Bɔ-Koe-Iyipiti 34:26 - ALLALA KUMƐ

²⁶ “Wo ni wola dɔn-fen kun-fɔlɛ, a kiri fɔlɔtɛ di nde, Mari Alla ma. “Wo kana baa-dan te a na kin-yi la.”

Bɔ-Koe-Iyipiti 34:26 ပူးပေါင်းရင်းမြစ်များ

Nihɛmaya 10:35

San-bo-san, ma si to nala mala dɔn-fen-kun-fɔlɛnu na Bato-Bɔn la.

Bɔ-Koe-Iyipiti 23:19

“San-bo-san, wo ni ta wola dɔn-fen-kun-fɔlɔ-hakikɛnu na nde, Mari Alla bato tinɛ. “Saga-den wo, baa-den wo, wo kana wonu do-wo-do te anu na kin-yi la.

Saraka-Masɔlɛnuta Tɔnnu 23:14

Mari ko ni ma ma atɛ fɔlɔn bɔ mala dɔn-fannu kun-fɔlɛ la, ma kana a bila ma dɛ rɔ, hali doni. A kuran le wo, a mintan de wo, a manɛ biredi la wo, a tenɛ de wo, ma kana a dɔn fɔ Maritɛ fɔlɔn ba bɔ a la. Mari ko habadan-tɔn le kɛ la min siginɛ ma kuma.

Yilan-Yilan Koe 15:20

Anu bi dɔn-fen-kun-fɔlɛ min tɛgɛla, anu si wo ma biredi la ka wo biredi-lɔngbɔn fɔlɔtɛ ma kɔ-fan la Mari ye. Anu si kɛ bi ka a don saraka-masɔlɛ bolo. Wo si a di a ma iko wo duruta dɔn-fen kɔ-fan dila a ma nya min.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

1 Kɔrɛnti 15:20

Kɔnɔ tonyɛ ye min na, Alla ya Kirasiti fɔlɔn nawuli ka bɔ furinu tɛma alako ka a yira ko minnu bɛɛsi ara saya, wonu fanan na si wuli,

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.

Tɔn-Fɔɛ-Fila-Nyɔgɛ 26:10

Woletɔ Mari ya dɔn-fen-kun-fɔlɛ min di ma ma, n bara na ntɛ la a ye.’ “Wo wa ban kumɛ kɛnu fɔla tumɛ min, wo ni dɔn-fen-kun-fɔlɛ wonu bi sendenu tɔ ka anu dantɛgɛ Mari ma a bato-koe la.

Tɔn-Fɔɛ-Fila-Nyɔgɛ 26:2

wo si wola dɔn-fen-kun-fɔlɛnu bi ka anu sa sendenu tɔ ka ta anu na kan-tina-kelan wo rɔ wota Mari Alla si na min yabɔ wo si a bato kan min.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!