Bɔ-Koe-Iyipiti 34:28 - ALLALA KUMƐ

²⁸ Musa tora Mari fɛ nyɔ su bi-nani, tele bi-nani. A ma fen dɔn. A ma yi min. Alla ya tɔn wonu sɛbɛ kuru-walan wonu ma, Tɔn Tan, kɔni.

Bɔ-Koe-Iyipiti 34:28 ပူးပေါင်းရင်းမြစ်များ

1 Mansɛnu 19:8

Nɛbi Ilaya ya a lasɔ tun ka fen dɔn. Wo le ya a ma, a ya sɛnbɛ sɔrɔn. Su bi-nani tele bi-nani, a ye tagamana ka ta Allata kɔnkɛ kuma, Sinayi, kɔni.

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 34:1

Mari ya a fɔ Musa ye ko, “I ni kuru-walan filɛ lɛsɛ iko a fɔlɔtɛ. I ya kuru-walan fɔlɔtɛ minnu tatii, nta kumɛ minnu sɛbɛnɛ wonu ma, n si wonu sɛbɛ kɛnu ma tun.

Bɔ-Koe-Iyipiti 34:10

Mari ko, “Mabɛ Isirɛla mɔgɛnu si lanyiri kiri ma nyɔgɔn tɛma bi. N si ko-makilannɛnu ma ila mɔgɛnu yala, kebi duninya danta min nyɔgɔn ma ma wɛ mɔgɛnu yala. N bi nala nta kabana-koe minnu mala wo ye, ita mɔgɛ minnu bi i fɛ, wonu bɛɛsi si wonu yen anu yɛ la.

Matiyu 4:2

Yisa ya tele bi-nani, su bi-nani bɔ tumɛ min a ma fen dɔn, kɔnkɛ ya a bira.

Luka 4:2

Tele bi-nani kɔrɔ, Setanɛ ya a magbɛrɛnkɛ nyɔ. Wati wo bɛɛ kɔrɔ, Yisa ma fenfen dɔn, woletɔ kɔnkɛ ya a bira bɛrɛkɛ!

2 Kɔrɛnti 3:7

Nɛbi Musa ya tɔn min sɛbɛ kuru-walan ma, wo nara sayɛ la a bolo. Kɔnɔ a dira mɔgɛnu ma tumɛ min, Allala gbiliyɛ bɔra gbɛ rɔ, ado Nɛbi Musa yakɔrɛ malanta ha Isirɛla mɔgɛnu ma ke anu yɛ gbangbanna a rɔ hali gbiliya-tamasere min bi malan-malanna a yakɔrɛ ma, wo kɔ fagara.

Tɔn-Fɔɛ-Fila-Nyɔgɛ 10:10

N ya su bi-nani ani tele bi-nani de bɔ kɔnkɛ kuma. Mari ya a wɔlɔ matɔlɔ nna madiyali-kɛ-kan la, woletɔ a ma wo faga.

Tɔn-Fɔɛ-Fila-Nyɔgɛ 10:5

N sɛgira n kɔma kilɛ la ka yigi kɔnkɛ kɔrɔ. N ya kuru-walan wonu sa kenkira-ladannɛ wo rɔ iko Mari ya a fɔ n ye nya min. Ha bi, anu bi nyɔ.

Tɔn-Fɔɛ-Fila-Nyɔgɛ 4:13

A ya a fɔ wo ye wo si ata sarama-kan bira nya min. A ya ata tɔn tan minnu sɛbɛ kuru-walan fila ma, wo ni wonu natɔnbagaya.

Tɔn-Fɔɛ-Fila-Nyɔgɛ 9:18

“Yisi-tinyɛ le ya a ma, n ya n maburun dugi ma ka Mari madiya su bi-nani tele bi-nani kɔrɔ. N ma fen dɔn hali ka n min bawo wola hakɛ ya a ma, Mari fonde bɔra wo kuma.

Tɔn-Fɔɛ-Fila-Nyɔgɛ 9:25

“N ya a yen min kɛ, Mari ye a sɛbɛ le la wo faga-koe la, n ya n maburun dugi ma Mari kɔrɔ su bi-nani tele bi-nani ka ale madiya.

Tɔn-Fɔɛ-Fila-Nyɔgɛ 9:9

Wobɛ Mari sarata min na, wo sɛbɛnɛ kuru-walannu ma. N tara kɔnkɛ kuma kuru-walan wonu bi tinɛ ka su bi-nani ani tele bi-nani le bɔ nyɔ. N ma fenfen dɔn hali ka n min.