Bɔ-Koe-Iyipiti 33:9 - ALLALA KUMƐ

⁹ Musa wa don Fani-Bɔn la tumɛ min, banda-fin-gbɛ si yigi ka sɔ Fani-Bɔn wo dɛ la. Fananta Mari anubɛ Musa ye kumala anu nyɔgɔn na, banda-fin-gbɛ wo ye nyɔ.

Bɔ-Koe-Iyipiti 33:9 ပူးပေါင်းရင်းမြစ်များ

Ko-Dabirɛnu 17:22

Alla banta kumala Iburayima ye tumɛ min, a bɔra a fɛ.

Ko-Dabirɛnu 18:33

Mari banta kumala Iburayima ye tumɛ min, a tara. Iburayima sɛgira a warɛ bɔn la.

Yaburi 99:7

A kumara anu ye banda-fin-gbɛ rɔ. Mari ya tɔn anubɛ sereya minnu di anu ma, anu ya wonu bira.

Bɔ-Koe-Iyipiti 25:22

Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 33:10

Mɔgɛnu ba banda-fin-gbɛ wo sɔnɛ yen Fani-Bɔn wo dɛ la tumɛ min, mɔgɔ kelen-kelennamɛ-bɛɛ si anu madu anuna fani-bɔnnu don-dɛ la.

Bɔ-Koe-Iyipiti 33:11

Mari si kuma Musa ye iko mɔgɔ si kuma a ta-nyɔgɛ ye nya min. Ale si bɔ nyɔ ka sɛgi dagɛ rɔ tun kɔnɔ a dɛnbɛni-kɛlɛ, Nunna den-kei Yasowa, wo ti bɔ Fani-Bɔn wo burɔ.

Bɔ-Koe-Iyipiti 33:8

Musa wa wuli bɔla ka ta Mari Labɛn Tinɛ wo rɔ, Isirɛla mɔgɛ bɛɛ si sɔ anuna fani-bɔn don-dɛnu na ka to Musa mafɛlɛnna ha a si don Marita Fani-Bɔn wo burɔ.

Bɔ-Koe-Iyipiti 34:3

Mɔgɔ-wo-mɔgɔ kana yɛlɛ i fɛ hali ka taran kɔnkɛ bu la. Hali wola kolo-fannu kana anu de-nyini kɔnkɛ kɛ kɔrɔ.”

Bɔ-Koe-Iyipiti 34:5

Mari ya ala kumɛ latɔnbagaya. A yigira banda-fin-gbɛ wo rɔ ka tenbi Musa yakɔrɔ. A ya a sereka-tɔgɛ fɔ a ye ko, “Mari le nde la. Kinikini mansɛ le nde la. N ti diminya yona. Keninteyɛ waranɛ n tɔ. Telenbaga le nde la.

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Isikiyɛli 3:22

N ya Marita Sɛnbɛ sɔrɔn tun. A ya a fɔ n ye ko, “I lasɔ. I ni ta lɛɛ rɔ. N si kuma i ye nyɔ.”

Yilan-Yilan Koe 11:17

N si ile Musa taran nyɔ. N ya nta Sɛnbɛ min di ile Musa ma, n si wo nyɔgɔn di mɔgɔ-ba wonu fanan ma. N ba ban nna Sɛnbɛ wo dila anu ma tumɛ min, anu si ke worɔ ka i dɛnbɛ dunɛ kɛnu bila. Wo le si a ma, ile kelan ti sɔ mɔgɔ-siyamɛ kɛnu yarɔ tun fɔ wobɛ mɔgɔ-ba kɛnu.”

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 31:15

Mari ya a nyɛrɛ yira anu na banda-fin-gbɛ rɔ min dunnɛ Marita Fani-Bɔn don-dɛ dafɛ.