Bɔ-Koe-Iyipiti 39:42 - ALLALA KUMƐ

⁴² Isirɛla mɔgɛnu ya wɔlɛ bɛɛsi kɛ iko Mari ya a fɔ Musa ye nya min.

Bɔ-Koe-Iyipiti 39:42 ပူးပေါင်းရင်းမြစ်များ

2 Ko-Kɔrɔta-Karan 8:15

Mansa Dawuda ya koe min bɛɛsi fɔ saraka-masɔlɛnu anubɛ Lifayinu ye katarala fen-namara-bɔnnu ma, anu ya wo bɛɛ ma a kilɛ fɛ.

Bɔ-Koe-Iyipiti 12:28

Musa banta kɛ fɔla nya min wo, Isirɛla mɔgɛnu ya a dabira ka a ma iko Mari ya a fɔ Musa anubɛ Aruna ye nya min.

Bɔ-Koe-Iyipiti 35:10

“Mari ara minnu nadan-bole yira ma la, boloma-wɔli-kɛlɛ minnu bi Isirɛla mɔgɛnu tɛma, wonu ni na ka wonu nadan.

Bɔ-Koe-Iyipiti 39:32

Isirɛla mɔgɛnu ya Marita Fani-Bon-wɔlɛ laban iko Mari ya a fɔ Musa ye nya min.

Bɔ-Koe-Iyipiti 39:41

Anu nara makiri-fen-sɛnimɛnu na Aruna anubɛ ala den-keinuna saraka-masɔ-wɔlɛla ko la wonu si minnu don anu kan na Kan-Tina-Sɛnimɛ rɔ.

Bɔ-Koe-Iyipiti 39:43

Musa ya a yen min kɛ anu bara wo damasi ma iko Mari ya a fɔ a ye nya min, a duwara anu ye.

Yɛrɛmaya 13:5

Woletɔ n tara a dogon fara-woe rɔ Para soe dafɛ iko Mari ya a fɔ n ye nya min.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

2 Timoti 2:15

I ni i se-koe-bɛɛ kɛ ka ma wɔli-kɛla-nyimɛ la. Alla ni i lɔn wɔli-kɛlɛ la min miliyani ma ala wɔlɛla ko la. I ni to mɔgɛnu karanna Allala tonya-kumɛ la a kilɛ fɛ.

2 Timoti 4:7

N bara n buri-nyimɛ kɛ, ado n bi buri-kɛ min na, n bara ke a dan ma. N bara lanayɛ bɛɛ kɛ.