Bɔ-Koe-Iyipiti 5:22 - ALLALA KUMƐ

²² Musa tara Mari madiya tinɛ ka a fɔ a ye ko, “Mari, i wara ko-yogomɛ ma ita mɔgɛ kɛnu na nfenna? Nfen ya a to, i ya n sɔ mɔgɛ kɛnu bara?

Bɔ-Koe-Iyipiti 5:22 ပူးပေါင်းရင်းမြစ်များ

1 Mansɛnu 19:10

Nɛbi Ilaya ya a fɔ a ye ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

Yaburi 73:25

Fenfen sa nde bolo Arinyɛni tɔ ile kɔma n dɛnbɛn-koe rɔ. N bi nyinina nfen ma duninya kɛ rɔ ile Alla kɔma?

Bɔ-Koe-Iyipiti 17:4

Musa ya a kan nabɔ Mari ma ko, “N si nfen ma ita mɔgɛ kɛnu ye? A ara to doni, anu ni n mabon kuri la.”

Yɛrɛmaya 12:1

Mari, ile min telennɛ, a bɛnta, n ni n yasere-masa ile le ye. Fɔ n ba i manyinika telenbagayɛ wara-koe ma. Nfenna karagbɛlɛnu bara-koe ye tala yarɔ? Nfenna telenbɛlɛnu nafɛrɛnɛ?

Yɛrɛmaya 20:7

Mari, i wara n bolo labira ha n ma ara yuwaya. I ragbɛlɛ n ko, ado i wara n nɔ. N bara ma yɛlɛnma-fan la. Bɛɛ ye n mayɛlɛnna tumɛ bɛɛ.

Yɛrɛmaya 4:10

Wo kɔma, nde, Yɛrɛmaya ya a fɔ ko, “E, n Tigi Mari, i wara Yuda kɛnu anubɛ Yerusalɛm kɛnu bolo labira. I ya a fɔ nun ko anu si yisi-kimɛ sɔrɔn kɔnɔ yaga, faan-sungban le bɛnnɛ anu kan-kɔrɛ ma.”

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Yilan-Yilan Koe 11:11

A ya a fɔ Mari ye ko, “Nfen ya a to, i ye nanparan kɛ bɛɛ lanala n kuma? Mɔgɛ kɛnuna koe gbɛlɛ gben! Nfen ya a to, i ya mɔgɔ-kalabante kɛnuna dunɛ sa nde kuma?

Yasowa 7:7

Yasowa ya a fɔ ko, “Mari, nfenna i ya Yorodan bɛ gbala ka na ma la nyamanɛ kɛ rɔ yan ma faga-koe la Amora mɔgɛnu bolo? Nfenna ma ma to Yorodan bɛ kɔma nun?”

1 Samuwɛli 30:6

Dawudala keminɛnu yisi tinyanta anuna denbayɛnuna ko la ha Dawuda-mabon-sɔgɛ ya anu bira. Dawuda ye yakɔrɔ-mamɔɛ wo rɔ kɔnɔ hali wo, ata Mari Alla ya sɛnbɛ di a ma.