Bɔ-Koe-Iyipiti 34:5 - ALLALA KUMƐ

^5-6 Mari ya ala kumɛ latɔnbagaya. A yigira banda-fin-gbɛ wo rɔ ka tenbi Musa yakɔrɔ. A ya a sereka-tɔgɛ fɔ a ye ko, “Mari le nde la. Kinikini mansɛ le nde la. N ti diminya yona. Keninteyɛ waranɛ n tɔ. Telenbaga le nde la.

Bɔ-Koe-Iyipiti 34:5 ပူးပေါင်းရင်းမြစ်များ

Yaburi 102:21

A ya wo ma le alako wonu ni to a wara-koe fɔla Yerusalɛm soe burɔ. Wonu si to a matɔgɔla nyɔ.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Bɔ-Koe-Iyipiti 19:9

Mari ya a fɔ Musa ye ko, “N ba wuli kumala i ye tumɛ min, n si na i ma banda-finyɛ rɔ, woletɔ mɔgɛnu si wo yen ka n kuman-kan lamɔɛn. Wo si a ma, anu ni la i la burubukai!”

Bɔ-Koe-Iyipiti 23:21

Wo ni wo tolo masɔ melika wo la ka a kuman-kan bira. Wo kana murutiya a ma. Ni wo ya wo ma, a ti wo makoto muk, bawo a ye tala nde le gbɛ rɔ.

Bɔ-Koe-Iyipiti 33:19

Mari ko, “N si a ma, i ni nna gbiliyɛ yen tenbila i yakɔrɔ. N si n sereka-tɔgɛ lawasa i ye bi. Mari le nde la. Minna kinikinɛ wa don n tɔ, n si kinikini wo ma.

Bɔ-Koe-Iyipiti 33:9

Musa wa don Fani-Bɔn la tumɛ min, banda-fin-gbɛ si yigi ka sɔ Fani-Bɔn wo dɛ la. Fananta Mari anubɛ Musa ye kumala anu nyɔgɔn na, banda-fin-gbɛ wo ye nyɔ.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Yilan-Yilan Koe 11:17

N si ile Musa taran nyɔ. N ya nta Sɛnbɛ min di ile Musa ma, n si wo nyɔgɔn di mɔgɔ-ba wonu fanan ma. N ba ban nna Sɛnbɛ wo dila anu ma tumɛ min, anu si ke worɔ ka i dɛnbɛ dunɛ kɛnu bila. Wo le si a ma, ile kelan ti sɔ mɔgɔ-siyamɛ kɛnu yarɔ tun fɔ wobɛ mɔgɔ-ba kɛnu.”

Yilan-Yilan Koe 11:25

Mari nyɛrɛ yigira ata banda-fin-gbɛ rɔ ka kuma Musa ye. Marita Sɛnbɛ min nyɛrɛ ye Musa rɔ, a ya wo nyɔgɔ di mɔgɔ-ba wonu ma. Anu ya Marita Sɛnbɛ sɔrɔn nya min kawo, anu wulita kumala iko nɛbinu. Kɔnɔ anu ma mɛ wo kun na.

Yilan-Yilan Koe 12:5

Mari yigira ata banda-fin-gbɛ rɔ ka sɔ ata bɔn wo don-dɛ la. Mari ya Aruna anubɛ Miriyam kele. A ko, “Wo ni wo madon n na yan.” Anu nara tumɛ min,

Yilan-Yilan Koe 14:17

Mari, i yandi, n bi i madiyala. Ita sɛnbɛ yira ma la. I ni wo bɛɛsi ma iko i wara a rabɛn ma ye nya min fɔlɔ nun. Ile nyɛrɛ-nyɛrɛ le ya a fɔ nun ko,

Tɔn-Fɔɛ-Fila-Nyɔgɛ 32:3

N si Mari Alla tɔgɛ tanto. Ata mɔgɛnu si a tanto ata kabana-koela ko la.

1 Samuwɛli 3:18

Mari ya koe min bɛɛsi fɔ a ye, Samuwɛli ya wonu fɔ a ye. A ma ko-wo-ko dogon a ma. Samuwɛli ban wo fɔla, Ilayi ya a fɔ ko, “Mari le ale la. Ko-wo-ko diyara ale ye, a si wo ma.”