Bɔ-Koe-Iyipiti 33:16 - ALLALA KUMƐ

¹⁶ Ni i ma ta ma fɛ, mɔgɛnu si a lɔn kama ko mabɛ ila mɔgɛnu di i ye? Kɔnɔ ni i tara ma fɛ, dan-nafarɛ si taran male Isirɛla mɔgɛnu anubɛ duninya-mɔgɛ bɛɛ tɛma.”

Bɔ-Koe-Iyipiti 33:16 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

1 Mansɛnu 8:53

I ya Isirɛla mɔgɛnu yabɔ duninya-mɔgɛnu tɛma ka anu ma itɛ la iko i ya a fɔ Nɛbi Musa ye nya min wo tumɛ i ye anu nabɔla Iyipiti nyamanɛ rɔ.”

Yaburi 147:20

A ma wonu fenfen di sibolo-gbɛrɛnu ma. Wonu ma ala sereya do-wo-do lɔn. Ma ni Mari tanto!

Bɔ-Koe-Iyipiti 34:10

Mari ko, “Mabɛ Isirɛla mɔgɛnu si lanyiri kiri ma nyɔgɔn tɛma bi. N si ko-makilannɛnu ma ila mɔgɛnu yala, kebi duninya danta min nyɔgɔn ma ma wɛ mɔgɛnu yala. N bi nala nta kabana-koe minnu mala wo ye, ita mɔgɛ minnu bi i fɛ, wonu bɛɛsi si wonu yen anu yɛ la.

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Bɔ-Koe-Iyipiti 8:22

“Wo wulɔn tele nyɛrɛ rɔ, n si dan-nafarɛ sa Iyipiti nyamanɛ anubɛ Kosɛn nyamanɛ tɛma, nna mɔgɛnu siginɛ kan min. Yɔlɛ wonu ti ke wola nyamanɛ rɔ muk! Wo si a lɔn worɔ ko nde, Mari le wɔlila nyamanɛ kɛ kun na.

Saraka-Masɔlɛnuta Tɔnnu 20:24

Ni kei do ya a na-kelen-nyɔgɛ dola musi bi sunburi la, wo tigi ara a na-kelen-nyɔgɛ lafɛya. Kei anubɛ musi wo gbandɛ si to ha anu si faga bawo anu bara koe min ma wo la, Mari ko wo sɛninyani ma iko tɔn ya a fɔ nya min.

Yilan-Yilan Koe 14:14

anu si wo fɔ Kenan mɔgɛnu ye. Kenan mɔgɛnu ya ko siyaman namɔɛn ile Mari wara-koe rɔ i ye ma fɛ nya min, ado anu bara ila banda-fin-gbɛ dunnɛ yen ma kuma. Anu bi ila banda-fin-gbɛ yenna tala ma yarɔ tele rɔ. Suyi rɔ, a ye malanna ma yarɔ iko tɛ.

Yilan-Yilan Koe 23:9

N tenbi kɔnkɔ-kolo-wɛ kuma, n si anu yen. N tenbi kɔnkɔ-layan-bɛ kɛ kuma, n bi anu tagbɛla feu! Mɔgɛ le kɛnu na minnu ti basan sibolo-gbɛrɛkɛnu na. Mɔgɛ le kɛnu na minnu si anu sigi anu dan na yiri!

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 4:7

Musa ya a fɔ kɛ kɔma tun ko, “Hali sibolo-gbɛrɛkɛ-mɔgɛnu siya ka tenbi ma la, anuta bɛsɛnu sa anu dɛnbɛna iko mata Mari Alla ye ma fɛ nya min ka ma dɛnbɛ ni ma ya a tɔgɛ rakele wati min.