Bɔ-Koe-Iyipiti 34:16 - ALLALA KUMƐ

¹⁶ Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Bɔ-Koe-Iyipiti 34:16 ပူးပေါင်းရင်းမြစ်များ

Ko-Dabirɛnu 24:3

ka i keli n ye Mari Alla yala min ya san-kole anubɛ dugu-kole dan, ni i si na Kenan dunmusi do nyini nna dan ye ma siginɛ minnu tɛma yan kaka.

1 Mansɛnu 11:1

Hali Iyipiti mansɛla dunmusi bɔnɛ a la, nyamani-gbɛrɛkɛ-dunmusinu diyara Mansa Silamɛni ye. Woletɔ a ya dunmusi donu furu ka bɔ Mohabu anubɛ Saidon anubɛ Amon anubɛ Idɔm nyamanɛnu tɔ. A ya Hɛtinuna dunmusi donu furu fanan.

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

2 Ko-Kɔrɔta-Karan 21:11

Mansa Yɛhoram kɛ ya bɛsi-kɔ-tinɛnu nadan Yuda kɔnkɔ-nyamanɛ rɔ. A sɔra Yuda kɛnu anubɛ Yerusalɛm kɛnu yarɔ ka hakɛ kɛ Mari la.

Ɛsira 9:12

Nɛbi wonu ya a fɔ ma ye ko furu-nyɔgɔnya kana don mabɛ mɔgɛ kɛnu tɛma. Anu ko, ni a sɔgɛ ye ma la, ma ni nyamanɛ kɛ diya bɔ, ma kana mɔgɛ kɛnu dɛnbɛ yarɔma-tɛ rɔ. Anu ko ni ma ma wo ma, ma ti ke nyamanɛ kɛ mala ma kegeyɛnutɛ la.

Ɛsira 9:2

Isirɛla keinu bi musinu furula sibolo-gbɛrɛ kɛnu tɔ. Anu ya wo ma min kɛ, wo le wara a ma, male Allata mɔgɛnu na ara tinya, ado kun-tiginu anubɛ mɔgɔ-banu denu fɔlɔn ya ko-yogomɛ-kɛ dabira.”

Nihɛmaya 10:30

Furu-nyɔgɔnya ti don mabɛ sibolo-gbɛrɛnu tɛma tun.

Nihɛmaya 10:31

Ka tenbi wo la, ni anu nara fui-fan la, ni wo ma, fen-gbɛrɛkɛ a mayira-koe la Sulen-Tele ma anubɛ tele-sɛnimɛ do ma, ma ti sɔn anu sanna mumɛ! San-wɔrɔ wo san-wɔrɔ, a wɔrɔnfila nyɔgɛ ma, ma si a ma, mala wɔli-kɛ-tinɛnu ni anu sulen. San wo nyɛrɛ la fanan, tɔn si sigi yili-makele-koe la ma nyɔgɔn tɛma.

Nihɛmaya 13:23

Wati kelan wo rɔ, n ya a taran, Yahudiya donu bara sibolo-gbɛrɛkɛ-musinu furu Asadadi soe burɔ anubɛ Amonnu tɔ anubɛ Mohabu mɔgɛ donu tɔ.

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Yaburi 106:39

Anu kɛ-nya ya anu natinya, ado anu denu ma telen Alla ye.

Hoseya 1:2

Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”

Saraka-Masɔlɛnuta Tɔnnu 21:15

Kɔnɔ ni a ya musi sufa kɛnu furu, anu bi dan min sɔrɔnna, wonu ti sɛninya Mari yala. A bɛnta, anu ni ma mɔgɔ-sɛnimɛnu na Mari yala. Mari le ya ale yabɔ ka a sɛninya a nyɛrɛ ye ka ma saraka-masɔla-kun-tigi-wɛ la.

Yasowa 23:12

“Kɔnɔ ni wo ya wo bɔ wota Mari fɛ ka kofu sibole wonu ma minnu bara to wo tɛma ka anu ma wo furu-nyɔgɛnu na,

Yasowa 23:13

wo ni la a la worɔ serr, ko wota Mari Alla ti mɔgɛ kɛnu gben wo yarɔ mumɛ! Wo si ma ko-yogomɛ la wo ye iko gbɛrɛ, ni wo ma, iko dugu-denkɛ. A si gbɛlɛya wo kuma iko anu tenbi wo gbesila bosɛ la. A si wo dumɛ iko wɔnɛ tenbi wo yɛ rɔ. Wo si to tɔrɔyɛ rɔ ka le, ha wo dama si ban wola nyamani-hakikɛ kɛ rɔ mata Mari Alla ya min di wo ma.

Kɛlɛ-Kurugbɛnu 14:3

A fa anubɛ a na ya a fɔ a ye ko, “Ile ma musi nyini i na-kelen-nyɔgɛnu tɛma, fɔ i ni ta Filisiti-kemininyabɛlɛ wonu barɛ musi nyini tinɛ?” Samsin ya a fɔ a fa ye ko, “A sɔgɛ ye n na, wo ni wo le furu nde ye bawo wo lela ko di n ye.”

Kɛlɛ-Kurugbɛnu 3:5

Woletɔ Isirɛla mɔgɛnu sigini tora sibolo-gbɛrɛ kɛnu tɛma, Kenan kɛnu wo, Hɛtinu wo, Amoranu wo, Perasanu wo, Hefanu wo, anubɛ Yebusinu.

Kɛlɛ-Kurugbɛnu 3:6

Anu ma anu halaki fɔ ka anu ma anu furu-nyɔgɛnu na. Isirɛla keminɛnu ya anuna dunmusinu furu. Anu denu fanan ya Isirɛla mɔgɛnuna dunmusinu furu. A ma mɛ lefan, Isirɛla mɔgɛnu bilara anuta bɛsi-kɔ-koenu tɔ.

Kɛlɛ-Kurugbɛnu 8:27

Kidiyɔn ya sɛnɛ wonu nalee ka a ma fɔlɔnfalan-kundi la. A tara wo la a warɛ Ɔfara soe burɔ. Isirɛla mɔgɔ damasi ya hakɛ kɛ ka don sɛnɛ-fɔlɔnfalan-kundi wo batoe rɔ. Sɛnɛ min manɛ fɔlɔnfalan-kundi wo la, wo mara gbɛrɛ la Kidiyɔn anubɛ ala denbayɛ ye.