Bɔ-Koe-Iyipiti 35:25 - ALLALA KUMƐ

²⁵ Musi minnu kusan wurundi kɛla, wonu nara anuna yesekara-yalafinyɛ anubɛ yesekara-bilolamɛ anubɛ yesekara-wulenmɛ anubɛ linɛn-kura-nyimɛ la anu bolo ka wonu dantɛgɛ Mari ma.

Bɔ-Koe-Iyipiti 35:25 ပူးပေါင်းရင်းမြစ်များ

2 Mansɛnu 23:7

Yɛlan-keimɛnu bi konko minnu na Bato-Bɔn kata burɔ, a ya wonu tinya. Musinu bi durukinu nadanna Asura kɔlɛnu ye nyɔ le.

1 Ko-Kɔrɔta-Karan 28:21

Saraka-masɔlɛ anubɛ Lifayi bɔnsɔn-mɔgɛ toenu sɔnta anuta wɔlɛ ma Alla Bato-Bɔn burɔ. Boloma-wɔli-kɛlɛ minnu kusan, wonu tabɛnnɛ i dɛnbɛn-koe ma. Nyamanita-mɔgɛnu anubɛ anuna kun-tiginu tabɛnnɛ ka ita kumɛ bira Bɔn sɔ-koe kɛ rɔ.

Bɔ-Koe-Iyipiti 31:6

N bara Ahisimaki wola den-kei Oholiyabu yabɔ Dan bɔnsɔn rɔ ka ma Bɛsalɛli dɛnbɛnɛ la. N bara hɛnkili di mɔgɔ-siyaman ma alako anu ni kusanya nna bon-mirannu nadanna iko n bara a fɔ ile Musa ye nya min.

Bɔ-Koe-Iyipiti 35:24

Wodi-gbɛ anubɛ silɛɛ ye minnu bolo, wonu nara wonu na Marila wɔlɛla ko la. Kɔlɔma min tɔgɛ akasiya, wo taranta minnu bolo, wonu nara wonu na wɔlɛ wola ko la.

Bɔ-Koe-Iyipiti 35:26

Musi minnu kusan baa-siyi fanan wurundila, wonu ya wonu ma kasa-kurɛnu na ka wonu dantɛgɛ Mari ma.

Bɔ-Koe-Iyipiti 36:1

“Mari ya boloma-wɔlɛ-kɛ-hɛnkili di min bɛɛ ma, Bɛsalɛli anubɛ Oholiyabu anubɛ mɔgɛ donu fanan, wonu ni Marita Fani-Bon-sɛnimɛ ladan iko Mari ya a fɔ Musa ye nya min.”

Hɛnkilimaya-Kumɛnu 14:1

Musu-hɛnkilimɛ si ala denbayɛ sɔ kɔnɔ musu-kun-takolɔn si ala denbayɛ wayan ka a tii mɛmɛ!

Kɛwɔlɛnu 9:39

Woletɔ Pita wulita ka sɛgi anu fɛ. A kera tumɛ min, anu tara a la furi sanɛ kan min san-bɔn wo la. Kɛɛ-musi bɛɛ ya anu nadɛn Pita dafɛ. Anu bi Dɔrɔkasi dila kosɛbɛ! Ale Dɔrɔkasi ya duruku-kɔrɔ-donyɛ anubɛ duruku-wɛ minnu nadan a kɛndɛ tumɛ min, anu ya wo siyaman yira Pita la.

Romu 16:12

Tarifina anubɛ Tarifosa kɔndɔn n ye minnu wɔlita Mari ye bɛrɛkɛ anubɛ n diyana-mɔgɛ Perasi. Ale fanan wɔlita Mari ye duk!

Romu 16:6

Mariyama fanan kɔndɔn min wɔlita wo ye bɛrɛkɛ!

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.