Bɔ-Koe-Iyipiti 33:21 - ALLALA KUMƐ

²¹ Mari ko, “I yɛ lana yan. Na i sɔ farɛ kɛ kuma.

Bɔ-Koe-Iyipiti 33:21 ပူးပေါင်းရင်းမြစ်များ

1 Mansɛnu 19:9

A ke Sinayi kɔnkɛ kuma, a tara ki faran do la. A ma mɛ, Mari ya a fɔ a ye ko, “Ilaya, i ye nfen mala yan tɔ?”

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 18:46

Ale Mari ye nyɔ. Nta farɛ le ale la min si n kandan. Ale Alla min makawara, min ya n nakisi, a bɛnta, n ni ale matɔgɔ!

Yaburi 27:5

N tenbi tɔrɔyɛ rɔ, a si n nakanan. A si n nakanan ata Bato-Bɔn la. A si n sigi fara-kolo-wɛ kuma n si kisi kan min.

Yaburi 61:2

Hali n fɛ-yan n barɛ la, ado n bi yisi-tinyɛ rɔ, n si i tɔgɛ rakele. Ta n na kan-tina-latankanɛ rɔ

Yaburi 62:7

Nna kisi-koe anubɛ nna gbiliyɛ bɛɛ tonɛ ile le ma. Nna tankala-gbengben le Alla la. Nna ninɛ le ale la.

Aiseya 56:5

a si a ma, a tɔgɛ ti tunu Bato-Bɔn la. Gbiliyɛ wo fisa a ye dan ko. A si tɔgɛ di a ma min ti bɔ mɔgɛnu burɔ muk!

Luka 15:1

Wati do, duti-makelelɛnu anubɛ Alla-batobɛlɛ siyaman nara ka anu tole masɔ Yisa la.

Tɔn-Fɔɛ-Fila-Nyɔgɛ 5:31

Kɔnɔ ile ni to n dafɛ yan. Nde nyɛrɛ si nna tɔnnu anubɛ nna sereyanu don i bolo. Ile si ta anu karan wonu na, woletɔ anu ba ta lanyiri-nyamanɛ wo rɔ n bi nala min dila anu ma, anu si nna tɔnnu anubɛ nna sereyanu natɔnbagaya.’ ”

Yasowa 20:4

“A wa a buri tumɛ min ka ta ke soe wo don-dɛ ma, anu si kiti tɛgɛ kan min, a ni koe wo bɛɛ rakaran mɔgɔ-banu ye nyɔ. Wonu si a fɛsɛfɛsɛ worɔ ni a si don soe burɔ. Anu ni kan tinɛ do di a ma a si a sigi kan min.