Bɔ-Koe-Iyipiti 34:11 - ALLALA KUMƐ

¹¹ N bi min bɛɛsi fɔla wo ye bi, wo ni wonu ma. N si Amoranu anubɛ Kenannu anubɛ Hɛtinu anubɛ Perasanu anubɛ Hefanu anubɛ Yebusinu gben wo yarɔ.

Bɔ-Koe-Iyipiti 34:11 ပူးပေါင်းရင်းမြစ်များ

1 Ko-Kɔrɔta-Karan 1:14

Kenan kegeyɛ fanan do le Yebusinu wo, Amoranu wo, Kagasanu wo,

Nihɛmaya 13:23

Wati kelan wo rɔ, n ya a taran, Yahudiya donu bara sibolo-gbɛrɛkɛ-musinu furu Asadadi soe burɔ anubɛ Amonnu tɔ anubɛ Mohabu mɔgɛ donu tɔ.

Bɔ-Koe-Iyipiti 23:28

N si a ma, anu kun ma ni kɔ wo yarɔ. N si to Hefanu anubɛ Kenannu anubɛ Hɛtinu gbenna wo yarɔ

Bɔ-Koe-Iyipiti 3:17

N si anu nabɔ Iyipiti tɔrɔyɛ rɔ ka ta anu na Kenan nyamanɛ wo le tɔ, bɔnsɔn kɛnu siginɛ kan min, Kenannu wo, Hɛtinu wo, Amoranu wo, Pɛrasanu wo, Hɛfanu wo, anubɛ Yɛbusinu. Wonu bɛɛsi siginɛ Kenan nyamanɛ wo le tɔ. Nyamani-diyamɛ le nyɔ la.”

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Bɔ-Koe-Iyipiti 33:2

N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ.

Bɔ-Koe-Iyipiti 8:27

Ma si tele sawa tagama kɛ ka ta wulɛ rɔ ka sarakɛ bɔ mata Mari Alla ye iko a ya a fɔ ma ye nya min nun.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Yɔni 14:21

Minnu ba nna kumɛ bira ka to a kɛla, n di wonu denu ye, ado wonu si diya n Fa Alla ye fanan. Anu si diya nde ye ka n nyɛrɛ yira anu na.”

Tɔn-Fɔɛ-Fila-Nyɔgɛ 12:28

N bara tɔn kɛ minnu fɔ wo ye kɛ la, wonu biranɛ ni to wo bolo tuma-wo-tuma. Ni wo ya wo ma, koe bɛɛ si ta a kilɛ fɛ wobɛ wo mamanɛnu ye bawo wo ye ko-telennɛ ladanna. Mari si sewa wo la worɔ.

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 28:1

Musa ya a fɔ Isirɛla mɔgɛnu ye ko, “Ni wo ya wota Mari Alla kuman-kan latɔnbagaya ka ata tɔnnu bira iko n bara min di wo ma kɛ la bi, a si a ma, wo ni sɛnbɛ sɔrɔn ka tenbi sibolo-toenu na duninya rɔ.

Tɔn-Fɔɛ-Fila-Nyɔgɛ 33:27

Alla le wo dɛnbɛnɛ la kɛlɛ rɔ. Wo ye wo gbɔnkunna a rɔ. A ye wo kɔrɔbila. Wo tenbi tala, a ye wo yogenu gbenna wo yarɔ alako wo ni anu faga.

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 5:32

Musa ya a fɔ anu ye tun ko, “N ya a fɔ wo ye ko ni wota Mari Alla ya fenfen fɔ wo ye, wo ni kɛwɔlɛ kɛ wo la. Wo kana tɔn kɛ do-wo-do masɔsɔ.

Tɔn-Fɔɛ-Fila-Nyɔgɛ 6:25

Ni ma tora latelan rɔ Mari ye ka tɔn bɛɛsi bira, ma si ma a yala telenbagɛnu na worɔ.’ ”

Tɔn-Fɔɛ-Fila-Nyɔgɛ 6:3

Wole Isirɛla mɔgɛnu, ni wo si tɔn kɛnu lɔn de a kila-bɛrɛbɛrɛ fɛ ka anu bira, koe bɛɛ si ta a kilɛ fɛ ka diya wo la. Wo bɔnsɔn si siyaya nyamani-hakikɛ wo rɔ iko wo benbanuta Alla kɛ ya lanyiri kiri anu ye nya min nun.

Tɔn-Fɔɛ-Fila-Nyɔgɛ 7:19

Wo ni wo miri tɔrɔya siyamɛ wonu ma Mari ya min sigi anu ma wo fanu yala. Wota Mari Alla ya ata kabana-koenu anubɛ ata fanka mayira ka wo kunka. A ya Iyipiti mɔgɛnu kasara nya min, wo kilannɛ Kenan nyamanita-mɔgɛ minnu na, a si wonu fanan kasara wo nya na le.

Yasowa 23:5

Wota Mari Alla si wo yogenu gben wo yarɔ minnu siginɛ nyɔ. Anuta nyamanɛ kɛ bɛɛ si ma wotɛ la iko Mari ya lanyiri kiri ma ye nya min.