Bɔ-Koe-Iyipiti 34:13 - ALLALA KUMƐ

¹³ Yanni wo ni wo ma, wo ni anuna saraka-mintan-tinɛnu tinya. Anu bi kuri minnu kɔla, wo ni wonu takerikeri. Anu bi anuna bɛsɛ min kelela Asura, wo ni wo tinya.

Bɔ-Koe-Iyipiti 34:13 ပူးပေါင်းရင်းမြစ်များ

1 Mansɛnu 14:15

Mari ko a si Isirɛla mɔgɛnu tɔrɔ. Anu ni to magala tɔrɔyɛ bolo iko binyɛ min bi yi rɔ. Mari ko bawo anu bara Asura bɛsɛ ladan musila muninyɛ la, wo ara a ladiminya. Wo le ye a mala, a ya ata dugu-hakikɛ min di anu benbanu ma, a si anu gben nyɔ rɔ. A si anu gben ka anu fui Yufereti bɛ-kɔgɔmɛ rɔ.

2 Mansɛnu 10:27

Anu ya Beyali anubɛ a kɔ tinɛ wo nyɛrɛ tinya ka le. Anu ya kɔ tinɛ wo nyɛrɛ ma bo-kɛ-tinɛ la ha bi.

2 Mansɛnu 18:4

A ya Alla-batobɛlɛnuna bɛsi-kɔ-tina-mayɛlɛnɛnu tinya. A ya anuna kuru-lɛsɛnɛnu takerikeri. Anu ya kɔlɔma minnu lɛsɛ musila muninyɛ la ka a tɔgɔ sa Asura, a ya wonu tatɛgɛtɛgɛ. Hali wo, Musa ya silɛɛ min nadan duguma-fanla muninyɛ la, anu ya wo kele “Nɛhusitan.” Mansa Hɛsakaya ya wo fanan tinya bawo mɔgɛnu bara wo ma anuna bɛsɛ do la ka isɛnti mintan a ye.

2 Mansɛnu 23:14

Mansa Yosaya ya kuru-lɛsɛnɛ wonu takerikeri. Wo kɔma, anuna bɛsɛ min tɔgɛ Asura, a ya wo fanan takeri. Wo kɔma, a ya kan tinɛ wo yamatogon mɔgɔni-gbu-kolenu na.

2 Ko-Kɔrɔta-Karan 14:3

Alla-lɔnbɛlɛnuna saraka-mintan-tinɛnu wo, a bɛsi-kɔ-tina wo, a kuru-lɛsɛnɛ wo, anubɛ kɔlɔma minnu lɛsɛnɛ anuna bɛsi Asurala muninyɛ la wo, Mansa Esa ya wo bɛɛsi tinya.

2 Ko-Kɔrɔta-Karan 15:16

Mansa Esa ya a mama Meyaka bɔ musu-mansayɛ la bawo a ya kɔlɔma lɛsɛ musila muninyɛ la min tɔgɛ Asura, ado wo mamilita. Mansa Esa ya bɛsɛ wo ratɛgɛtɛgɛ ka a mintan Kidirɔn yi-dɛ la.

2 Ko-Kɔrɔta-Karan 17:6

A sewara Mari bato-koe la. A ya Alla-batobɛlɛnuna bɛsi-kɔ-tinɛnu tinya. Bɛsɛ min tɔgɛ Asura, a ya wola muninyɛ bɛɛ tinya Yuda nyamanɛ rɔ.

2 Ko-Kɔrɔta-Karan 24:18

Mɔgɛnu ya anu ban anu benbanuta Mari Alla bato-koe ma Bato-Bɔn wo la. Anu donta bɛsi-kɔ-koe rɔ anubɛ bɛsɛ min nadannɛ musila muninyɛ la anu bi min kelela Asura. Ka a tɛgɛ anu sɔn-yogomɛ wola ko ma, Alla fonde bɔra Yerusalɛm so-burɔ-mɔgɛnu anubɛ Yuda nyamanita-mɔgɛnu kuma.

2 Ko-Kɔrɔta-Karan 31:1

Ladɛn wo kanɛ a la, Isirɛla mɔgɛ bɛɛ tara Yuda nyamanɛ soenu tɔ ka bɛsi-kɔ-tinɛnu tinya. Kɔlɔma minnu lɛsɛnɛ bɛsi-musila muninyɛ la, anu ya wonu tatɛgɛtɛgɛ. Bɛsi wo tɔgɛ le ko, “Asura.” Kuri-lɛsɛnɛnu fanan, anu ya wonu tatiitii. Anu tara wo le sufa ma Bɛnyamɛ anubɛ Ifɛrɛm anubɛ Manasa bɔnsɔn-mɔgɛnu barɛnu tɔ. Anu ban bɛsɛ wonu tinyana, bɛɛ sɛgira a warɛ.

