Bɔ-Koe-Iyipiti 35:6 - ALLALA KUMƐ

⁶ Yesekari-bilolamɛ wo, yesekara-yalafinyɛ wo, anubɛ yesekara-wulenmɛ, wo ni wonu don nde bolo anubɛ linɛn-kura-nyimɛ. Yesekeri min nadannɛ baa-siyi la wo,

Bɔ-Koe-Iyipiti 35:6 ပူးပေါင်းရင်းမြစ်များ

Bɔ-Koe-Iyipiti 25:4

Yesekari-bilolamɛ wo, yesekara-yalafinyɛ wo, yesekara-wulenmɛ wo, anubɛ kura-nyimɛ min tɔgɛ linɛn, i ni wonu fanan bira anu bolo. Baa siyi wo,

Bɔ-Koe-Iyipiti 26:1

Anu bi kura-hakikɛ min kelela linɛn, wo ni wo ma nta Fani-Bɔn la. Wo si kurɛ wo walan tan bi ka anu ma nta Fani-Bon-miran do la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 26:31

“Anu bi kura-hakikɛ min kelela linɛn, wo ni wo ma yorolan la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 26:36

“Anu bi kura-hakikɛ min kelela linɛn, wo ni wo ma bɔn don-da-kurɛ la. Mɔgɛ minnu kusan, wonu ni mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 28:15

“Wo ni linɛn-kurɛ bi ka a ma kɔgɔ-dala-kurɛ la. Wo si ma nde, Alla sako-lɔn-fan la. Wo ni a ladan iko saraka-masɔlɛta kura-kundi-fugbɛ la si dan nya min. Wo ni a sɔgɔ yesekara-yalafinyɛ anubɛ yesekara-bilolamɛ anubɛ yesekara-wulan anubɛ sɛnɛ-yesekari la.

Bɔ-Koe-Iyipiti 28:33

Kɔlɔma-gbɔɛ min tɔgɛ pamakarani, wo ni wola muninyɛnu nadan duruki wo da-gbole la. Wo ni wonu nadan yesekara-yalafinyɛ anubɛ yesekara-bilolamɛ anubɛ yesekara-wulan la ka wonu ma duruki wo da-gbole bunsan la. Wo ni sɛnɛ-tɛlan-dɔgɔmanɛnu kiri tala pamakaranila muninyɛ wonu tɛma duruki wo da-gbole la.

Bɔ-Koe-Iyipiti 35:5

“Wo ni na wola kɔ-fannu na Mari ye. Wo wa minnu di wo yisi-sewanɛ la, wo ni wonu don nde bolo. Wo ye nala kɔ-fan minnu na, wo le kɛnu na, sɛnɛ wo, wodi-gbɛ wo, anubɛ silɛɛ.

Bɔ-Koe-Iyipiti 35:7

saga-yigi gbolo-kolonɛ wo, anubɛ gbolo-koloni-hakikɛ wo, wo ni na wo donu na wo bolo. Wo ni na kɔlɔma do la min tɔgɛ akasiya.