɔgɛ le Abisuwa. Abisuwa wo fa tɔgɛ le Finihasi. Finihasi wo fa tɔgɛ le Ɛliyesa. Ɛliyesa wo fa le ale Saraka-Masɔla-Kun-Tigi-Wɛ Aruna la.

Yilan-Yilan Koe 26:57

Lifayi ya den-kei mɔgɔ sawa sɔrɔn. Wonu tɔgɛ le Kɛrisɔn, Kohati, anubɛ Mɛrari. Wonu fanan ya anuta den-keinu sɔrɔn. Anuta dan do tɔgɛ le Libini, Hiburɔn, Mahali, Muuse, ani Kohati mamanɛ Kora. Den-kei do fanan bi Kohati bolo. A tɔgɛ le Amiram. Amiram wo ya a tɛnɛ-musi Yakabɛdi furu min sɔrɔnta Iyipiti. Wonu ya den-kei fila sɔrɔn anubɛ dunmusi kelen. Mɔgɔ filɛ wonu tɔgɛ le Aruna anubɛ Musa. Dunmusi kelan wo fanan tɔgɛ le Miriyam.

Yilan-Yilan Koe 31:6

Musa ya Saraka-Masɔla Ɛliyasala dan Finihasi bi ka a sɔ mɔgɛ wonu yarɔ. Samani anu ni ta, Finihasi ya Marita bon-miran donu bi anubɛ burinu alako anu si mɔgɛnu nalɔn anu na. Musa ya anu nata kɛlɛ rɔ.

Yasowa 22:13

Kɔnɔ yanni kɛlɛ-dannu ni ta anu kɛlɛ tinɛ, anu ya Saraka-Masɔla Ɛliyasala den Finihasi lata Kaliyadi nyamanɛ rɔ, Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ ma. Anu ya mɔgɔ kelen-kelen yabɔ bɔnsɔn tan wo bɛɛ rɔ ka bila Finihasi fɛ Kaliyadi.

Yasowa 24:33

Arunala den Ɛliyasa fagara. Anu ya a togon Ifɛrɛmta kɔnkɔ-nyamanɛ rɔ Kibiya soe burɔ min dira ala den Finihasi ma nun fɔlɔ.