Bɔ-Koe-Iyipiti 35:21 - ALLALA KUMƐ

²¹ ka ta anuna kɔ-fannu bi tinɛ, Mari kɔ-sɔgɛ ya minnu bira, kɔni. Anu nara wonu na Marita Fani-Bɔn-wɔlɛla ko la anubɛ saraka-masɔlɛnuna makiri-fannu.

Bɔ-Koe-Iyipiti 35:21 ပူးပေါင်းရင်းမြစ်များ

2 Samuwɛli 7:27

“Isirɛla mɔgɛnuta Mari Alla Sɛnbɛ-Bɛɛ-Tigi, ni i ya a yen nde, ila wɔli-kɛlɛ ye i madiyala kɛ nya na kaka, n yili latɛgɛni de bawo ile le wara a sa gbɛ ma n ye ko mansayɛ ti bɔ nna bɔn la.

1 Ko-Kɔrɔta-Karan 28:2

Mansa Dawuda ya a lakɔɛnma ka a fɔ anu ye ko, “Nna nyamanita-mɔgɛnu, wo ni wo tole masɔ n na. A sɔgɛ ye n na nun, n ni bɔn sɔ Marita tɔn-kenkirɛla ko la. Wo si ma mata Mari Alla mayigi tinɛ la. N bara fen-siyaman nadɛn nun bɔn wo sɔ-koe rɔ.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

1 Ko-Kɔrɔta-Karan 29:14

“Kɔnɔ hali wo, malebɛ nta mɔgɛnu ma ke fenfen dila i ma kamasɔrɔn kɔ-fan bɛɛ ye bɔla ile le kɔɛn rɔ. Male ye fan min sɔrɔnna i bolo, male ye wo le lasɛgila i ma.

1 Ko-Kɔrɔta-Karan 29:3

Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

1 Ko-Kɔrɔta-Karan 29:8

Dugu-kɔrɔ-nɔnfuli ye minnu bolo anu tɛma, wonu fanan ya wonu don Bato-Bɔn fen-namaralɛnu bolo. Fen-namaralɛ wonuna kun-tigi le Lifayi bɔnsɔn-mɔgɛ do la min tɔgɛ Yɛhiyɛli. Kɛrisɔn kebila-mɔgɛ do le ale la.

1 Ko-Kɔrɔta-Karan 29:9

Mɔgɛnu sewanɛ ya fan wonu nabɔ Marila wɔlɛla ko la. Anu dama ya a yen min kɛ ko fen-siyamɛ wo nyɔgɔn bara bɔ, anu dama sewara anubɛ anuna mansɛ.

Ɛsira 2:68

Mɔgɔ-birani-kɔrɛ wonu kenɛ Yerusalɛm, Mari Bato-Bɔn sɔnɛ kan min nun, anu kebila-kunyɛ donu ya hɛniki-sarakɛ bɔ alako anu ni Bato-Bɔn sɔ-kurɛ-kɛ tun a sɔ-gba-kɔrɛ rɔ.

Ɛsira 7:27

Saraka-Masɔla Ɛsira ya a fɔ ko, “N si ma benbanuta Mari Alla tanto bawo a ara a ma, mansɛ ara kɛ nyɔgɔn sufa gbiliyɛ di Mari Bato-Bɔn ma Yerusalɛm soe burɔ.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Bɔ-Koe-Iyipiti 25:2

“A fɔ Isirɛla mɔgɛnu ye ko anu ni na n kɔ-fannu na n ye. Mɔgɛnu ba minnu di n ma anu yisi-sewanɛ la, i si wonu bira anu bolo nde ye.

Bɔ-Koe-Iyipiti 35:20

Isirɛla mɔgɛ bɛɛ ya anu bɔ Musa dafɛ

Bɔ-Koe-Iyipiti 35:22

Kei anubɛ musi minnu sɔnta, wonu tara anuna bolo-kalama-dɛɛnnu na anubɛ anuna tolola-fannu anubɛ anuna dɛɛn-kɔlɔnɛnu anubɛ anuna kan-na-fan minnu nadannɛ sɛnɛ la ka wonu dantɛgɛ Mari ma. Anu nara anu mabɛn-fannu na ka wonu di Mari ma.

Bɔ-Koe-Iyipiti 35:26

Musi minnu kusan baa-siyi fanan wurundila, wonu ya wonu ma kasa-kurɛnu na ka wonu dantɛgɛ Mari ma.

Bɔ-Koe-Iyipiti 35:29

Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Bɔ-Koe-Iyipiti 35:5

“Wo ni na wola kɔ-fannu na Mari ye. Wo wa minnu di wo yisi-sewanɛ la, wo ni wonu don nde bolo. Wo ye nala kɔ-fan minnu na, wo le kɛnu na, sɛnɛ wo, wodi-gbɛ wo, anubɛ silɛɛ.

Bɔ-Koe-Iyipiti 36:2

Musa ya boloma-wɔli-kɛlɛ wonu kele minnu sewanɛ Marita wɔlɛ wo kɛ koe la ka a fɔ anu ye ko anu ni wɔlɛ wo dabira.

Hɛnkilimaya-Kumɛnu 4:23

A ma i fɛrɛma i miri tinɛ bawo tɔ-a-la, i miri-nya si ma i kɛ-nya la.

Yɛrɛmaya 30:21

Wola kun-tigi si bɔ wo nyɛrɛ rɔ. Wola mɔgɔ-bɛrɛbɛrɛ le wo lamarala. Mari ko a wa kun-tigi wo rakele, wo si a gbɛrɛn a ma, ado yon si ke a gbɛrɛnna ale Mari ma, ni a ma min takele? A ko wole si ma ata mɔgɛnu na, ale si ma wota Alla la. Ale Mari kan le kɛ la.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

2 Kɔrɛnti 8:12

Ni fen bi wo bolo min ni-sɔgɛ ye wo la, Alla si sɔn wola kɔ-fan wo la iko wo bole danta kan min. Fan min sa wo bolo, wo sɛ sa wo ye.

2 Kɔrɛnti 9:7

Bɛɛ ni kɔlɛ kɛ worɔ iko a ara a miri a burɔ nya min. A kana kɔli kɛ yisi-magboyɛ la. A kana kɔli kɛ bawo anu bi i lagbengbenna. Mɔgɛ min bi fan dila a sewanɛ, wo le di Alla ye.

Kɛlɛ-Kurugbɛnu 5:12

‘Dɛbora, sɔ ma yarɔ ka sigi sa. Abinowamta den Bɛraki, i fanan sɔ ma yarɔ. I ni ta yɔɔnnu bira ka anu sɔ i yarɔ.’ ”

Kɛlɛ-Kurugbɛnu 5:3

Wole mansɛnu anubɛ wole mɔgɔ-banu, n bi bɛti min bɔla Isirɛla mɔgɛnuta Mari Alla ye, wo ni wo wɔlɔ matɔlɔ bɛti-diyamɛ wo la.

Kɛlɛ-Kurugbɛnu 5:9

N si baraka bira Isirɛla kun-tiginu ye anubɛ Isirɛla mɔgɛnu ye bawo anu ya anu nyɛrɛ bɔ ka anu niyi fili kɛlɛ rɔ. Ma ni baraka bira Mari ye wola ko la.