Bɔ-Koe-Iyipiti 35:2 - ALLALA KUMƐ

^2-3 Wo ni wola wɔlɛnu kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo ma Sulen-Tele la bawo Marita tele-sɛnimɛ le Sulen-Tele wo la. Ta-sisi kana yen mɔgɔ-wo-mɔgɔ bolo Sulen-Tele ma wo sigi tinɛ bɛɛ rɔ. Min ba wɔli a tele wɔrɔnfila nyɔgɛ wo ma, wo ni a faga.”

Bɔ-Koe-Iyipiti 35:2 ပူးပေါင်းရင်းမြစ်များ

Bɔ-Koe-Iyipiti 16:23

Musa ya a fɔ anu ye ko, “Ni a ma-sɔgɛ ye wo la nya-wo-nya, wo si a ma wo nya, ni ka a mintan de, ni wo ma, ka a te le, wo si a ma wo nya. Kɔnɔ ni mintɛ toe tora, wo si ma sina dɔn-fan la. Wo ni wo lamara ha sɔgɔma bawo sina tele si ma tele-sɛnimɛ la Mari ye.”

Bɔ-Koe-Iyipiti 23:12

“Wo si wola wɔlɛnu kɛ tele wɔrɔ kɔrɔ ka wo sulen a tele wɔrɔnfila nyɔgɛ ma. Wola yɔɔnnu wo, wola sundan minnu bi wo dɛnbɛna wo, anubɛ wola kolo-fan minnu bi wɔlila wo ye wo, wo bɛɛsi ni wo sulen a tele wɔrɔnfila nyɔgɛ wo ma.

Bɔ-Koe-Iyipiti 34:21

“Wo ni wola wɔlɛ kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo sulen, hali sɛnɛ-sa-wati le anubɛ ni a tɛgɛ-wati le, wo ni wo sulen tele wo ma.

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Saraka-Masɔlɛnuta Tɔnnu 23:3

Mari ko a ya tele wɔrɔ di ma ma ka mala wɔlɛnu kɛ kɔnɔ a tele wɔrɔnfila nyɔgɛ, a ko ma ni ma sulen wo rɔ. Mari ko a tele wɔrɔnfila nyɔgɛ wo ma, ma kana wɔlɛ kɛ kɔnɔ ma si ma ladɛn ka Mari Alla bato. Ma tara kan-bo-kan, a tele wɔrɔnfila nyɔgɛ wo, Maritɛ le wo la.

Yɔni 5:16

Ka a tɛgɛ wo ma, Yahudiyanuna kun-tiginu ya a lagbɛlɛyɛ dabira Yisa ma bawo a ya mɔgɛ lakɛndɛya Sulen-Tele ma.