Bɔ-Koe-Iyipiti 33:22 - ALLALA KUMƐ

²² Yanni nna gbiliyɛ ni tenbi i la, n si i layigi fara-woe rɔ. N si n bole burun i kuma ha n ni ban tenbila.

Bɔ-Koe-Iyipiti 33:22 ပူးပေါင်းရင်းမြစ်များ

1 Mansɛnu 19:9

A ke Sinayi kɔnkɛ kuma, a tara ki faran do la. A ma mɛ, Mari ya a fɔ a ye ko, “Ilaya, i ye nfen mala yan tɔ?”

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 91:1

Ni min bi tala Mari wara a lakanan-koe la, ni min bi tola Alla Sɛnbɛ-Bɛɛ-Tigita latankɛ kɔrɔ,

Yaburi 91:4

A si a kanbannu burun i kuma. A kanbannu si i lakanan. Ata lanayɛ, wo le ye i lakisila.

Keninteya-Siginu 2:3

Ile mani de kemini-mɛsɛnu tɛma n yala iko kura-kɔn min bi gbɔngbɔn rɔ. I ninɛ-lasigi di. I gbɔɛ fanan dɔn di i kɔrɔ.

Aiseya 2:21

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu sɛbɛ donnɛ ka anu dogon Marita sɛnbɛ anubɛ gbiliyɛ kɔrɔ.

Aiseya 32:2

Anu kelen-kelennamɛ-bɛɛ si ma iko toge min si mɔgɛnu tanka bandɛ anubɛ fɔnyɔ ma. Wonu si ma iko yi-kimɛ dugu-ragbalanɛ rɔ. Anu si ma iko fara-gbilɔn-bɛ-ninɛ dugu-fafanɛ rɔ.

Aiseya 49:2

A ya nna kumɛnu dɛ lasa iko faan. A ya n yamasansan a kɔɛn la. A ya n ma iko kalabɛn-nasulennɛ. A ya n namara iko kalabɛn tenbi a sa-bɔrɛ rɔ.

Aiseya 51:16

Ale le ya san-kole rafulen ka dugu-kole kurukɛ. Ale le ya a fɔ Yerusalɛm kɛnu ye ko ata mɔgɛ le anu na. A ko a ara ala karan don anu bolo ka anu kumafunfan a kɔɛn la.

1 Kɔrɛnti 10:4

Anu dama ya yi kelan min, Alla ya min nabɔ farɛ rɔ, ado Kirasiti nyɛrɛ le farɛ wo la min bilara anu fɛ.

2 Kɔrɛnti 5:19

Ma ye a fɔla mɔgɛnu ye ko Alla ara mɔgɛ bɛɛ ma a diyana-mɔgɛ la Kirasiti baraka rɔ. Alla ti a miri anu hakɛ ma tun. A ya anu ma a diyana-mɔgɛ la nya min, a ara wo kumɛ di ma ma ka wo lake mɔgɛnu ma.

Tɔn-Fɔɛ-Fila-Nyɔgɛ 33:12

Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”