Bɔ-Koe-Iyipiti 35:29 - ALLALA KUMƐ

²⁹ Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Bɔ-Koe-Iyipiti 35:29 ပူးပေါင်းရင်းမြစ်များ

1 Ko-Kɔrɔta-Karan 29:14

“Kɔnɔ hali wo, malebɛ nta mɔgɛnu ma ke fenfen dila i ma kamasɔrɔn kɔ-fan bɛɛ ye bɔla ile le kɔɛn rɔ. Male ye fan min sɔrɔnna i bolo, male ye wo le lasɛgila i ma.

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

1 Ko-Kɔrɔta-Karan 29:3

Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

1 Ko-Kɔrɔta-Karan 29:6

A bɔnsɔn-kun wo, a kebila-kun wo, a kɛlɛ-den-kun wo, a fen-makandanna wo, anu damasi sɔnta wo ma ka anu bole ladɛn.

2 Ko-Kɔrɔta-Karan 35:8

Ala mɔgɔ-banu fanan ya donu nabɔ ka ale mansɛ magben wo la alako ka Lifayinu, anubɛ saraka-masɔlɛnu, anubɛ ala mɔgɛnu dɛnbɛ nya min. Saraka-Masɔla-Kun-Tigi-Wɛ Helikaya wo, Sakaraya wo, anubɛ Yɛhiyɛli, kun-tigi le wonu na Bato-Bɔn la. Mɔgɔ sawɛ kɛnu ya saraka-masɔlɛnu dɛnbɛ saga-dan anubɛ baa-dan minnu na, wo le yirika bɛnta waga fila, kɛmɛ wɔrɔ (2,600) ma ani tura kɛmɛ sawa (300). Anu ya wonu ma Kanan-Koe sarakɛnu na.

Ɛsira 3:5

Min sanɛ wo kuma, anu bi saraka-mintantɛ minnu mintanna, anu ya wonu bɔ. Anu bi Karɛ-Kura-Sarakɛ minnu bɔla, anu ya wonu bɔ. Anu si ladiyɛ min bɛɛ kɛ Mari ye, anu ya wonu sarakɛ bɔ. Wo kɔma fanan, anu ya hɛniki-sarakɛnu bɔ.

Ɛsira 8:28

N ban kɛ damasi labɔla, n ya a fɔ anu ye ko, “Wole dantɛgɛni de ma benbanuta Mari Alla ma. Mɔgɛnu nara sɛnɛ anubɛ wodi-gbɛ-miran minnu na Mari ye hɛniki-sarakayɛ la, wonu fanan dantɛgɛnɛ a ma iko wole.

Bɔ-Koe-Iyipiti 35:4

Musa ya Marita kumɛ latenbi Isirɛla mɔgɛnu ma ko,

Bɔ-Koe-Iyipiti 35:5

“Wo ni na wola kɔ-fannu na Mari ye. Wo wa minnu di wo yisi-sewanɛ la, wo ni wonu don nde bolo. Wo ye nala kɔ-fan minnu na, wo le kɛnu na, sɛnɛ wo, wodi-gbɛ wo, anubɛ silɛɛ.

Bɔ-Koe-Iyipiti 36:3

Isirɛla mɔgɛnu nara Fani-Bon-miran minnu na, Musa ya wonu don boloma-wɔli-kɛlɛ wonu bolo. Hali wo, Isirɛla mɔgɛnu tora tala anuna kɔ-fannu na Musa wara sɔgɔma-wo-sɔgɔma.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

1 Kɔrɛnti 3:5

Nfen bi a mala, mabɛ Apalasi kolo wo yala? Allala wɔli-kɛlɛ le male la dɔrɔn. Wo dɛnkɛninyara Yisa ma tumɛ min, ma ya wo dɛnbɛ. Mari ya wɔlɛ min di ma kelen-kelennamɛ-bɛɛ ma, ma ye wɔlɛ wo le kɛ tinɛ tolon!

1 Kɔrɛnti 9:17

Ni n bi wɔlɛ kɛ kɛla n nyɛrɛ sako la, n yili ye n sara-koe le ma worɔ. Kɔnɔ bawo Alla le ya wɔlɛ wo don n bolo, ni n ma sarɛ sɔrɔn, n bara sɔn wo ma.

2 Kɔrɛnti 9:7

Bɛɛ ni kɔlɛ kɛ worɔ iko a ara a miri a burɔ nya min. A kana kɔli kɛ yisi-magboyɛ la. A kana kɔli kɛ bawo anu bi i lagbengbenna. Mɔgɛ min bi fan dila a sewanɛ, wo le di Alla ye.

Kalesiya 6:16

Nba, ni min bɛɛ bilanɛ tonyɛ kɛ fɛ, alamɛ yisi-kimɛ anubɛ kinikinɛ dira wonubɛ Allata mɔgɛ bɛɛ ma!

Tɔn-Fɔɛ-Fila-Nyɔgɛ 11:32

wo ni a ma wo fɛrɛma tɔn kɛnuna ko la n bara min di wo ma kɛ la bi.”

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

2 Pita 1:19

Woletɔ nɛbinu ya kumɛ min fɔ, ma lanɛ wo la bɛrɛkɛ! Ni wo si wo tole masɔ wo la, wo si bɛn bawo a mani de iko lɛnpu min malannɛ pinpi rɔ ha Kirasiti wa na wati min ata wan-takani-wɛ la ka to malanna wo yisi rɔ.

Kɛlɛ-Kurugbɛnu 5:2

Ma si baraka bira Mari ye ka a tanto bawo Isirɛla kun-tiginu sɔra yarɔ kɛlɛ rɔ, ado Isirɛla mɔgɛnu ya anu nyɛrɛ niyi fili kɛlɛ rɔ.

Kɛlɛ-Kurugbɛnu 5:9

N si baraka bira Isirɛla kun-tiginu ye anubɛ Isirɛla mɔgɛnu ye bawo anu ya anu nyɛrɛ bɔ ka anu niyi fili kɛlɛ rɔ. Ma ni baraka bira Mari ye wola ko la.