Bɔ-Koe-Iyipiti 34:31 - ALLALA KUMƐ

³¹ Wo kɔma, Musa ya Aruna anubɛ kun-tiginu kele tumɛ min, wonu tara a wara. Musa kumara anu ye.

Bɔ-Koe-Iyipiti 34:31 ပူးပေါင်းရင်းမြစ်များ

Ko-Dabirɛnu 45:15

Yusufu ye diyi-kɛ wo kun na, a ye a na-kelen-nyɔgɛnu kɔndɔnna ka anu sunbu. Wo kɔma, sikɛ bɔra a kɔrɔ wonu tɔ. Wo le ya a ma, anu kera kumala Yusufu la.

Ko-Dabirɛnu 45:3

Yusufu ya a fɔ a na-kelen-nyɔgɛnu ye ko, “Wo na-kelen-nyɔgɛ Yusufu le nde la. Ha bi, n fa ye a kɛndɛ la?” A na-kelen-nyɔgɛnu ma ke a yabila kamasɔrɔn anu kun ma ara tɛgɛ. Anu ma a lɔn nun ni Yusufu le.

Bɔ-Koe-Iyipiti 16:22

Kɔnɔ a tele wɔrɔ nyɔgɛ ma, denbaya-tigi bɛɛ ya tele fila dɔn-fan makɔ anuna denbayɛnu ye, pani-kunbɛ-nya fila, mɔgɔ kelen. Anu banta a makɔla tumɛ min, kebila-kunyɛ bɛɛ tara ka a fɔ Musa ye ko, “Ma ara dɔn-fen-siyamɛ kɛ makɔ. Ma si a ma kama?”

Bɔ-Koe-Iyipiti 3:15

“Ta a fɔ Isirɛla mɔgɛnu fanan ye ko nde, anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, kɔni, wo le ya i kilaya anu ma. N tɔgɛ le ‘N bi nya min, n bi wo nya na le.’ I ni a fɔ Isirɛla mɔgɛnu ye wo nya le ko min tɔgɛ NDE LE, wo le ara i kilaya anu ma. Nta habadan-tɔgɛ le wo la. N tɔgɛ wo si ma tamasere la kebilɛ bɛɛ ye.

Bɔ-Koe-Iyipiti 34:32

Woletɔ Isirɛla mɔgɛ bɛɛsi ya anu madon a la. Mari ya kumɛ min bɛɛsi fɔ Musa ye Sinayi kɔnkɛ kuma, a ya wo bɛɛsi latenbi mɔgɛnu ma.