Bɔ-Koe-Iyipiti 35:23 - ALLALA KUMƐ

²³ Kurɛ min tɔgɛ linɛn anubɛ yesekara-yalafinyɛ anubɛ yesekara-bilolamɛ anubɛ yesekara-wulenmɛ taranta minnu bolo, wonu tara wonu na ka anu dantɛgɛ Mari ma. Baa-siyi anubɛ saga-yigi gbolo-koloni-wulenmɛ anubɛ gbolo-koloni-hakikɛ do taranta minnu bolo, wonu fanan tara wonu dantɛgɛ Mari ma.

Bɔ-Koe-Iyipiti 35:23 ပူးပေါင်းရင်းမြစ်များ

1 Ko-Kɔrɔta-Karan 29:8

Dugu-kɔrɔ-nɔnfuli ye minnu bolo anu tɛma, wonu fanan ya wonu don Bato-Bɔn fen-namaralɛnu bolo. Fen-namaralɛ wonuna kun-tigi le Lifayi bɔnsɔn-mɔgɛ do la min tɔgɛ Yɛhiyɛli. Kɛrisɔn kebila-mɔgɛ do le ale la.

Bɔ-Koe-Iyipiti 35:22

Kei anubɛ musi minnu sɔnta, wonu tara anuna bolo-kalama-dɛɛnnu na anubɛ anuna tolola-fannu anubɛ anuna dɛɛn-kɔlɔnɛnu anubɛ anuna kan-na-fan minnu nadannɛ sɛnɛ la ka wonu dantɛgɛ Mari ma. Anu nara anu mabɛn-fannu na ka wonu di Mari ma.

Bɔ-Koe-Iyipiti 35:24

Wodi-gbɛ anubɛ silɛɛ ye minnu bolo, wonu nara wonu na Marila wɔlɛla ko la. Kɔlɔma min tɔgɛ akasiya, wo taranta minnu bolo, wonu nara wonu na wɔlɛ wola ko la.

Bɔ-Koe-Iyipiti 39:1

Anu ya yesekari subolo sawɛ kɛnu bi ka saraka-masɔla-wɛ makiri-mirannu nadan wonu na, yesekara-yalafinyɛ wo, yesekara-bilolamɛ wo, anubɛ yesekara-wulan. Anu ya anu nadan Aruna ye iko Mari ya a fɔ Musa ye nya min nun. Aruna tenbi wɔlila Kan-Tina-Sɛnimɛ rɔ, a si to makiri-miran wonu bila.