Bɔ-Koe-Iyipiti 40:20 - ALLALA KUMƐ

²⁰ A ya tɔn-walan filɛ wonu sa tɔn-kenkirɛ wo rɔ. A ya a bi-kɔlɔmanu don bolo-kalama-dɛɛnnu woe rɔ ka a da latogon.

Bɔ-Koe-Iyipiti 40:20 ပူးပေါင်းရင်းမြစ်များ

1 Mansɛnu 8:9

Fenfen sa tɔn-kenkirɛ wo burɔ fɔ Musa ya kuru-walan filɛ minnu sa a rɔ Sinayi kɔnkɛ dafɛ. Isirɛla mɔgɛnu bɔra Iyipiti tumɛ min, Mari ya tɔn sɛbɛ kuru-walan wonu denu ma alako anubɛ Isirɛla mɔgɛnu si sarama-kan kiri anu nyɔgɔn tɛma nya min.

1 Ko-Kɔrɔta-Karan 15:3

Mansa Dawuda ya Isirɛla mɔgɛ damasi kele Yerusalɛm soe burɔ alako ka ta tɔn-kenkirɛ bi ka na a sigi kan tinɛ wo rɔ a ya min tabɛn ala ko la.

2 Ko-Kɔrɔta-Karan 5:10

Fenfen sa tɔn-kenkirɛ wo burɔ fɔ Musa ya kuru-walan filɛ minnu sa a rɔ Sinayi kɔnkɛ dafɛ. Isirɛla mɔgɛnu bɔra Iyipiti nyamanɛ rɔ tumɛ min, Mari ya tɔn sɛbɛ kuru-walan wonu denu ma alako anubɛ Isirɛla mɔgɛnu si lanyiri kiri anu nyɔgɔn tɛma nya min.

Yaburi 40:8

Nta Alla, a di n ye, n ni i diyana-koe kɛ ka ila karan mara n yisi rɔ.”

Bɔ-Koe-Iyipiti 16:34

Aruna ya a ma iko Mari ya a fɔ Musa ye nya min. A ya a sigi tɔn-kenkirɛ yarɔ.

Bɔ-Koe-Iyipiti 26:34

Wo ni tɔn-kenkirɛ wo da latogon Sɛnima-Sɛnima-Tinɛ rɔ.

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 40:19

A ya bon-gbungbɔn tuwa kurɛ wonu na ka kurɛ wonu yamatogon gbole wonu na iko Mari ya a fɔ a ye nya min nun.

Bɔ-Koe-Iyipiti 40:3

I ni tɔn-kenkirɛ ladon Fani-Bɔn wo burɔ ka yorolan dun kenkirɛ wo ya ma.

Matiyu 3:15

Kɔnɔ Yisa ya a yabi ko, “A ni ma wo nya na bawo a bɛnnɛ, ma ni koe bɛɛ kɛ iko a di Alla ye nya min.” Wo le ya a ma, Yɔni sɔnta.

Romu 10:4

Nba, Kirasiti ara na min kɛ, sɛnbɛ sa Nɛbi Musala tɔn-kitabu la tun. Woletɔ dɛnkɛninyɛ ye min bɛɛ yisi rɔ, wonu bara telen Alla yala.

Romu 3:25

Alla ya ale Yisa ma hakɛ-sarakɛ la alako a ni mɔgɛnuna hakɛ makoto ata sayɛ fɛ. Min ba dɛnkɛninya wo ma, wo tigi la si telen Alla yala worɔ. Fɔlɔ-nun, Alla ya a mun mɔgɛnuna hakɛ kɔrɔ

Tɔn-Fɔɛ-Fila-Nyɔgɛ 10:5

N sɛgira n kɔma kilɛ la ka yigi kɔnkɛ kɔrɔ. N ya kuru-walan wonu sa kenkira-ladannɛ wo rɔ iko Mari ya a fɔ n ye nya min. Ha bi, anu bi nyɔ.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.

1 Yɔni 2:2

ado Kirasiti nyɛrɛ mara sarakɛ la min ya ma hakɛnu makoto. Male dɔrɔnta hakɛ ma, fɔ mɔgɛ bɛɛtɛ.