Bɔ-Koe-Iyipiti 36:2 - ALLALA KUMƐ

² Musa ya boloma-wɔli-kɛlɛ wonu kele minnu sewanɛ Marita wɔlɛ wo kɛ koe la ka a fɔ anu ye ko anu ni wɔlɛ wo dabira.

Bɔ-Koe-Iyipiti 36:2 ပူးပေါင်းရင်းမြစ်များ

1 Ko-Kɔrɔta-Karan 28:21

Saraka-masɔlɛ anubɛ Lifayi bɔnsɔn-mɔgɛ toenu sɔnta anuta wɔlɛ ma Alla Bato-Bɔn burɔ. Boloma-wɔli-kɛlɛ minnu kusan, wonu tabɛnnɛ i dɛnbɛn-koe ma. Nyamanita-mɔgɛnu anubɛ anuna kun-tiginu tabɛnnɛ ka ita kumɛ bira Bɔn sɔ-koe kɛ rɔ.

1 Ko-Kɔrɔta-Karan 29:5

N ya wo bɛɛ labɔ alako boloma-wɔli-kɛlɛnu ni Bato-Bon-miran donu nadan wonu na fanan. Nde ara min di Marita wɔlɛla ko la, wo le kɛnu na. Ni min bi a fɛ ka atɛ di Mari ma, awa, wo si atɛ di.”

Bɔ-Koe-Iyipiti 25:2

“A fɔ Isirɛla mɔgɛnu ye ko anu ni na n kɔ-fannu na n ye. Mɔgɛnu ba minnu di n ma anu yisi-sewanɛ la, i si wonu bira anu bolo nde ye.

Bɔ-Koe-Iyipiti 25:40

Wo ni a ma wo fɛrɛma a ladan tinɛ. N ya a ladan-nya yira i la nya min kɔnkɛ kuma, anu ni anu nadan wo nya feu!”

Bɔ-Koe-Iyipiti 31:6

N bara Ahisimaki wola den-kei Oholiyabu yabɔ Dan bɔnsɔn rɔ ka ma Bɛsalɛli dɛnbɛnɛ la. N bara hɛnkili di mɔgɔ-siyaman ma alako anu ni kusanya nna bon-mirannu nadanna iko n bara a fɔ ile Musa ye nya min.

Bɔ-Koe-Iyipiti 35:10

“Mari ara minnu nadan-bole yira ma la, boloma-wɔli-kɛlɛ minnu bi Isirɛla mɔgɛnu tɛma, wonu ni na ka wonu nadan.

Bɔ-Koe-Iyipiti 35:2

Wo ni wola wɔlɛnu kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo ma Sulen-Tele la bawo Marita tele-sɛnimɛ le Sulen-Tele wo la. Ta-sisi kana yen mɔgɔ-wo-mɔgɔ bolo Sulen-Tele ma wo sigi tinɛ bɛɛ rɔ. Min ba wɔli a tele wɔrɔnfila nyɔgɛ wo ma, wo ni a faga.”

Bɔ-Koe-Iyipiti 36:1

“Mari ya boloma-wɔlɛ-kɛ-hɛnkili di min bɛɛ ma, Bɛsalɛli anubɛ Oholiyabu anubɛ mɔgɛ donu fanan, wonu ni Marita Fani-Bon-sɛnimɛ ladan iko Mari ya a fɔ Musa ye nya min.”

Bɔ-Koe-Iyipiti 36:3

Isirɛla mɔgɛnu nara Fani-Bon-miran minnu na, Musa ya wonu don boloma-wɔli-kɛlɛ wonu bolo. Hali wo, Isirɛla mɔgɛnu tora tala anuna kɔ-fannu na Musa wara sɔgɔma-wo-sɔgɔma.

Kɛwɔlɛnu 14:23

Anu ya mɔgɔ-banu sigi ladɛn kelen-kelennamɛ-bɛɛ la wonu ye. Wo kɔma, anu ya sunyɛ don Alla matara tinɛ ka mɔgɔ-ba wonu dantɛgɛ Mari ma anu yigi sanɛ min tɔ.

Kɔlɔsi 4:17

Wo ni a fɔ Akipasi ye ko a ara wɔlɛ min sɔrɔn Mari bolo, a ni wo ban de!

Hiburunu 5:4

Mɔgɛ wa ma saraka-masɔla-kun-tigi-wɛ la, gbiliyɛ le wo la. Kɔnɔ mɔgɔ-wo-mɔgɔ ti sɔ tinɛ wo bi a nyɛrɛ ma bawo a ye nyinina a ma fɔ Alla wa a kele iko ma benba Aruna keleta nya min.