Bɔ-Koe-Iyipiti 39:39 - ALLALA KUMƐ

³⁹ Anu nara saraka-mintan-tinɛ anubɛ a sila-yalɛ la anubɛ a bi-kɔlɔmanu anubɛ a fɛ-mirannu anu bolo. Anu nara yi-sigi-miran anubɛ a sigi-fan la.

Bɔ-Koe-Iyipiti 39:39 ပူးပေါင်းရင်းမြစ်များ

1 Mansɛnu 8:64

Saraka mintan tinɛ min nadannɛ silɛɛ la, wo dɔgɔ sarakɛ wonuna ko la min kɛ, wo le ya a ma tele wo nyɛrɛ rɔ, mansɛ ya Bato-Bɔn lu-kolo-toe fanan sɛninya alako ka saraka-mintantɛnu nabɔ nyɔ anubɛ fui-fen-sarakɛnu anubɛ kɛɛn min bɔra yisi-kima-saraka-sogenu tɔ.

Bɔ-Koe-Iyipiti 27:1

“Wo ni saraka-mintan-tinɛ ladan akasiya kɔlɔma la. A sɔɛ ni ma nunkan-nya sawa la. Ala yanyɛ ni ma nunkan-nya loli la, a kɔnɛ ni ma nunkan-nya loli la. A tɔnkɔn nanɛ bɛɛsi ra ni kɛnya bɛrɛtɛ!

Bɔ-Koe-Iyipiti 27:4

Wo ni silɛɛ ladan yalɛ la ka silɛɛ wo bolo-kalama-dɛɛn nani ladan ka anu sɔ yalɛ wo tɔnkɔn nanɛ bɛɛ la.

Bɔ-Koe-Iyipiti 30:18

“Wo ni yi-sigi-miran anubɛ a sigi-fan ladan silɛɛ la ku-kɛ-koela ko la. Wo ni a sigi nta Fani-Bɔn anubɛ saraka-mintan-tinɛ tɛma. Wo ni a lafa yi la.

Bɔ-Koe-Iyipiti 38:30

Anu ya silɛɛ wo do sa Fani-Bɔn wo bon-kɔnnu kɔrɔ minnu bi don-dɛ la. Anu ya silɛɛ wo do ladan saraka-mintan-tinɛ anubɛ a fɛ-mirannu na.

Bɔ-Koe-Iyipiti 39:38

Anu nara isɛnti-mintan tinɛ la anubɛ dantɛgɛ-tuli anubɛ isɛnti nyɛrɛ anubɛ bɔn don-da-kurɛ la anu bolo.

Bɔ-Koe-Iyipiti 39:40

Anu nara kata-masansan-kurɛnu na anubɛ a kɔlɔmanu anubɛ a wodi-gbɛnu, kɔlɔmanu si sɔ minnu kuma. Anu nara linɛn-kura-hakikɛ la min bi kirila tenbi-bolɔn la anubɛ kata-balan-fannu, anubɛ kata yilinu.