Bɔ-Koe-Iyipiti 38:27 - ALLALA KUMƐ

²⁷ Anu ya wodi-gbɛ min nalee ka a sa Marita Fani-Bon-sɔ-mirannu anubɛ yorolan-dun-kɔnnu kɔrɔ, wola gbiliyɛ manɛ iko yi durɔmu tan-ni-filɛla gbiliyɛ ye nya min. Anu ya wodi-gbɛ minnu sa fɛran wonu kɔrɔ, wonu fila filɛla gbiliyɛ manɛ le iko yi kalɔn wɔrɛla gbiliyɛ ye nya min.

Bɔ-Koe-Iyipiti 38:27 ပူးပေါင်းရင်းမြစ်များ

Bɔ-Koe-Iyipiti 26:25

Fɛran minnu bi tele-yigi waralɛ rɔ, wo bɛɛ lakofunɛ fɛrɛn segin. Wo ni wonu sɔ wodi-gbɛ tan-ni-wɔrɔ kuma. Wonu si ma anu kian la. Fɛrɛn kelen-kelan wo bɛɛ si sɔ wodi-gbɛ fila-fila kuma.

Bɔ-Koe-Iyipiti 26:32

Wo ni akasiya kɔlɔma nani bi ka anu ma yorolan-dun-kɔn la. Wo ni sɛnɛ sa wonu ma ka wonu sɔ wodi-gbɛ nani kuma. Wo ni sɛnɛ-lundannu nadan alako yorolan wo si kiri wonu na nya min kɔlɔma wonu ma.

Bɔ-Koe-Iyipiti 38:26

Kei minnu siyi ara tenbi san tan-ni-kɔnɔntɔ la, wo kelen-kelennamɛ-bɛɛsi nara wodi-gbɛ minnu na, wo kelen-kelen gbiliyɛ manɛ iko wodi-mɛlɛn kelanna gbiliyɛ ye nya min. Anu ya wo mɔlɔn tɛgɛ a kilɛ fɛ iko a di Mari ye nya min. Kei min bɛɛsi nara wodi-gbɛ kɛnu na, anu ya anu tɔgɛ sɛbɛ. Kei wonu bɛɛsi lakofunɛ yatɛ bɛnta mɔgɔ waga kɛmɛ wɔrɔ, mɔgɔ waga sawa, mɔgɔ kɛmɛ loli ani bi-loli (603,550) ma.

Bɔ-Koe-Iyipiti 38:28

Wodi-gbɛ-toe min tora, Bɛsalɛli ya wo donu sa kata-kɔlɔmanu kuma tala ka donu ma lundannu anubɛ a gbɛsɛ-gbɛsannu na.