Bɔ-Koe-Iyipiti 38:26 - ALLALA KUMƐ

²⁶ Kei minnu siyi ara tenbi san tan-ni-kɔnɔntɔ la, wo kelen-kelennamɛ-bɛɛsi nara wodi-gbɛ minnu na, wo kelen-kelen gbiliyɛ manɛ iko wodi-mɛlɛn kelanna gbiliyɛ ye nya min. Anu ya wo mɔlɔn tɛgɛ a kilɛ fɛ iko a di Mari ye nya min. Kei min bɛɛsi nara wodi-gbɛ kɛnu na, anu ya anu tɔgɛ sɛbɛ. Kei wonu bɛɛsi lakofunɛ yatɛ bɛnta mɔgɔ waga kɛmɛ wɔrɔ, mɔgɔ waga sawa, mɔgɔ kɛmɛ loli ani bi-loli (603,550) ma.

Bɔ-Koe-Iyipiti 38:26 ပူးပေါင်းရင်းမြစ်များ

Bɔ-Koe-Iyipiti 12:37

Isirɛla mɔgɛ minnu bɔra tagamana Ramɛsisi soe burɔ ka ta ke Sukɔti soe ma, wonu yatɛ bɛnta mɔgɔ waga kɛmɛ wɔrɔ (600,000) ma kɔnɔ anu ma musinu anubɛ dennɛnu dan.

Bɔ-Koe-Iyipiti 30:12

“I wa Isirɛla mɔgɛ keimɛnu tɔgɛ sɛbɛ tumɛ min, anu kelen-kelennamɛ-bɛɛ ni anu niyi-kunka-fan di nde, Mari ma, alako kiraya-fitinɛ kana don anu tɛma.

Bɔ-Koe-Iyipiti 30:13

Wo ye minnu mala wo niyi-kunka-fan la, wo le kɛnu na. Wo ni wodi-gbɛ wo mɔlɔn tɛgɛ a kilɛ fɛ iko a di nde, Mari ye nya min. Mɔgɛ bɛɛ ni wodi-gbɛ kɛ bɔ minna gbiliyɛ manɛ iko wodi-mɛlɛn kelan.

Bɔ-Koe-Iyipiti 38:27

Anu ya wodi-gbɛ min nalee ka a sa Marita Fani-Bon-sɔ-mirannu anubɛ yorolan-dun-kɔnnu kɔrɔ, wola gbiliyɛ manɛ iko yi durɔmu tan-ni-filɛla gbiliyɛ ye nya min. Anu ya wodi-gbɛ minnu sa fɛran wonu kɔrɔ, wonu fila filɛla gbiliyɛ manɛ le iko yi kalɔn wɔrɛla gbiliyɛ ye nya min.

Yilan-Yilan Koe 1:2

Mari ya a fɔ Musa ye ko, “Wobɛ Aruna ni keinu dan ka a dabira anuna bɔnsɔnnu ma ha ka ke anuna kebilɛnu ma. Kei minnu si ke kɛlɛ kɛla ka a dabira anu san mogan ma ha ka tenbi wo la, wo ni wo bɛɛ tɔgɛ sɛbɛ.

Yilan-Yilan Koe 2:32

Isirɛla bɔnsɔn anubɛ anuna kebilɛ bɛɛ lakofunɛ bɛnta mɔgɔ waga kɛmɛ wɔrɔ, mɔgɔ waga sawa, mɔgɔ kɛmɛ loli ani mɔgɔ bi-loli (603,550) ma.

Yilan-Yilan Koe 26:2

“I ni Isirɛla mɔgɛnu dan kebilɛnu ma, kei minnu sɔrɔn ara san mogan bɔ ha ka tenbi wo la, minnu si ke tala kɛlɛ rɔ, kɔni.”

Yilan-Yilan Koe 26:51

Mɔgɛ wo mumɛ bɛɛsi lakofunɛ bɛnta mɔgɔ waga kɛmɛ wɔrɔ mɔgɔ waga kelen, mɔgɔ kɛmɛ wɔrɔnfila anubɛ mɔgɔ bi-sawa (601,730) ma.

Matiyu 17:24

Yisa anubɛ ala karan-dannu kera Kapereniyam soe burɔ tumɛ min, Alla-Bato-Bɔn duti-makelelɛnu nara Pita wara ka a manyinika ko, “Anu bi duti min makelela Alla-Bato-Bɔnla ko la, i karan-mɔgɛ duruta wo dila, wa?”