Bɔ-Koe-Iyipiti 34:7 - ALLALA KUMƐ

⁷ N si nta nyimayɛ yira mɔgɔ waga siyaman na. N si mɔgɛnu makoto anuna hakɛ-yogomɛnu na. Hakɛ-tigi minnu si anu ban n na, n si wonu tɔrɔ. Hali anuna dannu ha ka ta a sigi anu tolo-birɛnu na anubɛ anu tolo-bira-sɔɛnu, n si wonu fanan tɔrɔ.”

Bɔ-Koe-Iyipiti 34:7 ပူးပေါင်းရင်းမြစ်များ

Ko-Dabirɛnu 19:16

Kɔnɔ Lɔti ya a kun kimaya min kɛ, woletɔ melika wonu ya anubɛ ala denbayɛnu bolo bira ka anu nabɔ soe kɔma bawo Mari ara kinikini anu ma.

1 Mansɛnu 8:30

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ san-kole rɔ ka ma makoto ma hakɛ la.

1 Mansɛnu 8:32

E, Mari, i ni i wɔlɔ matɔlɔ san-kole rɔ ka ko sufa wo kiti tɛgɛ. I ni mɔgɔ-yilikinɛ tɔrɔ iko ala hakɛ ye nya min ka tonya-tigi wo yo sa iko ata yoe ye nya min.

2 Ko-Kɔrɔta-Karan 30:9

Ni wo sɛgira Mari ma, kɛlɛ tara wo na-kelen-nyɔgɛ minnu na, anu si kinikini anu ma ka anu nasɛgi wo ma. Mari Alla fanɛ ko-nyimɛ anubɛ kinikinɛ la. Ni wo nara a ma, a si sɔn wo la ka wo bira tun.”

Nihɛmaya 1:5

“E, Mari Alla-makawanɛ min bi san-kole rɔ, i kolo, ado ma ye i gbiliyala. Ma sarata min ma, i ye itɛ wo lakandanna ita mɔgɛnu ye, i di minnu ye, kɔni. Anu si i sako kɛ fanan.

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Yobu 10:14

I ye n nakɔrɔsila ka a lɔn ni n si hakɛ kɛ le alako i ni i ban n makoto-koe ma.

Yaburi 103:3

A ye n hakɛ mumɛ bɛɛ makotola ka nna kirayɛ bɛɛ dandan.

Yaburi 109:14

A benbanu ya ko-yogomɛ min bɛɛsi ma, alamɛ Mari fonde tora wonu ko. Alamɛ Mari kana a na hakɛ makoto.

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 136:10

A ya Iyipiti kɛnuna sarɛ bɛɛ faga. Ala keninteyɛ dan sa.

Yaburi 136:15

A ya Iyipiti mansɛ anubɛ ala kɛlɛ-dannu nato yi rɔ. Ala keninteyɛ dan sa.

Yaburi 25:11

E, Mari, n makoto n hakɛ-siyamɛ la iko i wara lanyiri kiri n ye nya min.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 99:8

E, mata Mari Alla, i ya ila mɔgɛnuna madiyalɛ yabi. Hali i ya anu tɔrɔ anu hakɛla ko la, i ya a yira anu na fanan ko Alla le ile la min si makotoli kɛ.

Bɔ-Koe-Iyipiti 23:21

Wo ni wo tolo masɔ melika wo la ka a kuman-kan bira. Wo kana murutiya a ma. Ni wo ya wo ma, a ti wo makoto muk, bawo a ye tala nde le gbɛ rɔ.

Bɔ-Koe-Iyipiti 23:7

Mɔgɔ kana tɔgɛ sa a ta-nyɔgɛ la. Wo kana mɔgɔ-magbalanɛnu faga. Ni min ya wo sufa ma, nde, Mari si wo tigi yiliki.

Bɔ-Koe-Iyipiti 33:19

Mari ko, “N si a ma, i ni nna gbiliyɛ yen tenbila i yakɔrɔ. N si n sereka-tɔgɛ lawasa i ye bi. Mari le nde la. Minna kinikinɛ wa don n tɔ, n si kinikini wo ma.

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yɛrɛmaya 32:18

I wara ita hinɛ yira mɔgɔ waga yirika la kɔnɔ hali wo, i ye dannu tɔrɔla ka a tɛgɛ anu sɔrɔnnɛnuna hakɛ ma. Alla-makawanɛ le ile la. I tɔgɛ le Mari Sɛnbɛ-Bɛɛ-Tigi.

Yɛrɛmaya 9:24

Ni nyɛrɛ-matɔgɔ-sɔgɛ ye min na, wo tigi ni a fɔ ko ale le ya ale Mari lɔn a kila-bɛrɛbɛrɛ fɛ. A ni a diya-a-la ko ale Mari le ata Mari la. A ni a diya-a-la ko Marita keninteyɛ kolo, ado a telenta. A ni a diya-a-la ko Mari ye ko-telennɛ le mala dugu-kole kuma. Mari ko matɔgɔ-sufa wo le ye a diya donna ale rɔ. Mari kan le kɛ la.

Daniyɛli 9:9

Hali ma murutiyanɛ i ma, i wara kinikini ma ma ka ma makoto.

Maika 6:11

Mari si wole makoto worɔ, wa?

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Matiyu 12:31

Wo le ya a to, n bi a fɔla wo ye ko mɔgɛnu bi hakɛ min bɛɛ kɛla anubɛ anu bi kuma-yogomɛ min bɛɛ fɔla, anu ma si koto wo bɛɛ la. Kɔnɔ min bi kuma-yogomɛ fɔla Allala Ni-Sɛnimɛ ma, a ma ti koto wo la.

Matiyu 6:12

Ma ara bila i la minnu na, i ni ma makoto wonu na iko male bɛrɛn bi wonu makotola nya min, minnu bara bila ma la.

Luka 7:42

Anu filɛ fenfen ma ke a sarala, woletɔ a ya anu filɛ bɛɛ to nyɔ. Filɛ wonu tɔ, yon si yili-makelelɛ keni ka tenbi a ta-nyɔgɛ la?”

Luka 7:48

Wo kɔma, Yisa ya a fɔ musi ye ko, “Ila hakɛnu ma ara koto.”

Kɛwɔlɛnu 13:38

“Nba, n na-kelen-nyɔgɛnu, wo dama ni a lɔn serr, ko Yisa si ke wo hakɛnu makotola. Musata tɔnnu ti ke wo bɔla wola hakɛ-yɔɔnyɛ rɔ. Wo ni a lɔn ko min bɛɛ dɛnkɛninyanɛ Yisa ma, wonu bara hɔrɔya hakɛ bɛɛ ma.

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Tɔn-Fɔɛ-Fila-Nyɔgɛ 7:10

Mari ti foo wo mɔgɛnu na minnu ma la ale la ka anu ban a la.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.

Hiburunu 12:29

ado mata Alla mani de iko tɛ min si fan bɛɛ mintan gburr!

Yasowa 24:19

Yasowa ya a fɔ Isirɛla mɔgɛnu ye ko, “Wo ti ke Mari Alla batola bawo a sɛnima, ado a ti sɔn a senɛ ma wo bolo. Ni wo bilara a la, a ti wo hakɛnu makoto.

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”