Bɔ-Koe-Iyipiti 6:14 - ALLALA KUMƐ

¹⁴ Anu benbanu bɔnsɔn-kun-tiginu tɔgɛ le kɛnu na, Yakobala den-kei fɔlɔtɛ tɔgɛ le Rubɛn. Rubɛn wota den-keinu tɔgɛ le kɛnu na, Hanoki wo, Palu wo, Hɛsirɔn wo, anubɛ Karimi. Rubɛnta denbayɛ le wonu na.

Bɔ-Koe-Iyipiti 6:14 ပူးပေါင်းရင်းမြစ်များ

Ko-Dabirɛnu 46:11

Yakobala den Lifayi wo tara ala den-kei mɔgɔ sawɛ la a bolo, Kɛrisɔn wo, Kohati wo, anubɛ Mɛrari.

Ko-Dabirɛnu 46:9

Rubɛn wo tara ala den-kei mɔgɔ nanɛ la a bolo, Hanoki wo, Palu wo, Hɛsirɔn wo, anubɛ Karimi.

1 Ko-Kɔrɔta-Karan 5:24

Minnu mara kebila-kunyɛ la anu tɔ, wonu tɔgɛ le kɛnu na, Ɛferi wo, Isi wo, Iliyɛli wo, Asireyɛli wo, Yɛrɛmaya wo, Hodafaya wo, anubɛ Yadeyɛli. Kebila-kunyɛ le anu na, ado kɛlɛ-kurugbɛ le anu na fanan. Anu mankan tara wuu!

1 Ko-Kɔrɔta-Karan 5:3

Yakobala sarɛ Rubɛn ya den-kei mɔgɔ nani sɔrɔn, Hanoki wo, Palu wo, Hɛsirɔn wo, anubɛ Karimi.

1 Ko-Kɔrɔta-Karan 7:2

Isakarila den Tola ya den-kei mɔgɔ wɔrɔ sɔrɔn, Yusayi wo, Rɛfaya wo, Yɛreyɛli wo, Yameyai wo, Yibisam wo, anubɛ Sɛmuwɛli. Mɔgɔ wɔrɛ kɛnu mara kebila-kunyɛnu na anu fa Tolata kebilɛ rɔ. Anu dama mara kɛlɛ-kurugba-nyananu na. Mansa Dawudata wati rɔ, a kegeyɛ yatɛ bɛnta mɔgɔ waga mogan-ni-fila, mɔgɔ kɛmɛ wɔrɔ (22,600) ma.

1 Ko-Kɔrɔta-Karan 7:7

Bɛnyamɛla den Bela ya den-kei mɔgɔ loli sɔrɔn, Ɛsibɔn wo, Yusayi wo, Yusiyɛli wo, Yɛrɛmoti wo, anubɛ Arayi. Mɔgɔ lolɛ kɛnu mara kebila-kunyɛnu anubɛ kɛlɛ-kurugba-nyananu na. Wati-siyaman tenbinɛ, kɛlɛ-dan minnu yirika bɔra mɔgɔ kolo-dande kɛnu tɔ, wo le yirika bɛnta mɔgɔ waga mogan-ni-fila, mɔgɔ bi-sawa ani mɔgɔ nani (22,034) ma.

1 Ko-Kɔrɔta-Karan 8:6

Ehudi sɔrɛ do le kɛnu na, Neyaman wo, Ahaya wo, anubɛ Kɛra. Kebila-kunyɛ le kɛnu dama la Kiba soe burɔ. Kɔnɔ mɔgɛ do ya anu gben nyɔ. Anu tara sigi Manahati soe burɔ. Kɛra min ya Yusa anubɛ Ahayihudi sɔrɔn, wo le sɔra anu yarɔ ka ta nyɔ rɔ.

Bɔ-Koe-Iyipiti 6:13

Mari ya a fɔ Musa anubɛ Aruna ye ko, “Wo ta a fɔ Isirɛla mɔgɛnu anubɛ Iyipiti mansɛ ye ko nde le ya ile Musa sɔ ko ile ni ma Isirɛla mɔgɛnu yarɔ-sɔlɛ la ka anu nabɔ Iyipiti nyamanɛ rɔ.”

Bɔ-Koe-Iyipiti 6:25

Arunala den-kei Ɛliyasa ya Putiyɛlila dunmusi do furu. Wo ya Finihasi sɔrɔn a ye. Ma ara minnu madan kɛnu na, bɔnsɔn-kun-tigi le wonu na.

Yilan-Yilan Koe 1:18

ya Isirɛla mɔgɛ bɛɛ kele. Kei minnu sɔrɔn ara tenbi san tan-ni-kɔnɔntɔ la ka a dabira anuna bɔnsɔnnu ma ha ka ke anuna kebilɛ ma, anu ya anu tɔgɛ bɛɛ sɛbɛ iko Mari ya a fɔ Musa anubɛ Aruna ye nya min. Anu ya wo bɛɛ ma Sinayi wulɛ rɔ nyɔ.

Yilan-Yilan Koe 26:12

Simiyɔn ya den-kei mɔgɔ loli sɔrɔn. Wonu tɔgɛ le Nɛmuwɛli, Yamin, Yakin, Seraha, anubɛ Sala. Simiyɔn bɔnsɔn bɛnta mɔgɔ waga mogan mɔgɔ waga fila ani mɔgɔ kɛmɛ fila (22,200) ma.

Yasowa 13:15

Musa ya nyamanɛ wo fara Rubɛn bɔnsɔn-mɔgɛnu na iko anu siya nya min.

Yasowa 14:1

Yasowa anubɛ Saraka-Masɔla-Kun-Tigi-Wɛ Ɛliyasa anubɛ Isirɛla bɔnsɔn kebila-kun-tigi, wonu ya Kenan nyamanɛ fara Isirɛla mɔgɛnu tɛma ka le.

Yasowa 19:51

Saraka-Masɔla Ɛliyasa anubɛ Yasowa anubɛ Isirɛla mɔgɔ-banu ya anuna nyamanɛ fara anu nyɔgɔn tɛma ka le. Anu ya kɛ damasi ma koron-nakɛ fɛ Marita Fani-Bɔn bonda-dɛ la Sailo.