Bɔ-Koe-Iyipiti 34:25 - ALLALA KUMƐ

²⁵ “Wo tenbi kolo-fen-sarakɛ dila nde ma tumɛ min, wo kana anubɛ biredi di nde ma nya-kun-kelen isiti ye min tɔ. Wo kana saraka-sogo-toe to ha sɔgɔma Kanan-Ko-Ladiyɛ kuma.

Bɔ-Koe-Iyipiti 34:25 ပူးပေါင်းရင်းမြစ်များ

Bɔ-Koe-Iyipiti 12:10

Yanni wo ni a dɔn, wo ni wola duruku-ba-wɛnu mayɛlɛ tagama-koe la, ka wola sanbarɛnu don wo kian rɔ. Wo ni wola sewuri bi. Wo tenbi soge dɔnna tumɛ min, wo ni wo lakaliya. Wo kana a toenu namara ha sɔgɔma. Kɔnɔ ni mintɛ toe kira, anu kana wo dɔn tun fɔ ka wonu mintan gburr! Nde, Marita Kanan-Ko-Ladiyɛ le kɛ la.”

Bɔ-Koe-Iyipiti 12:20

Wo kana biredi dɔn wo wati rɔ isiti ye min tɔ. Ni karɛ kɛ ya wo taran kan-bo-kan, wo ni to Biredi-Yɛlɛbɛlɛ wo Dɔn-Ladɛn kɛla.”

Bɔ-Koe-Iyipiti 12:8

Anu si soge wonu mintan ka anubɛ yanba-kun-kunanɛ donu dɔn anubɛ biredi-yɛlɛbɛlɛ suyi wo nyɛrɛ rɔ.

Bɔ-Koe-Iyipiti 23:18

“Isiti kenɛ fenfen tɔ, wo kana wonubɛ kolo-fen-sarakɛ di n ma anu nyɔgɔn fɛ. “Wo ye sarakɛ minnu bɔla ladɛn kɛnu tɔ, wo kana wonu kɛɛn namara ha sɔgɔma.

Bɔ-Koe-Iyipiti 29:34

Sogo wo, biredi wo, ni min toe tora ha sɔgɔma, anu ni wo mintan gburr! Wo kana a toe wo dɔn tun kamasɔrɔn a dantɛgɛra nde, Alla le ma.

Saraka-Masɔlɛnuta Tɔnnu 2:11

“Fenfen min si ma dɛgɛ-munke la, mɔgɔ tenbi wo mala sarakɛ la Mari ye, a kana isiti kɛ a rɔ. Mɔgɔ kana fenfen di Mari ma isiti ye min tɔ, ni wo ma, liyi.

Saraka-Masɔlɛnuta Tɔnnu 7:15

Saraka-soge min bi tola, anu si wo dɔn tele wo nyɛrɛ rɔ. Wo fenfen kana sigi ha sɔgɔma.

Yilan-Yilan Koe 9:12

Anu tenbi saga bosola tumɛ min, anu kana a kole rakeri. Anu tenbi a dɔnna fanan, anu kana a kole rakeri. Samani banda ni ka, anu ni wo bɛɛ dɔn. Anu kana fenfen to a dɔnbɛlɛ la.

Matiyu 13:33

Yisa ya tili-dogbɛrɛ tɛgɛ anu ye, a ko, “Alla min bi Arinyɛni tɔ, ata mansayɛ mani de iko biredi-yɛlɛ-fan. Musi ya doni bi ka a basan dɛgɛ-munke ku-musu kelen na ha a bɛɛ yɛlɛta.”

Tɔn-Fɔɛ-Fila-Nyɔgɛ 16:3

Wo si anubɛ biredi dɔn isiti sa min tɔ. Wo si to biredi wo dɔnna tele wɔrɔnfila kɔrɔ iko wo burimatoe ya a ma nya min wo tumɛ wo ye bɔla Iyipiti nyamanɛ rɔ. Wo si biredi kɛ kele tɔrɔya-biredi. Wo tenbi a dɔnna, wo si wo miri wo tele ma wo bɔra tɔrɔyɛ rɔ lunyɛ min.

Tɔn-Fɔɛ-Fila-Nyɔgɛ 16:4

Tele wɔrɔnfilɛ wo kɔrɔ, mɔgɔ-wo-mɔgɔ kana isiti lamara bɔn la. Wo ye kolo-fan min fagala tele wɔrɔnfilɛ kɛ a tele fɔlɔtɛ wurɛ la, wo ni a mumɛ dɔn wo su kelan rɔ.