Bɔ-Koe-Iyipiti 39:32 - ALLALA KUMƐ

³² Isirɛla mɔgɛnu ya Marita Fani-Bon-wɔlɛ laban iko Mari ya a fɔ Musa ye nya min.

Bɔ-Koe-Iyipiti 39:32 ပူးပေါင်းရင်းမြစ်များ

1 Mansɛnu 7:40

Huram ya dagɛnu nadan anubɛ bugura-makɔ-fannu anubɛ yi-bi-miran-mɛsɛ donu. A ya wo bɛɛ ladan Mansa Silamɛni ye Mari Bato-Bɔnla ko la.

1 Ko-Kɔrɔta-Karan 28:19

Mansa Dawuda ya a fɔ ko, “Mari nyɛrɛ ya bɔn sɔ-bole yira n na nya min, n bara a sɛbɛ wo nya na le kɛ la.”

Bɔ-Koe-Iyipiti 12:28

Musa banta kɛ fɔla nya min wo, Isirɛla mɔgɛnu ya a dabira ka a ma iko Mari ya a fɔ Musa anubɛ Aruna ye nya min.

Bɔ-Koe-Iyipiti 25:40

Wo ni a ma wo fɛrɛma a ladan tinɛ. N ya a ladan-nya yira i la nya min kɔnkɛ kuma, anu ni anu nadan wo nya feu!”

Bɔ-Koe-Iyipiti 31:7

Wonu ni nna Fani-Bɔn ladan ka tɔn-kenkirɛ anubɛ a da-latogɔn ladan anubɛ nna Fani-Bɔn miran bɛɛsi.

Bɔ-Koe-Iyipiti 39:31

Anu ya yesekara-bilolamɛ sɔ a la alako a ni kiri saraka-masɔlɛta fulɛ la iko Mari ya a fɔ Musa ye nya min nun.

Bɔ-Koe-Iyipiti 39:33

Anu nara wo bɛɛsi la Musa wara, a tuwa-kurɛnu anubɛ a lundannu anubɛ a fɛrannu anubɛ a kɔlɔma-yannu anubɛ a bon-kɔnnu anubɛ wodi-gbɛ kɛ minnu si sa fɛrannu anubɛ bon-kɔnnu kɔrɔ.

Bɔ-Koe-Iyipiti 40:1

Mari ya a fɔ Musa ye ko,

Bɔ-Koe-Iyipiti 40:3

I ni tɔn-kenkirɛ ladon Fani-Bɔn wo burɔ ka yorolan dun kenkirɛ wo ya ma.

Yilan-Yilan Koe 3:31

Tɔn kenkirɛ wo, tebulu wo, lɛnpu wo, saraka-bɔ-tinɛnu wo, saraka-masɔlɛnu si wɔlɛ miran min bɛɛ la kan-tina-sɛnimɛ rɔ wo, yorolan min si Kan-Tina-Sɛnimɛ yamatogon wo, anubɛ wonu fɛ-fannu, anuna wɔlɛ le ka miran wo bɛɛ lamara.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Hiburunu 3:2

Alla ya Yisa yabɔ ata wɔlɛla ko la, ado lanaya-mɔgɛ le ale la iko Nɛbi Musa mara lanaya-mɔgɛ la nya min Allata mɔgɛnu ye.

Hiburunu 8:5

Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.