Bɔ-Koe-Iyipiti 40:34 - ALLALA KUMƐ

³⁴ Marita banda-fin-gbɛ wo ya Fani-Bɔn wo yamatogon. Marita wan-takanɛ donta Fani-Bɔn wo la.

Bɔ-Koe-Iyipiti 40:34 ပူးပေါင်းရင်းမြစ်များ

2 Samuwɛli 7:6

Kebi n ya Isirɛla mɔgɛnu nabɔ Iyipiti tumɛ min, ha ka a sigi kaka la, ha bi, bato-bon ma sɔ wɛ nde ye n si sigi kan min. Nde duruta sigila fani-bɔn le kɔrɔ belenna.

2 Ko-Kɔrɔta-Karan 7:2

Bawo waan wo rakanɛ bɛrɛkɛ, saraka-masɔlɛnu ma ke anu kunyɛ ladonna nyɔ rɔ wati wo rɔ.

Yaburi 26:8

E, Mari, i mayiginɛ Bato-Bɔn min na, bɔn wo di n ye kati! Kan-tinɛ le wo la ita gbiliyɛ ye kan min.

Bɔ-Koe-Iyipiti 14:24

Banda-ka-da-pinpi ma, Mari ya a kolan bɛn Iyipiti kɛlɛ-dannu ma ka bɔ banda-fin-gbɛ anubɛ ta-mɛlan rɔ. A ya Iyipiti kɛlɛ-dannu kɔndɔfili pirikali!

Bɔ-Koe-Iyipiti 16:10

Aruna ya kumɛ dabira anu ye tumɛ min, anu ya anu yɛ lata wula-yan la. Tiriyante wo rɔ, anu ya Marita wan-belebele yen banda-finyɛ rɔ.

Bɔ-Koe-Iyipiti 25:8

“Wo kɔma, wo si Fani-Bon-sɛnimɛ do ladan n ye n si sigi wo tɛma kan min.

Bɔ-Koe-Iyipiti 29:43

Wole Isirɛla mɔgɛnu si nna tamasere taran nyɔ. Nta wan-takɛ si nta bɔn wo sɛninya.

Bɔ-Koe-Iyipiti 33:9

Musa wa don Fani-Bɔn la tumɛ min, banda-fin-gbɛ si yigi ka sɔ Fani-Bɔn wo dɛ la. Fananta Mari anubɛ Musa ye kumala anu nyɔgɔn na, banda-fin-gbɛ wo ye nyɔ.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 6:4

Nima-fan wonu kuli ye Bato-Bon-kuruka-tinɛ layɛrɛyɛrɛnna. Bato-Bɔn wo burɛ lafanɛ ta-sisi la.

Isikiyɛli 10:4

Marita wan-takanɛ bɔra nima-fan wonu kuma ka ta a sɔ Bato-Bɔn don-dɛ la. Wo kɔma, banda-fin-gbɛ tara Bato-Bɔn lafa pen! Kata wo mumɛ burɛ rafara Allata wan-takɛ la waran!

Saraka-Masɔlɛnuta Tɔnnu 16:2

Wo kɔma, Mari ya a fɔ Musa ye ko, “A fɔ i kɔrɔ Aruna ye ko a kana ta yorolan kɔma Sɛnima-Sɛnima-Tinɛ rɔ bawo nyɔ ta-wati latɛgɛnɛ de a bolo. A kana to tala nyɔ tuma-wo-tuma. Nde, Mari si bɔ gbɛ rɔ banda-fin-gbɛ rɔ nyɔ tɔn-kenkirɛ da-latogɔn kuma. Kɔnɔ ni i kɔrɔ ma nna kumɛ kɛ bɛɛ bira, ale fanan si faga.

Hegayi 2:7

A si duninya-mɔgɛnu tamaga ka anuna fen-kolomɛnu nana Bato-Bɔn kɛ la. Ata gbiliyɛ si taran nyɔ.

Hegayi 2:9

Wati ye nala, Bato-Bɔn kɛta gbiliyɛ si tenbi a fɔlɔtɛ la. A si a ma, wo ni sabati ka yisi-kimɛ sɔrɔn Bato-Bɔn kɛ la. Mari Sɛnbɛ-Bɛɛ-Tigi ya kɛ le fɔ.

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

Lankɛnimayɛ 15:8

Allata gbiliyɛ anubɛ ata sɛnbɛ ya a Bato-Bɔn lafa ta-sisi la. Mɔgɔ-wo-mɔgɔ ti ke donna a Bato-Bɔn wo la ha melika wɔrɔnfilɛta fitina wɔrɔnfilɛ da ni fa.

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.