Bɔ-Koe-Iyipiti 35:35 - ALLALA KUMƐ

³⁵ A ya hɛnkili di anu ma alako anu ni kusanya boloma-wɔlɛ kɛ sufa donu na iko yese-dan-nya ka linɛn-kura-hakikɛ ladan. Anu si yesekara-yalafinyɛ anubɛ yesekara-bilolamɛ anubɛ yesekara-wulenmɛ sɔgɔ linɛn-kura-nyimɛ wonu ma.

Bɔ-Koe-Iyipiti 35:35 ပူးပေါင်းရင်းမြစ်များ

1 Mansɛnu 3:12

Woletɔ n bi nala hɛnkili anubɛ lɔnnɛ dila i ma tɛban! Mɔgɔ-wo-mɔgɔ ti hɛnkili sɔrɔn duninya rɔ ka ke i rɔ.

2 Ko-Kɔrɔta-Karan 2:14

Dan bɔnsɔn-mɔgɛ do le a na la. Taya kɛ le a fa la. A kusan sɛnɛ wo, wodi-gbɛ wo, silɛɛ wo, nɛgɛ wo, kuri wo, anubɛ kɔn-ko-wɔlɛnu na. A kusan kura-bilolamɛ anubɛ kura-wulan anubɛ kura-finyɛ ladanna. A kusan mɔlɔni-ko-nyagan sufa bɛɛ la. I ya mɔlɔni-su-wo-su yira a la, a si wo ladan. I ni a kofu ita boloma-wɔli-kɛlɛnu ma i fa Mansa Dawuda ya minnu yabɔ.

Yobu 7:6

Nta wati ye banna tenbila, ado yigi sa n bolo. Nta wati ye tenbila tiriya, iko yese-dan-wɔrɔlan si tenbi nya min tiriya!

Bɔ-Koe-Iyipiti 26:1

Anu bi kura-hakikɛ min kelela linɛn, wo ni wo ma nta Fani-Bɔn la. Wo si kurɛ wo walan tan bi ka anu ma nta Fani-Bon-miran do la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 31:3

N bara nta sɛnbɛ di a ma alako a ni hɛnkili sɔrɔn ka wɔli sifa kɛnu dama nya-lɔn.

Bɔ-Koe-Iyipiti 31:6

N bara Ahisimaki wola den-kei Oholiyabu yabɔ Dan bɔnsɔn rɔ ka ma Bɛsalɛli dɛnbɛnɛ la. N bara hɛnkili di mɔgɔ-siyaman ma alako anu ni kusanya nna bon-mirannu nadanna iko n bara a fɔ ile Musa ye nya min.

Bɔ-Koe-Iyipiti 35:31

Mari ara ata sɛnbɛ di a ma alako a ni hɛnkili sɔrɔn ka wɔlɛ sifa donu kɛ-nya lɔn.

Bɔ-Koe-Iyipiti 36:1

“Mari ya boloma-wɔlɛ-kɛ-hɛnkili di min bɛɛ ma, Bɛsalɛli anubɛ Oholiyabu anubɛ mɔgɛ donu fanan, wonu ni Marita Fani-Bon-sɛnimɛ ladan iko Mari ya a fɔ Musa ye nya min.”

Aiseya 28:26

A kusan wɔlɛ kɛla bawo Alla le ya a karan wo la.

Aiseya 38:12

N niyi la ara to dogbe. A mani de iko fani-bon-wuyanɛ. A mani de iko yese min bara tɛgɛ, a ma ban bɛ. N miri ko Alla ye n niyi ban tinɛ le.

Kɛwɔlɛnu 19:6

Pɔli ya a bole sa anu kuma tumɛ min, anu fanan ya Allata Ni-Sɛnimɛ sɔrɔn. Anu kumara kan-gbɛrɛnu tɔ ka wɔlɔyiya-kumɛ fɔ iko fɔlɔ-mɔgɛnu.

Kɛwɔlɛnu 19:8

Karɛ sawa kɔrɔ, Pɔli tara don Yahudiya-dina-bɔn la ka kuma mɔgɛnu ye yisi-latɛgɛ rɔ Allala mansayɛla ko la. Anu fanan ni la wo la.

1 Kɔrɛnti 1:5

Yisa Kirasiti ya a ma, wo ara ma-a-la ko-nyimɛ-bɛɛ rɔ, ado a ya sɛnbɛ di wo ma ka ata kumɛ lake. A ya lɔnnɛ fanan di wo ma a wara-koe rɔ.

1 Kɔrɛnti 1:7

Wo le ya a to, wo tenbi Mari Yisa, Allata-Mɔgɔ-Yabɔnɛ makɔnɔna ko a ni na duninya kɛ rɔ tun, wo sa dasala nirɔ-kɔ-fen kelen bɛrɛn na.

1 Kɔrɛnti 12:12

Kirasiti mani de iko bagbu kelan, sɔlɔmɔnya-siyamɛ. Hali wo fɛrɛ-sɔlɔmɔnyanu siya, bagbu kelen de!

1 Kɔrɛnti 12:4

Fanda-su-siyaman bi nyɔ ka bɔ Alla bolo kɔnɔ Allata Ni-Sɛnima kelan wo le ye wo bɛɛ dila ma ma.

1 Kɔrɛnti 12:8

Ata Ni-Sɛnima kelan wo si hɛnkilimaya-kumɛ di do ma. Lɔnnɛ ye kawandili min tɔ, a si sɛnbɛ wo di mɔgɔ-gbɛrɛ ma fanan.

Kalesiya 3:2

N bi min lɔn-koe rɔ wo bolo, wo le kɛ la—wo ya Allala Ni-Sɛnimɛ sɔrɔn tɔn-birɛ le fɛ, wa? Ade! Wo ya kibara-nyimɛ lamɔɛn min kɛ ka la a la, wo ya ata Ni-Sɛnimɛ sɔrɔn wo le fɛ.

Kalesiya 3:5

Alla le ya ata Ni-Sɛnimɛ di wo ma ka kabana-koenu kɛ wo tɛma. A ya wo ma le ka a tɛgɛ tɔn-kitabu ara min fɔ, wa? Ade, a ya wo ma ka a tɛgɛ wo ara kibara-nyimɛ lamɔɛn nya min ka dɛnkɛninya Yisa ma.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

1 Timoti 4:16

I hɛnkili to i nyɛrɛ anubɛ ila karan ko. I ni to koe kɛnu kɛla bawo Alla si wobɛ i kan-namɔɛnnɛnu kisi ka a tɛgɛ ila wɔli-nyimɛ ma.

2 Timoti 2:15

I ni i se-koe-bɛɛ kɛ ka ma wɔli-kɛla-nyimɛ la. Alla ni i lɔn wɔli-kɛlɛ la min miliyani ma ala wɔlɛla ko la. I ni to mɔgɛnu karanna Allala tonya-kumɛ la a kilɛ fɛ.