Bɔ-Koe-Iyipiti 40:10 - ALLALA KUMƐ

¹⁰ I ni tuli do kɛ saraka-mintan-tinɛ anubɛ a fɛ-mirannu ma, wo le si a ma, wonu fanan si sɛninya.

Bɔ-Koe-Iyipiti 40:10 ပူးပေါင်းရင်းမြစ်များ

Bɔ-Koe-Iyipiti 30:29

I ni wonu di nde, Alla ma alako wonu si sɛninya nya min. Ni fenfen tugura miran kɛ do la, wo ara don nde, Alla bolo.

Bɔ-Koe-Iyipiti 40:11

I ni tuli do kɛ yi-sigi-miran anubɛ a sigi-fan ma ka wonu sɛninya.

Aiseya 11:2

Marita Sɛnbɛ si hɛnkili di mansɛ wo ma. A si hɛnkilimayɛ anubɛ mɔgɛnu-namara-hɛnkili di a ma. A si Mari sako lɔn ka a gbiliya.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Saraka-Masɔlɛnuta Tɔnnu 6:17

Mari ya wo toe di anu denu denu ma ka wo ma anu beli-fan la. Kɛ fanan sɛninyanɛ de iko hakɛ-sarakɛ anubɛ yiliki-sarakɛ ye nya min.

Saraka-Masɔlɛnuta Tɔnnu 8:11

A ya tuli wo do bi tun ka a pusen saraka-mintan-tinɛ anubɛ a mirannu kuma iko wɔrɔnfila. Wo kɔma, a ya tuli pusen yi-sigi-miran anubɛ a sigi-fan ma iko wɔrɔnfila ka wo bɛɛsi dantɛgɛ Mari ma wo nya na le.

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Yɔni 17:19

N bara n nyɛrɛ dantɛgɛ i ma anuna ko la alako anu fanan ni ma itɛ la fasai!

Yɔni 3:34

Alla ara min sɔ, wo si Allala kumɛ fɔ bawo Alla le si ala Ni-Sɛnimɛ di a ma duk!

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!