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

Bɔ-Koe-Iyipiti 23:24

Wo kana mɔgɛ wonuna bɛsɛnu kɔ. Wo kana wɔlɛ kɛ anuna bɛsɛnu ye. Wo kana sibole wonu kɛ-nya bi, fɔ anu bi anuna kuri minnu kɔla, wo ni anuna bɛsɛ wonu halaki pɔɔ, ka wonu takerikeri.

Aiseya 17:8

Anu ya saraka-mintan-tinɛ minnu nadan anu bole la, anu si tɛgɛ wonu tɔ kasikasi! Anuna bɛsi-musi min tɔgɛ Asɛra anubɛ wola isɛnti mintan tinɛnu, anu hayu ti taran wonu na tun!

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Yɛrɛmaya 17:2

Hali wola dannu yili ti bɔ bɛsi-kɔ-tinɛnu ko, ado anu ti nyina wola bɛsi Asura fanan ko. Wola bɛsɛ minnu bi kɔlɔma-kuru-wɛnu kɔrɔ, anu yili ti bɔ wonu ko, ado hali minnu bi kɔnkɔ-layan-bɛnu kuma, anu yili ti bɔ wonu fanan ko.

Maika 5:14

Mari ko a si wola soenu tinya. Wo kɔma, a si wola bɛsɛnu tinya minnu tɔgɛ Asura, wo ya minnu nadan wo bole la musila muninyɛ rɔ, kɔni.

Yilan-Yilan Koe 33:52

wo ni a mɔgɛ bɛɛsi gben ka anu bɔ nyɔ feufeu! Anuna kuru-malɛsɛnɛnu anubɛ anuna nɛgɛ-ladannɛ minnu manɛ anuta bɛsɛnu na, wo ni wonu nakerikeri ka anu tatii. Wo ni anuta bɛsi-kɔ-tinɛnu fanan tinya.

Tɔn-Fɔɛ-Fila-Nyɔgɛ 16:21

“Wo wa saraka-mintan-tinɛ ladan wota Mari Alla ye tumɛ min, wo kana wo gbɛrɛn kɔlɔma-malɛsɛnɛ wo ma min tɔgɛ Asura min malɛsɛnɛ musila muninyɛ la.

Tɔn-Fɔɛ-Fila-Nyɔgɛ 16:22

Wo kana kuru-lɛsɛnɛ donu ma wota bɛsɛnu na. Wo sufanu ma di wota Mari Alla ye dɛɛ!”

Tɔn-Fɔɛ-Fila-Nyɔgɛ 7:5

Woletɔ wo ni anuna saraka-mintan-tinɛnu wayan ka anu tanyɛnsɛn. Anu bi kuru-lɛsɛnɛ minnu kɔla, wo si wonu tatii. Anuna kɔlɔma minnu muninyanɛ anuna bɛsi-musumɛ la min tɔgɛ Asura, wo ni wonu tɛgɛ ka anu mintan.

Kɛlɛ-Kurugbɛnu 2:2

N ya a fɔ fanan ko wo kana lanyiri kiri mɔgɔ-wo-mɔgɔ ye yan fɔ ka anuna bɛsɛnu tinya pɔɔ! Kɔnɔ kaka, wo ara a yen wo ara min ma, wa? Wo ara n kuman-kan tinya.

Kɛlɛ-Kurugbɛnu 6:25

Suyi wo nyɛrɛ rɔ, Mari ya a fɔ Kidiyɔn ye ko, “Ta i fala san-wɔrɔnfila-turɛ bi. I ni ta a la i fala bɛsɛnu dafɛ. Wo kɔma, i fa ya bɛsi-kɔ-tinɛ min sɔ Beyali ye, i ni wo tinya. Ala kɔlɔma malɛsɛnɛ min tɔgɛ Asura, i ni ta wo fanan tatɛgɛtɛgɛ.

Kɛlɛ-Kurugbɛnu 6:26

I ni saraka-mintan-tina-hakikɛ ladan saraka-mintan-tina-kɔrɛ wo kuma nde, Mari Alla ye ka i fala turɛ wo mintan nyɔ kuma. I ni Asura kɔlɔma kundi-kundi wonu bi ka wonu ma sarakɛ wo mintan fan la.”