Bɔ-Koe-Iyipiti 36:8 - ALLALA KUMƐ

⁸ Kura-hakikɛ min tɔgɛ linɛn, anu ya wo ma Marita Fani-Bɔn la. Anu ya kurɛ wo walan tan bi ka anu ma Marita Fani-Bon-miran do la. Mɔgɛ minnu kusan boloma-wɔlɛ kɛla, wonu ya melikala muninyɛ sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan.

Bɔ-Koe-Iyipiti 36:8 ပူးပေါင်းရင်းမြစ်များ

1 Mansɛnu 6:23

Anu ya ɔlifi-kɔlɔma donu bi ka fen-kanbannama fila ladan wonu na minnu munta melika la. Anu ya wonu sɔ Sɛnima-Sɛnima-Tinɛ burɔ. Wonu sɔɛ ya nunkan-nya tan bɔ.

1 Ko-Kɔrɔta-Karan 15:1

Mansa Dawuda ya ata luyi datɛgɛ a nyɛrɛ ye Yerusalɛm soe burɔ. Wo kɔma, a ya kan tinɛ do rabɛn Allata tɔn-kenkirɛ ye ka fani-bɔn sɔ a ye.

2 Ko-Kɔrɔta-Karan 3:10

A ya melika-muninya fila ladan ka sɛnɛ sa wo dama ma ka anu nadon Sɛnima-Sɛnima-Tinɛ burɔ.

Bɔ-Koe-Iyipiti 25:18

Wo ni sɛnɛ gbesi ka melika filala muninyɛ ladan minnu kanbannu si kenkirɛ kuma tuwa. Wonu si to a da-latogɔn kuma a kun da filɛ la. Wo ni anu ya-lamunun anu nyɔgɔn na ka anu yakɔrɛ bɛn kenkirɛ wo da-latogɔn wo kumɛ ma gben! Wo ni melikala muninyɛ anubɛ kenkirɛ da-latogɔn wonu nadan nya-kun-kelen.

Bɔ-Koe-Iyipiti 25:22

Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”

Bɔ-Koe-Iyipiti 31:6

N bara Ahisimaki wola den-kei Oholiyabu yabɔ Dan bɔnsɔn rɔ ka ma Bɛsalɛli dɛnbɛnɛ la. N bara hɛnkili di mɔgɔ-siyaman ma alako anu ni kusanya nna bon-mirannu nadanna iko n bara a fɔ ile Musa ye nya min.

Bɔ-Koe-Iyipiti 31:7

Wonu ni nna Fani-Bɔn ladan ka tɔn-kenkirɛ anubɛ a da-latogɔn ladan anubɛ nna Fani-Bɔn miran bɛɛsi.

Bɔ-Koe-Iyipiti 35:10

“Mari ara minnu nadan-bole yira ma la, boloma-wɔli-kɛlɛ minnu bi Isirɛla mɔgɛnu tɛma, wonu ni na ka wonu nadan.

Bɔ-Koe-Iyipiti 36:9

Anu ya kurɛ wo bɛɛsi yanyɛ ma nunkan-nya mogan-ni-segin na. Anu ya anu kɔnɛ ma nunkan-nya nani na. Anu ya kurɛ wonu kɔnɛ anubɛ anuna yanyɛ rakɛnya bɛrɛtɛ!

Bɔ-Koe-Iyipiti 39:3

Anu ya sɛnɛ gbesi ka a ma fagbatara! Anu ya wo ratiitii ka a ma iko yesekari. Anu ya wo fanan sɔgɔ kura-kundi-fugbɛ wo ma iko anu ya yesekari subolo sawɛ wonu fanan sɔgɔ a ma nya min.