Bɔ-Koe-Iyipiti 34:23 - ALLALA KUMƐ

^23-24 N ba ban sibolo-gbɛrɛnu gbenna wo yarɔ ka wola nyamanɛ lakoloya tumɛ min, kei bɛɛsi ni ta n bato tinɛ san-bo-san iko sawa. Wo tenbi ladɛn wonu tɔ tumɛ min, wo hɛnkili la ni tɛgɛ ko nde, Alla si a ma, wo yogenu ti wola nyamanɛ bi wo bolo wo kɔma kilɛ la.

Bɔ-Koe-Iyipiti 34:23 ပူးပေါင်းရင်းမြစ်များ

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ko-Dabirɛnu 33:20

Yakoba ya saraka-mintan-tinɛ sɔ nyɔ ka a tɔgɔ sa “Isirɛlata Alla Sɛnbɛ-Bɛɛ-Tigi Le.”

2 Ko-Kɔrɔta-Karan 8:13

Iko Nɛbi Musata tɔn ya a fɔ nya min, a tora saraka-mintantɛnu bɔla tele-sɛnimɛnu ma, a Sulen-Tele wo, a Karɛ-Kurɛ-Ladɛn wo, a Biredi-Yɛlɛbɛlɛ-Dɔn-Ladɛn wo, a Dɔn-Fen-Kun-Fɔlɛ-Ladɛn wo, anubɛ a Lele-Sɔɛ-Ladɛn.

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Bɔ-Koe-Iyipiti 23:14

“San-bo-san, wo ni ladɛn-belebele sawɛ kɛnu kɛ n ye.

Bɔ-Koe-Iyipiti 23:17

“Kei bɛɛsi ni ta nde, Mari Allata ladɛn sawɛ kɛnu tɔ ka nde, Mari Sɛnbɛ-Bɛɛ-Tigi bato.

Isikiyɛli 46:9

“Mɔgɛnu ba na Mari bato-tinɛ ladiya-wo-ladiya rɔ, minnu ba don kantɔ-tenbi-bolɔn la, wonu si bɔ dugula-tenbi-bolɔn la. Minnu ba don dugula-tenbi-bolɔn la, anu ba ban batoli kɛla, wonu si bɔ kantɔ-tenbi-bolɔn le la. Mɔgɔ-wo-mɔgɔ ti bɔ a gbere fɛ a donta kan min.

Tɔn-Fɔɛ-Fila-Nyɔgɛ 16:16

“Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn

1 Samuwɛli 1:3

San-bo-san, Ɛlakena si bɔ Rema ka ta Mari Sɛnbɛ-Bɛɛ-Tigi bato tinɛ Sailo soe burɔ ka sarakɛnu bɔ a ye nyɔ. Wo wati rɔ, Saraka-Masɔla-Kun-Tigi-Wɛ Ilayita den kemini filɛ Hɔfini anubɛ Finihasi taranta saraka-masɔ-wɔli kɛla nyɔ Mari ye.