Bɔ-Koe-Iyipiti 33:14 - ALLALA KUMƐ

¹⁴ Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”

Bɔ-Koe-Iyipiti 33:14 ပူးပေါင်းရင်းမြစ်များ

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yaburi 95:11

A ko a fonde ara bɔ ha a ya a keli. A ko anu ti don lanyiri-nyamanɛ rɔ a ara anu yili-madiya minna ko la nun.

Bɔ-Koe-Iyipiti 13:21

Tele rɔ, Mari ye anu yarɔ banda-fin-gbɛ rɔ ka kilɛ yira anu na. Suyi rɔ, Mari ye anu yarɔ iko ta-mɛlan alako anu ni anu kin kɔrɛ yen.

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 31:2

Minnu ya sayɛ masangba wulɛ rɔ yilan-yilan tinɛ, a kinikinita wonu ma. Sulen-sɔgɛ ya wole, Isirɛla mɔgɛnu bira tumɛ min,

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Daniyɛli 12:13

“Ile Daniyɛli, i ni ma telenbagɛ la i siyi-tele-bɛɛ kɔrɔ. I wa ban fagala tumɛ min, i si i lasɔ tun wati-laban ka ila kɔntɔ-diya-fan sɔrɔn.”

Matiyu 11:28

“Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Tɔn-Fɔɛ-Fila-Nyɔgɛ 12:10

Wo wa Yorodan bɛ kɛ tɛgɛ wati min, wota Mari Alla si a ma, wo si lanyiri-nyamanɛ wo bi wo si sigi kan min. A si wo tanka wo yogenu ma. Wo si sigi lafɛrɛ rɔ.

Tɔn-Fɔɛ-Fila-Nyɔgɛ 25:19

Wota Mari Alla wa ban wo yogenu kɛlɛla ka wo sigi lanyiri-nyamanɛ rɔ yisi-kimɛ rɔ tumɛ min, wo kana nyina Amalɛkinu kɛlɛ-koe la. Wo ni ta anu kɛlɛ ka anu nato dogbe!”

Tɔn-Fɔɛ-Fila-Nyɔgɛ 3:20

N ko anu ni anu ta-nyɔgɛnu dɛnbɛ ha anu fanan ni anu sigi-bole rabɛn yisi-kimɛ rɔ Yorodan bɛ kɔgɔma tele-yigi wara la, Mari ya lanyiri kiri anu ye nyamanɛ minna ko la nun. Mari ara ban anutɛ rabɛnna anu ye. N ko anu ba ban anu na-kelen-nyɔgɛnu dɛnbɛna kɛlɛ la, anu denu fanan si sɛgi anu kɔma-kilɛ la ka na anu sigi anuta nyamanɛ kɛ rɔ yan.

Tɔn-Fɔɛ-Fila-Nyɔgɛ 31:8

Mari nyɛrɛ si taran i fɛ ka sɔ i yarɔ. A ti i baya, ado a ti i boloka. I yisi kana tinya kilan bolo.”

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 21:44

Mari ya yisi-kimɛ di anu ma iko a ya lanyiri kiri anu benbanu ye nya min fɔlɔn. Hali sibolo-kelen-bɛrɛn ma nɔ-ko sɔrɔn anu ma bawo Mari ya sɛnbɛ di Isirɛla mɔgɛnu ma anu yogenu kuma kɛlɛ-kɛ-tinɛ.

Yasowa 22:4

Wota Mari Alla ya lafɛrɛ di wo na-kelen-nyɔgɛ Isirɛla mɔgɛnu ma iko a ya lanyiri kiri anu ye nya min. Woletɔ wo ni sɛgi wola nyamanɛ rɔ Yorodan bɛ kɔma tele-bɔɛ wara la Nɛbi Musa ya min di wo ma.

Yasowa 23:1

Wati siyaman tenbira tumɛ min, Mari ya lafɛrɛ di Isirɛla mɔgɛnu ma anu yogenuna ko la, ado Yasowa ara kɔrɔya kati!