Bɔ-Koe-Iyipiti 34:10 - ALLALA KUMƐ

¹⁰ Mari ko, “Mabɛ Isirɛla mɔgɛnu si lanyiri kiri ma nyɔgɔn tɛma bi. N si ko-makilannɛnu ma ila mɔgɛnu yala, kebi duninya danta min nyɔgɔn ma ma wɛ mɔgɛnu yala. N bi nala nta kabana-koe minnu mala wo ye, ita mɔgɛ minnu bi i fɛ, wonu bɛɛsi si wonu yen anu yɛ la.

Bɔ-Koe-Iyipiti 34:10 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

Yaburi 106:22

A ya kabana-ko-siyaman ma nyɔ, ado a ya ko-nyima-belebele ma Kɔgɔ-Yi-Wulan la!

Yaburi 136:4

Ale le kelen pe si ke kabana-koenu nadanna. Ala keninteyɛ dan sa.

Yaburi 145:6

Mɔgɛnu si ila ko-makawanɛnu bara-koe fɔ. Nde nyɛrɛ si ila bonya wara-koe rakaran.

Yaburi 147:20

A ma wonu fenfen di sibolo-gbɛrɛnu ma. Wonu ma ala sereya do-wo-do lɔn. Ma ni Mari tanto!

Yaburi 65:5

Ma ya a lɔn ko i ye mala madiyalɛnu yabila bawo ma ye nɔlɛ sɔrɔnna ma yogenu kuma. I ye kabana-koenu nadanna ma ye alako ma si kisi nya min. Duninya-mɔgɛ bɛɛ lanɛ ile la, hali minnu bi kɔgɔ-yi kɔma.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 66:5

Wo na, wo ni a yen Alla ara min ma. A ara min kɛ hadama-dannu tɛma, wo makawara.

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Yaburi 72:18

Ma si Isirɛlata Mari Alla tanto. Ale le kelen pe ye kabana-koe kɛ dama mala.

Yaburi 76:12

A ye kun-tigi-wasinɛnu famayigila. A ye mansa-makawanɛnu kumakɔla.

Yaburi 77:14

Ile le ye Alla wo la min si kabana-koenu kɛ. I ya i nyɛrɛta sɛnbɛ yira sibolo-gbɛrɛnu na.

Yaburi 78:12

Ma benbanu yɛ bɛnnɛ Alla ma tumɛ min, a ya ata kabana-koenu ma. A ya wonu ma Sowan gbɛkole rɔ Iyipiti nyamanɛ rɔ.

Bɔ-Koe-Iyipiti 34:27

Mari ya a fɔ Musa ye ko, “I ni nta kumɛ kɛnu sɛbɛ kamasɔrɔn n bara lanyiri min bɛɛsi kiri mabɛ Isirɛla mɔgɛnu tɛma bi, wo bɛɛ ye tɔn kɛnu tɔ.”

Bɔ-Koe-Iyipiti 34:28

Musa tora Mari fɛ nyɔ su bi-nani, tele bi-nani. A ma fen dɔn. A ma yi min. Alla ya tɔn wonu sɛbɛ kuru-walan wonu ma, Tɔn Tan, kɔni.

Aiseya 64:3

Ma ara tɛrɛna koe donu na ile Mari bolo, ma miri sa minnu ma. I yigira tumɛ min, kɔnkɛnu yɛrɛyɛrɛnta kumakɔɛ bolo.

Yɛrɛmaya 32:21

I wara anu yogenu kumakɔ ita kabana-koenu na. I ya ma benbanu nabɔ ita fanka le la Iyipiti nyamanɛ rɔ.

Maika 7:15

Mari, i yandi, i ni ko-makawanɛ kɛ ma ye iko i ya a ma mala mɔgɛnu ye nya min nun anu bɔɛ Iyipiti nyamanɛ rɔ.

Tɔn-Fɔɛ-Fila-Nyɔgɛ 10:21

Wo ni a tanto bawo ale le wota Mari Alla la. A ya kabana-ko-wɛ minnu kɛ wo ye, wo ara wonu yen wo nyɛrɛ yɛ la.

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Tɔn-Fɔɛ-Fila-Nyɔgɛ 4:13

A ya a fɔ wo ye wo si ata sarama-kan bira nya min. A ya ata tɔn tan minnu sɛbɛ kuru-walan fila ma, wo ni wonu natɔnbagaya.

Tɔn-Fɔɛ-Fila-Nyɔgɛ 9:19

Marila diminyɛ ara a ma, n bara kilan dɔgɔma-ma-de! A fonde bɔra ha a sɔgɛ ya a bira ka wo damasi faga tɛrr! Kɔnɔ Mari ya a wɔlɔ matɔlɔ nta madiyali-kɛ-kan la.

Yasowa 6:20

Saraka-masɔlɛnu ya burinu fɛ. Isirɛla mɔgɛnu ya wo lamɔɛn tumɛ min, anu gbele-gbelenta wɛ kɛ. Tarɛ buira fugbu!