Bɔ-Koe-Iyipiti 38:24 - ALLALA KUMƐ

²⁴ Mɔgɛnu nara sɛnɛ minnu na ka a don Marita Fani-Bɔn wara-koe rɔ, wo damasila gbiliyɛ manɛ iko keminɛ mɔgɔ tan-ni-lolila gbiliyɛ manɛ nya min. Anu ya wo suman a kilɛ fɛ iko a di Mari ye nya min.

Bɔ-Koe-Iyipiti 38:24 ပူးပေါင်းရင်းမြစ်များ

Bɔ-Koe-Iyipiti 25:2

“A fɔ Isirɛla mɔgɛnu ye ko anu ni na n kɔ-fannu na n ye. Mɔgɛnu ba minnu di n ma anu yisi-sewanɛ la, i si wonu bira anu bolo nde ye.

Bɔ-Koe-Iyipiti 29:24

I ni wo bɛɛ don Aruna anubɛ ala den-keinu bolo alako anu ni biredi wo bi ka a dantɛgɛ nde ma ka a ma kɔ-fan la nde, Mari ye.

Bɔ-Koe-Iyipiti 30:24

anubɛ bagɛ min tɔgɛ kɔsiya, i ni a fere-gbalɛ donu bi minna gbiliyɛ manɛ iko yi kalɔn kelan. Wo si a bɛɛ suma a kilɛ fɛ iko a di nde, Mari ye nya min. I ni ɔlifi-tuli kalɔn kelen bi ka a kɛ kɛ bɛɛsi kuma.

Bɔ-Koe-Iyipiti 35:22

Kei anubɛ musi minnu sɔnta, wonu tara anuna bolo-kalama-dɛɛnnu na anubɛ anuna tolola-fannu anubɛ anuna dɛɛn-kɔlɔnɛnu anubɛ anuna kan-na-fan minnu nadannɛ sɛnɛ la ka wonu dantɛgɛ Mari ma. Anu nara anu mabɛn-fannu na ka wonu di Mari ma.

Saraka-Masɔlɛnuta Tɔnnu 27:25

“Saraka-masɔlɛ ye kɛ damasi dɛ fɔla nya min, a ye tola a gbɛ wo le tɔ yiri!

Saraka-Masɔlɛnuta Tɔnnu 27:3

“Ni a mara den-keminɛ la min ma san loli bɔ wɛ, a si na wodi-gbɛ gbu loli la. Ni a mara dunmusu-nɛ le la min ma san loli bɔ wɛ, a si na wodi-gbɛ gbu sawa la. “Ni a mara keminɛ la min siyi ara tenbi san loli la kɔnɔ a ma ke wɛ san mogan rɔ fɔlɔ, lanyiri-tinyanɛ wo si na wodi-gbɛ gbu mogan na. Ni a mara dunmusi le la min siyi ara tenbi san loli la kɔnɔ a ma ke san mogan rɔ fɔlɔ, lanyiri-tinyanɛ wo si na wodi-gbɛ gbu tan la. “Ni a mara kemini-bulan la min siyi ara tenbi san mogan la kɔnɔ a ma ke wɛ san bi-wɔrɔ rɔ fɔlɔ, lanyiri-tinyanɛ wo si na wodi-gbɛ gbu bi-loli la. Ni a mara musu-ba le la min siyi ara tenbi san mogan la kɔnɔ a ma ke san bi-wɔrɔ rɔ fɔlɔ, lanyiri-tinyanɛ wo si na wodi-gbɛ gbu bi-sawa la. “Ni a mara kɛmɔgɔ-kɔbɔkɔbɛ la min siyi ara tenbi san bi-wɔrɔ la, lanyiri-tinyanɛ wo si na wodi-gbɛ gbu tan-ni-loli la. Ni a mara musu-kɔrɔ-kɔbɔkɔbɛ le la min siyi ara tenbi san bi-wɔrɔ la, lanyiri-tinyanɛ wo si na wodi-gbɛ gbu tan la.

Saraka-Masɔlɛnuta Tɔnnu 5:15

“Ni mɔgɔ-wo-mɔgɔ ya hakɛ kɛ bawo a bɛnta ka min di Mari ma, a ni nyina wo ko, fɔ a ni yiliki-sarakɛ bɔ a hakɛ wola ko la. A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi-gbɛ ye nya min.

Hegayi 2:8

Atɛ le sɛnɛ-hakikɛnu anubɛ wodi-gbɛ-hakikɛnu na.

Yilan-Yilan Koe 18:16

Minnuna dan wa ke karɛ kelan rɔ tumɛ min, anu si a kunka anuna wodi-gbɛ-gbu loli la iko Fani-Bɔn wodi gbiliyanɛ ye nya min. (Wodi-gbɛ wo gbiliyɛ mani de iko wodi-mɛlan tan.)